لمِّى على قدى
فرح السنين
الجَاى
دمعه على خدى
أصل البكا
نساى
متعه ومتحرمه
ضحك السنين
مَفْرَمَه
أيام ومتغرَّمه
عمرى اللى كاش
دافع
صبرى ما عاد نافع
والحِنه ف الطالع
ع الكف تكوينَه
قد الشقا لينا
قد العزا جينا
خدنا العزا فينا
والميتين أبقى
دا الحب ف الفُرقه
طعمُه عسل بايت
والميَّه فى التُربه
ماتفوتش على
فايت
شهد الضفاير
صِبَا
شيب الحَلالِى
غَبا
والباقيات
ف الأذى
قسمه ونصيب
موصول
بتر اللقا أوجاع
حِلف اللى باع
عُمره
انه ف عُمره ما باع
توهِة عِلَل ماتت
زاطِت عيال الليل
قام القمر كاتت
ساب العطش للطين
وحدك يا قلبى حزين
مستنى ضحكتها
مش ربما ماتجيش
ولا تتتولد إيدها
دا اللى ماشافش
العين
خده ماشافش دموع
واللى عشق مره
قلبه اتفطم عشره
حلم اليتيم سُتره
وصُره م الاحضان
إقفل على بُكره
وهاتلى مِ اللى
فات

.....
...
هانى السويفى