ليه الزمن 
خلاك تخاف؟
باكْرَه ازيز 
الطيارات
الازرقات الوان
خلت عيونك ليه
تخاف..؟
الضلمه من جوايا
وقلبى قافل
شباكاته عشان ..
اعيش
ايه ذنب شيشك
يشوف الغاره؟
بعدك النايمين
مستسلمين.
وطنى ومُلك الله
وطابت لَيلَتى
وعلى الورق
وقعت كل الحبر
لجل ماتمضيش
انا قولت اخر ورقه.
لاكن ورقنا كتير
والختم مابيخلصش.
فات الزمان والوَحْش
مش بيخوف البنانيت
جاوِرت إبن التيت
لاقيت
جيرته مابتأكلش
عيش.
قومى اعمليلى
الفيش
لجل ان رغيف العيش
يكون صابح..
حادق يا ملح البحر
والزروعه تين مجفف
رمضان ف كل العام
الهام .
نقوم وننام على حرقة
الدم المميته.
صَرَخت لم تهتم .
تضحك وانا..
عيطت على صحوبية
الوحده.
مره السنين
جاحده.
وانا وانتى ومابينا
علاج القلب.
برشام سيوله
عَجِّزت لما الطب
وفرلى كل حاجاتى
الا المزاج.
انتاجى رشوا عليه
التراب.
مابقيتش شايف
غير ونس جزاءات.
بالذات يا جمع البِذ
ناشف واللبن راب
من حرارة الصيف
نفطر ونتعشى
بقايا لحمة الميته
يا أمة التعريص
رخيصه الكلمه
والورق ابيض
مالوش لاذمه
هاتوا الخرايط
وافتحوها
واقفولوها
وافتحوها بيبان.
هاتلاقوا كل العطشانين
اسرى.
خمسون الفا ذاهبين
يا قمة الحسره.
واحنا اللى زفينا
العساكر .
واحترعنا النصر.
بلدى يا ست الحسن
والحزن والدمعات
ولدك مماته حضنك
وكفنه من طينك
ياما جفت الشرايين
والانتحار ماسخ.
ماتقولى ايه السبب
واحنا على دينك
صابرين
وشهدا
عاجزين ومِتَّدَرْوِش
صبانا .
اه يا سمانا الناشفه
لما السحاب عدى
على غيرنا ولا طلش
مشمش وكل الحال
ياربي ف المشمش
وبكره احلى واحلى
مابيجيش.
كله كلام ركلام
والفعل ف التطنيش.
فتح الهوى ع الشيش
شباكه سخن وخماسين
بدرى
قوم نجرى
مش قادر
فاكر زمان لما جريت
وجريت مالقيتش صد
لجَريِتِى الا الهوا
أحه بقى هو الكلام
بيفيد؟
أبوزيد زمانه مات
نبُّوتُه سَوِّس
من الركنه.
ست البنات
كحل عينيها الهم
واللى بقى يهتم
غم الخدود دمعه
ورا دمعه.
سَامعه بقى سَامعه
ولا الودان عِيره
يا قمة الحِيره
والباقى ف
الحواديت.....
...

كلما استيقظت
عينى 
احاول جاهدا 
لتبقى نائمه
.
هذا الصباح
رأيت ثم رأيت
عبوثا يقتفى
اثر الزمان
وليته قصف القديم
بنصرة
لاكنه خذل المشيب
من الرجال.
اواااه يا وطنى .
عبثا انا اروى
الحطام لعلكم لا
تعرفون.
(انه لا يحب المسرفين)
قد جاء ابليس اللعين
بطرفة
كدنا لنبكى بعدها
(واشرح لها .
.عن حالتى )
قلبى هوى
يا ليتها كانت تغنى
ذكريات..
خمسون الفا بل يذيد
والعن يذيد ولا تذيد
خذ هذه رأس الحسين
وقدها عطرا يذيب
القاهره .
اما الذى مات
فلا داعى لنبش
المقبره.
قال اللهم المعذره
عما بدر من قوم
لوط.
لم يبكى موسى
بعدها
هات ما اتاك يا سامرى
عجل ثرى .
له خوار .
لولا اذا التنور فار
ثم خمد.
نوح يغادر والسفينه
لم تزل.
هذا بن عبد المطلب.
هى آمنه.
تلد الغلام.
لا تعتبر غدر اللئام
وسر على درب
الفتوحات التى
عبرت بنا .
يا فاطمه يا زوجة
الزوج العلى
فهو البرئ بدوره
من صبه السيل
من على .
لا نحن والله
ولا كنا.
لا نبتغى غير الامام
سر للامام.
تذكر .
(انا اعطيناك الكوثر)
فاعلم ان اخفقت
ستخسر....

بكره ممكن 
ييجى ف التوب
الجديد
قالع امبارح
ومستنينا نحلم
او نسلم
او نكلم بعد بكره
يكون رحيم.
حد فينا كان مافاته
ع الصراط
المستقيم؟
ينفلت منا
السؤال
جاى معاه
الالف
محشوره الاجابه
ومش بتطلع
يعنى ايه يزداد
وجعنا
وتختفى حلوقنا
ولا نعرفش نبلع
لما موج الحزن
بيغطى الجراح؟
والبراح اوسع مافيه
يبقى زى خرم
ابره لكن اتقفل
وراح
قول ساعتها ليه
بنبكى؟
والدموع غسلت
هدومنا ذكريات
اصل بكره هانفتكر
ان كل الحلو
مات

انها ال...
وانا مابينها..
احلم على احيا 
اكثر...
دمعاات محترقه.
حدثنى رئيسى :
اصبر عل القادم
خير..
فجأه انقطعت كل
الاوصال..
احيا ولكن قلبى
سقيم.
احبك وهذا ماقولته
فى المساء
أقسم انى .
اسمع فيروز ..
(سكن الليل)
وماتت قهوتى الليليه.
قد اشعل سيجارتى
يوما ..
لكن بعد زرع دعامتى
الشخصيه.
لا يا طبيبى العزيز
انت متأخر بعض الوقت.
(تلفنتلك ..)
ولم تقل حبيبى.
فعرفت انها ملك
شخصى
للعامه..
وهي من قديم الأزل
(ريشه ف هوا)
وغدا لا القاكى
حبيبتى
.....
وعفوا حضر السعال
جاف..
وصعدت..
.........

رغم البكا 
جوايا ضحكه
زى القمر بعينين 
حلوين.
مستخسرين فيا
الضحكه.
ليه؟
وانا عمرى بعتوا
عشان ملايين..
كان كل همى
اشوفكم بس
دى حاجات بسيطه
لكن تتحس.
ذليت غنايا عشان
النفس.
روحنا وادينا مش
عاجبين.
يادنيا ياللى من
برا
صبر وجواكى
ممرر
دا اليوم مايفرقش
عن التانى
رحله ودايبه ف
مقدر.
جنس البشر
بيعيش ويموت
والاخره مابترحمش
النمل.
بنشيل حموله
اخرها الصوت
والموت دا كاس
داير ع الكل

كتفا وشيال ..
ايوب..
وشله من العيال.
رحال ياعمرى 
اللى اتسرق 
منى..
اكمنى باتشعبط
ف رجل اللى
ما راحمنى.
تربى و وارى
جسدى وساب
الروح
مجروح وباتحاسب
على مهل الملايكه
حد العذاب ما مل.
ياربى فى المحيا
زبانيه.
وف الممات ورديتين
على جسمى لما فل.
وغلبت اقطع من بقايا
الخد دمعه ورا دمعه
حد ان عيونى انحنوا
ورموشى شابت عجز
اضحك ؟
ياشيخ اتوكس
فقرى ولد فقرى
والغلب عشش عنكبوت
على ضلعى
وقلبى
مالقاش الحمام
بيبيض.
ايدى يا ناس عنست
من قلة السلامات
ودراعى متجبس من
العطله.
اترجى فيك يا زمن
تشوفلى شغلانه
عريانه يا جتتى
من قلة الهدمه.
اه يا بلد دابت من
التخزيق.
ماهو كل يوم مايفوتش
غير بالذل.
يا عمر جالك سل
والكحه نشفانه.
ازاى تصبح ع العليل
بالدوا .
والاجزجيه شطبوا
ماجبروش.
جرى الوحوش هريه
على الفاضى .
كنا زمان نجرى
ومنتعبشى.
دلوقتى يارب باصلى
وانا قاعد .
رقده ورا رقده
اما نسيت امشى.
قلبى رمى العكاكيز
من لفه ع التوابيت
شايف ف كل دقيقه
ناس ماتت.
وايش يعمل الشريان
والسد شاب عنيد
وتفيد بإيه القسطره
والزيت مكان الدم..

دلع حيطان جنتك
وارقص على بكره
اصل اللى جاى 
ع القد
والبيع على 
المكشوف
يحكى ف زمان
العبر
نص النهار ملهوف
على نص ضهريه
ينهى بكمالة عصر.
ضل البنيه قصر
يروى غريب
معدوم.
خرق الهدوم سنه
حافى على الاعتاب
فرض الغلابه الفقر
قافل على الابواب..
زمن اللى فيه عارف
مات ف اللى معرفشى
طنش وماتخافشى
ملعون ابو التوهه.
صبح الصباح قالع
الفجر كش جبان
والدنيا نداغه
قالعه ف كل
لسان.
فاكر زمان ان كان
فيه القصب واقف
لما السحابه تنام
يغدر ومايهابش
تحبل ف واد زى
المطر ينزل
على الارضيه
مايرويش
الليل كما درويش
مجذوب من الحسره
قاعد يقيم الليل
على سجادات الهلس
بركات يا وش النحس
زايد على فكه
اصل العتم سكه
والمغريات ياما
أمه اعملى معروف
مايغركيش مزروف
نأبه على شونه
اكسى الصبايا
سكات
شغل التعالب فات
لغمط فخاد الضى
وبايه يفيد ترقيع.
كل الملوك مقاطيع
لاكن عليهم دور
شاى مغلى كام
مره
علقم كما السكره
ف الموت واه ع الشوك
ف الحلق والمعكوك
اخد البراءه شخر .
شق العذاب ف الصخر
اصل اللى كان شادد
بكره اللى جاى
مرخى
لا يفيد ولا يحبل
زيه كما القله
تكمال عدد يقفل.
دقن الاغا موضه
تكسى على الفاضى
قاضى البلاج صيف
مابقاش هناك قاضى
روح بقى يالله
والله منا راضى

كل الشارات نخاسه. 
مثني وثلاث ورباع
وماملكت.. 
يا أمة هلكت 
مابين الصرة
والفرج..
مابين المعني
والضد..
ان الباطن يكمن
في احشاء الارض..
هل تعلم ان البعض
يعلم في اغوار البعض..
انتظر الرد..
فلا تعلم..
اصمت..
هانحن نصلي
في المسجد
ونسافر عبر الاقمار ..
المجد لمن صنع
حضارات الغد
واستنشق روح الثوار..
والمجد لمن
كتب التاريخ مبارزة
وتوضأ بمياه الطهر..
فأنا انتظر الفعليه
لصلاة الفجر
كي احظى بالروح مباشرة..
من بعد الضحى..
شكرا مولاتي ..
"اني خيرتك فاختاري
مابين الموت على صدري
او فوق دفاتر اشعاري"

وانا ياللي 
حبيت القمر 
ورضعت من صدر 
السحاب 
تفاح
كتر العلل أشباح
بس الفطام ع المطره
كيف
خرم الجيوب كالسيف
قاتل أمل فيا
تعبان ملاغيه
بس القضا كالقطر
فايت ومش شايف
وانا مهما حبيت الحياه
حب الحياه زايف
فا ازاي هلاقي الموت
كتكوت بعين زايغه
ع الدنيا والملكوت
دا هايبقي شئ بايخ
دي العبرة لو تعترف:
شايخ ولد شايخ
ياللي أخدت العصب
م الدنيا
عصب الدنا خايخ
أخ ان قصدته شريك
ولد ان قصدته أخ
عمر ف لحظه بخ
والقبر حضانه
جانا الميلاد جانا
علي غفله م المولود
عمر ف اخره دود
والفتره زنزانه

خلاص.
ماعدش باقيلنا 
ناس.
هاشرب لوحدى 
الكاس.
وماعادش حساب
لحد
خلاص.
سنين ضاعت
ف ناس
مالهومش ف الاحساس
ولا خافوا يوم على
حد..
من النهارده هاكون
نفسى .
هامسح جراحى
وابيع أمسى
ومانتظرش الرد.
بايع وعمرى ماكون
شارى.
كاره وكل مااشوف
دارى .
هاقولى ما تصدقش.
اللوم عليا انا ف الاول
ومش هاموت لما اتحول.
انسان ونفسه وبس
بكفايه عيشت سنين
شاري
ولا حد بين الناس دارى
ولا حد كان بيحس.
خلاص ...