كل جوارحى 
مدينه
...
وكل ضلوعي 
وطن الغائب 
حتي يعود...
اه من شفتيكى الكرز
قولت وعهد الله
الدنيا بحالها شافتنى
وخافت..
ذاك الضوء الخافت..
يلمع .
تلك مرارة سد النهضه..
تلك تغاريد الصحراء.
تلو الاخرى.
عبر زمان لن يعبئ .
بزمان اخر ..
الله ..
القمر على كل الدنيا
لا يظلم احدا.
حبيت اطبق ايدي بزياده
نسيت ايديكى البسكويت
طبقيه...
وموازنة الطبقات شريعه
.
قل للكنيسه مش وقت
اغصان الزيتون..
فهناك من يرعى بحبات
الالم..
(تاج الشوك فوق جبينه
وفوق كتفه الصليب)
ربك مجيب..
اوا تظلموني وفي عيوني
دمعة ..
الله يناجينا فأمرا نستجيب..
ملحد يالا..
لا تسألوني الذنب يوما
فشقائق الجدران تنزف .
من محاولة الخروج.
يأجوج ..آتوك..
لا يأكلون الا النقود.
استغفر الله العظيم
قد حان وقت للقنوط
..
ازاى كده ؟
الجوع بيوصل للعضام
الدود..
سد قديم..
(قد قام شمر للصلاة )
بطوله
حرمان قوم من بقايا
النيل..
با أيها الآتى اللدود
رفقا بنا..
لا تستحى من من بقاياه
صور..
ف الذكرى سلسال العبر
اما بقايا الوقت
موت.....

نداعب اوراق الطفولة 
علّنا… 
ونحلم لو ف يوم كنا
… .
ونسمع ماضي يحيينا
امل فينا
وكام بني ادم اتولدوا
علي امل الامل فيهم
احن الي
جعبة الكراريس
علي الكشاكشيل
علي كتبي
والف باء
علي اما كبرت
حصلني المرار
كاوي الضلوع تصابير
باقول الآيه واتلخبط
ف كام ركعه
كبرت ياواد
خلاص شطبنا طفولتنا
وبنحاسب علي التجاعيد
فا عمر وراح .
وكان قبله سنين بتعاند
القعده .
ماتطردنيش. !
مساء الفل ع التطنيش
ميتين مره
وروح طاهره
مانجسهاش دما قلب
انكسر حاله
ولا حاله بقي حاله
علي كُلٍ
كفايه عذاب
دا ربك يوم ماخلق
الخلق .
ماكانش بيهوي يكويهم
بنار القبر .

اقوم الليل 
اجهادا بلا ركعه
واسيب علي كل سجاده
الوف دمعات
الاقي الوقت عدي وفات
ملايكه وجان
علي كلِ اتصلح حاله
وروحي تشب ماتطولش
السما السابعه
لاكن جدعه وبتحاول
يارب القسمه ع المكتوب
وجوز توأم وماتقابلوش
ولا مره
واقول الطيبات لله
ورزقا قد يحل ف كام
علي غفله
ولا أدري
ف سبحان الذي اسرى
بعبد الله ولد آدم
وسبحان الذي احيا
قلوب ماتت ولا تعلم

عندما وبختني 
صديقتي 
كنت علي موعد 
مع القمر .
فاغلقت الهاتف. 
وانتشيت
..
مش قد براح الكون
لاكن.
علي قد كفوفي………
.
اضحك..
يسبقني الصوت
لبعيد.
ابكي.
املي بقايا الايام
حواديت.
علي قد شقاوة نونو
بيحبي
انا اتخطيت الحلم.
سافرت الي قبلات
مسروقه
من وراء القس
اعترف بأني
لا اجيد الاعتراف
فأنا مسلم.
لا
لست اقاوم شهواتي
بوجود الله
في وجه الناس
..
قلعت دبلت ايدها
ساعتها.
نمت ف سابع نومه.
مطارد حول الهالات
السوداء.
من كل الليل اللي
سهرته ف حبك.
(دقيقه حداد)
واقف علي شرفات
القبر
اتمتم بعبارات .لأمي
ويأتي السياف.
قرب الفجر
اموت.
هل كانت تعلم
اني اقاوم كل رياح
الخماسين
مابين الياء والسين
(ا ل م)
ياطعم الاستفسار
يستلهم كل مشاعر
تقوي الله..
خانتني دموعي
ونامت علي فرشة
خدي ..
تلك تربت ذره ذره
ف رحم العين..
كل اناث العالم
اجمع خونه
حتي الشمس
لم تقوي علي صفعات
الوجه ف عز البرد
..
جاؤك ف ساعة لاستغفار.
وتركوك وحيدا.
يأتوك تباعا كل ذنوب.
قد عادت اعين يعقوب
وغابت صومعة القمح.
ولعبت قمار
علي نقط العيش
بونص بقشيش.
الزيت الحلم.
السكر حلم.
الارز تباشير النكسات..
من مات علي قبر
الحاوي.
يحكيه الراوي
تتبتل انثي علي صوته
(بحبك .. بحبك .يابنت الذينه)
ف كل الحكايا .
تشرب يا كلب الصحراء
جرعة ماء
كي تتشفع ف المسكين.
تُرحَمُ زانية تلو الاخري.
(سكن الليل..)
المتر ف متر
وكل جيرانه .
سمعوا الدخله.
(افلا يعلم اذا بعثر مافي
القبور..)
الجدران تصطنع
بلاهه ..
تفتح فاها .
الفٌ.. باء
لن ننسي في ليلة جمعه.
كنت وكان قيام الليل.
نركض ع السجاده سويا.
تعب الاخر تلو الجسد
القابع روحي .
خلف صلاة الفجر بساعه.
كنت جماعه.
وكان الحلم إمام.
واستيقظت ..
مابين اللا نوم
والﻻ حرب.
قم .
فقريبا جدا ستنتصر
بإذن الله..
لم يعجبني عواء
الصائم في رمضان.
حتي انام ..
انظر خلف الساعه.
اناس .
طعم الاوهام البكريه.
لحدة اخر فرط العقد.
… كنت.. وعدت

البيت ..
الوحده ..
الافتراض .واحد
وشعلقة كل الحيطان
ف السقف
وارده.
الاطمئنان ..
اعتذر لأمي
صاحبة الفضل
في
…
سر وجود العالم اجمع
… .أم.
فلنحتسي هذا القدر
من الرحمه
..
فتيات الشارع
وسجائر تستغيث:
ماتجوش أحسن
الفلوس تشتري
الخبائث والمتعه.
اتنزع الرحمة من افواه
المجاذيب.
فقليل من الخبز يكفي
حاجتهم.
هذا يفعل.
هذا مفعول به.
من أجل الحفاظ على..
(ف الدنيا ياما ناس)
وكتبت علي احجار
الهرم الاكبر
فن الزراعه
[نساؤكم حرث لكم ]
للحريه أثمان ..
الوجه الاخر للإنسان
العاقل.
لا تقلق ..
لا تضطرب..
خايف ؟
دا أكيد
احشد كل جموع الفقراء
واعمل لهم شادر سمك.
يا منهمك.
كل رجال الوطن النامي
لقمه.
من اجل صلاة الاستسقاء
بنمرمط روحنا ..
إله الشمس
وحضارة السبع تلاف
صديد
يخلق من الشبه
كام هرم علي كام مسله
ف كام مذله
وكل مولود ولد.
علي قد ضهر الشيالين
مابيتجلد
احد احد .
والعبره مستنيه
ايه؟
غير بس كل التعويذات
علي سينا
علي جسم اتدفن
من غير كفن
حبيت يا ناس
كان قلبي زي الفل
طالع زي ابوه
اخضر عنيد
بس البعيد
خواف .
شطط عبث.
ليه مكتوبين من بين
قوسين
وكام علامه للتعجب
صدت الاعمار
عَجَز
انجز وطبطب بالضلوع
علي بطن جاعت
بس مالقيتش الخبيز
اقفل تراتيل الفلس
مابتتبلعش .
دا اللي ماباعش
مداري وشه
عاللي باع.
زعق تطاع
حتي ان ايدينك
ترتعش
كله ل طين الارض
يسجد .
بس شوف كام
قلب كافر بالركوع
مانتاش يسوع
ولا حتي ابن سلول.
بين البينين.
يا غول.
ادينا مطنشين
شكرا علي قرصة شتا
مليانه خوف..
اصل الميدان اشتاق
لحضن الدفيانين
وقت ان بكوا
فخدوده سالت نيل
دموع..
لسه الرجوع.
وقت اما تتبدل جلود
داقت معاني النوم
تفتح من جديد..
لسه المزيد.
جايز يعود

عفوا ..
سيئة السمعه.
لاكني ..
وهي .
و…
علي وش الصبح
سيجارة لاستفتاح..
وباغير..
من وش القهوه اما بيتقابل
مع وشك.
عفوا انقطع الخط..
وفتحت الجرنال .
امس الذي كان ..
اقتربت منه .
إِعتَذَر ..
انا اخر اليوم وبكره نگمِّل.
الفجر علي وشك الاستيقاظ
واليمن السعيد
تحتاج الي جندي اسمر
..
نحتاج الي وقفة توحيد
مع سوريا.
ما تلك الغابه.
سرقت ياقوتة احلامي
(يا مسهرني)
احمد رامي
وبيرم
تلك الايام المخموره
..
كنت وهيكل .
شعب تتلمذ يكره .
بن جوريون ..
وموليه.
لا تتنحي رغم
الايلول المشؤم.
لا تتكلم.
انا ..مظلوم.
مابين خلافه وملكيه.
خلافه وامويه.
خلافه و…
مابين مرارات الجلباب
ورغيف العيش
الحاف الناشف
من عطش الحال
لا ازعم يوما اني
كنت وحيد
احتاج سقاية من يرعوني.
احتاج عبارات التثقيف.
مع ذلك كله.
لا… تتكلم
ف برغم المجهود الحربي
لا اقوي علي اقناع العامه.
ان الدنيا .
بخير
…
اهدي اليكي حبيبتي .
قطع من الليل.
وجزء من القمر.
وبقايا النجوم
علكِ من خلف القضبان.
...
هي كانت لي .
ولك .لا تقتلوه
فهو البرهان علي
(من شاء منكم فليؤمن
ومن شاء منكم فليكفر)
واعيد على حضرات الساده
ارقامي البيضاء
علي البذه الزرقاء
والسيلفي المتعارف.
فهي الزنزانه الابديه.
او اقامات جبريه.
او…
كوكب ارض الله
يا بعيد
..
قل بالتأكيد..
الحريه ثمن .
العبوديه ديانه.
الفارق فيك
يعطينا الله ويعافيك
جسدي المتغرب
ع التكوين.
مابين السين وبين الجيم.
وعهد ألست بربكم.
هم قالوا بلى .
ونحن ايضا.
قلنا.
نولد
نموت .
عفوا ..
انقطع الخط………
……

قلبي ..
ومجموعة اقلام..
وثنايا الورق ..
تعرف مين بيطل
عليك
تفضل موجوع
لا وقت رجوع
ظلت تركض
تعب الثمل
من سكرات
السجده الاولي
كنت اداعب رقة
ضحكك
علي اول تصبيحة
شاي
كنت الناي
دمعت عيني
مشيت
..
الوقت متأخر .
وانا لست ب شاب
تكعيبة ورق الحائط
مرسومه رموز
اقرأ..
ما عرفش
غير ف الضلميات
فات الكتير
خير يتيم
موت وغيم
ابليس بيحضن
ف الرفاقه
مشتاقه روحي
بتتنزف اشباه
راجع جديد
..
زي اللي فات
كان فيه جدع
واتفك كام مليون جديد
بس اللي حاضن خطوته
رغم الالم
مفروق علي ضي الشموع
مع انه كان زي يسوع
حاطط علي راسه تيجان الشوك
وفارق
ابتي لا تقتلني..
مايعرفش .
يابني ان بقيت
دمك خلاص كارف
خيانه
الساحر اللي بيجمعوله
الناس حطب
هو اللي ايده بتترعش
بس مداريها ..
تعابين ..وكلاب
وطيبة القلب بتودي
لاخر فجر..
اصلك ماتعرفش
ان اخر الفجر لييل
😏
(شمس الاصيل )
والناي ..تاني .
اصل القفا ف الوش
موضه.
وضهرك المتني
بيحضن راس جسد تاني
مدان ..
لا يابيه قصدك
ميدااان
يييي علي اللي كان
زمان
حر لكن مش سعيد.
ماتمثلوش الاهه
ف عيون البشر
اصل الزمان مابقاش
بيحتمل الزعيق.
ليه كل ما احلم
ترسمي عصفور
وانا بين البشر كاين
من قد ايه واحنا زباين
وطن
وقد ايه الصبح مش باين.
عفر بقي
وريني اخر تاتش
اصل الماتش
اوله تسخينه
واخره سحبة
روح من
الاستاد
………… ......

وكنت ..
امطرت تلك السماء
فقاومت ثلوج مشاعرك
…
مع ان ولاد البخت
كتير
تناولت صحف الصباح
ما بين مصرع واصابه
كل الكلام الحلو
مانشيتات
جوه الخبر
قلبي استقر
ثم فر
ثم كر
ماخلف جعبة ذكرياتي
إلا الورق
كونيات الغيب
خائنة تلك التجعيده
وقصيده تنم عن النسيان
فأنا والآن
قد قاربت وباعدت
بيني وبين
والشاي يحضرني
كل صباح الخير
متشائم؟
لا لست بخير
كم سنه تاخد
تلك الالعاب الناريه
كي تسحل
كي نقتل
كي يتناولنا ال..
كلمني .هاقولك
وقليلا منك يكفيني
اصل التراويح ف
الصغر
كالنقش على فستانك
ليلة العيد
اتريد الافعى
لا..
لا سم يراودني.
مسكين.
قد قُد قميص
الاطفال
..
مع ذلك تسجن
حقق حلمك واحد
تاني.
كنا ثواني ف عقرب
ساعه بيلدغ كل حيطان
البيت..
التوابيت..
وكم الاعداد على
كل اتنين ف تابوت
اليكم ورد النيل
ينقل من صوت
الزيف
الا تعلم..
؟.
مسجي انا موجود
فا براءه
فا دواء
وانا وانتي
بنجمع كل تفاصيل
ال…
جيبت الحريه
وشيلت على القد
التباريح..
كم قادم
قادم
كم غاضب ..
لسنا كغثاء السيل
وانت القابع
لست قوي
ولا اقوى
لاكني عافرت
وكنت ..
والحاوي
على حالي
فدا ناس اموات
مرمي علي سكات
وكلام بايت علي تصبيره
الحكم البين ينتفض
وقريبا جدا ..
عدت….

(رفقا بالقوارير)
وتنام على سدر حبيبها
لحد الفجر
سياف الحب يداعبنى
عذرا مولاتى
فلا يوجد حل اخر
خيانه.
وقالتها على السجاده
بعد اما فرطت الركعات
الوتريه.
(ايام معدودات)
انى صوام قوام
واداعب قطع الليل
بالذكر..
الوان الطيف
والصيف يتلاشى .
على قد لحافك
قل ..
وبأمر الله .
غاصت اطرافى العلويه
مابين الباطن والظاهر.
والظاهر انى مادوقتش
من
قطرات الفاتحه.
حدك .
فاصل وتواصل
انفى المتبوعة للدخان
انسان او لا انسان
هكذا يفعلون بنا
من اجل تزاوج
ماض. آت
وبعون الله لا نتكلم
لا للاعدام
كنت و كل العالم اجمع
نجمع طلقات مسموعه
ف الموسوعه
وكنت اغنى
انا مستغنى
لا تتعلم ..
فهم اللائى تلوكوهن
الانغام..
كان راجل ف المجموعه
بس الرأى ينافى الرأى
نعم القاطن مع ابليس
جفاف وزفاف
والضحك ينافى الاشهاد
ذلك عبد الله البرى
يبحث عن هجرات شرعيه
تلك الانشوده تناجى
البعض
خيانه .
وقالتها على السجاده
عينيها بتسأل ليه
ربنا مابيستجابش
السر ف قلب الغار
دقت صلبان العمل
الفعلى
مع حلقة ذكر
ونجمة داوود
لايفعل ذلك
غير دي جي
هى تلك اللعنه
بمليون معنى
ووش بلاستيك ساح
غطينى براح
بجناحك
فا متاحك
تعبث لا تتعجب
مذهول اذهل كل
كلاب الليل
فتلاشوا نباح ف عواء
ارزاق
كاميرات .
اصوات
وذلك رغم الرقيات
الشرعيه
وفن حجامة بوذا
لا ترتقى
قاوم وتعلم
لا تعجل
متسجل كل حروف
الخوف ف الجوف
ف الأى كلام
فارغ
وانفرط العقد
خيانات متتاليه
قد عدت امارس
فن الاسراء
فنيت ..
قلبا وجسدا
و......

(فليبقى كل ف مكانه)
عندما لا تعتذر
اقف مكانك
لما الاب يناجى ولاده
على عتبة بير السلم
كنت ..
وكف..
على باب الشقه.
لا تطرقنى .
دقات قلبى هنا بتساعد
روحك تصحى كفايه
عجيب الحب ف الراحه
يا طول البال على المواعيد
حطام القلب ترهقنى
على راحتى
واتوب عن فعلتى
اصلا وفصلا
كنا بنكتب التواريخ
على السبوره كل خميس
لحد السبت موجوده
مراحل بيننا مولوده
مموه منها على كاكى
غدا القاكى ومسامح
وغاب عنى الجواب
اقرأ ..
مابتشوفش
انا هاكتب وبين سطرين
عرفت الحل ع المحلول
كرات الدم متعانه
تخش البارحه الصغرى
وتعصر ذكريات ماسخه
منين صرخه على المؤوده
وايدى عليه بتتلهف
(اغار من نسمة الجنوب)
فتى اسمر
رغيف اسمر
يساوى كتره الموجب
بنات حوا
تبات جوا
سوالب قلب ف الضلعين
(يخرج منهما اللؤلؤ والمرجان)
نسيج زاحف
على مجاحيد
نقول ونعيد
ياعم اخلص ابوس ايدك
حنان الوعد والمكتوب
تبان اصلا على مقلوب
اتذكر حين اشتريت مره
فانوس رمضان دعكت الشمعه
ساحت كدب
وكان كاين هنا عفريت
ضحكت عليه وماسمعش
اريد ذهبا على فضه
على ميه وضوء وردى
على ارضك
ركعت خلاص
بسورة وايه
بعد التكبيرات الاولى
عليك واحد ماكنش امام
تحل علينا بالبركات
وبمبه طامعين ياما
خد الخامه وفصل
منها ملاحيد على مراحيض
على سنه على غنة وقلقلة
ورقرقها
هاتبقى حلال
معانا ريال
مع البقال اخد منه جنيه
خلى البواقى ذل
طمعت ياناس
مساء الفل شطبنا
عشان ميرى
وبكره الجاى مشاويرى
على فاضى
فداك الكل يا وهمى
ومات فهمى وعاش
جسدى بقى عيره
ماكنا اخوات ف دى الجيره
لكن اشتات على شلتات
تشد الجوزه
ماتشيش مزاج خيش
ف الف عامود
بلاش نقلب كذا ماضى
ونعمل نفسنا تايهين
غموض العين
ينادينا
فلا لبيك من اصله
ولا بركه على متنى
عشقت حرام
ومرمطنى
غموس بطنى ماطولتوش
عشان عشنا على عيشنا
ل ناس اصلا ماحنوشى
ولا ارض ولا وطن
ولا رايحن ولا جاين
ولا توبه.
ولا تسليم