انا حد شافك 

من زمان

ولسه قافل نن عينى

عليكى

لسه الصور مركونه

جوايا

هنا ع اليمين 

صورتى وانا حاضن 

شوارع سكتك

هنا ع الشمال

كلك جناين بكر 

ماتخافش الخريف

فا عرفت منك 

يعنى ايه غزلى العفيف

وعرفت ان البرد ف أحضانك

دفا

وان العيون تحضن 

بكف رموشها

صوره خطوتك

وان الحنان متدفى ف الرمله

ودمع المد بيغطيه

الله على لون الاختشا

ف دلع البنات ع الشط

الله على ضحك الولاد 

ب الكت وقت المغربيه

الليل ف وسط المعزوفات

يسمع نايات الودع

السر قلب الجدع 

لما غريمه ناداه

وقت النزال قد اتى

شمر كمام الجدعنه

راكب فرس جامح

قاطع 17 سنه

لا ذاد ولاميه

لا كَلْ جسمه ولا

مللى ف الميه

ادن أدان المعركه

وهب حى على الجهاد

رد بشهادة ربنا 

كان الجواب م السما

مطرة دماك يا شهيد

تروى الأراضى العطشانين

تطرح خطى ال جايين

الفين صلاه وسلام 

على النبى العدنان

يبقى الجسد ف الارض

كامل كما المولود

والروح تهيم ف الوجود 

تعلم الانسان

حب وكرامة وطن 

من اجمل الاوطان

العشق فيه ابتدأ

قبل الزمان بزمان

قل للحقيقه اينما

كنتى 

عليكى سلام

 كنت واحد صاحبى

خانّى

زى واحد صاحبه 

خانه

كان فى بنت وخانها

برضه

واتنسى وراح زمانه

...

بعديه واحد حب واحده

خدها صاحبه ف الطريق

خدها سكه زى غيرها

ضمها لنفس الفريق

زى بعض ف التشابه

كلنا ف الاصل واحد

اتخدعنا زى غيرنا

وف اساسنا القلب جاحد

#مثلا#

 انتى القصيده 

البكر ف ديوان 

البنات

زيك عيون الفجر

وقت الشقشقه

هل لى اعتصار

 الكرمتين تأذنا؟

ام أن ذات السكر 

من خمرك حرام؟

اول دخول السينما

نظره للافيش

حتى أن سمار الجتتين 

باهت

داير صغير فى الشوارع

منتبه

يمكن تاخدنى الاعلانات

ع الحيط

اتنين وكام اتنين 

وانا 

وباعدى كام اتنين 

وانا 

وكبرت تانى اتنين 

وانا 

اللى فضلت واحد

(ضحكت عيون حبيبى 

ضحكت ليها الليالي

سافر قلبى الحبيب 

سافر بعد انشغالى)

وعينيا غلبت لف 

ع الاسفلت

دابت وانحنت

طبطبت بدرى عليها 

بشوية قزاز.

(لما كان البحر أزرق)

كان الشبه مألوف 

ولد 

وقت الولاده 

جميل 

تكبر وتحلو ف عيون 

الناس تختفى 

وانا لسه متأخر 

بعيد 

شبيت 

قطعت هدومى 

غمضت

احلم باللى مش 

موجود

(سلمى عليه قوله 

انى بسلم عليه)

اول سيجاره

جسمى نمل

شوفت كل الناس

حيطان

شوفت ع الاسفلت

باب

شوفت وش ابويا

كشر

شوفت صاحبى 

ف دمعتين 

من غير كلام

كنت ساكت 

بس هى عينيها 

ضحكت دخانات

شوفت منها ع الافيش

والاعلانات

الف ضحكه

بس 

باهته

وهوب راحت

............

 وليبقى قانون العالم

يملكه إنسى.

قد غادر نحو اللاوطن

واللا أرض.

واللا رب.

لكن الرب بدوره كان

 ولازال.

فا حصيلة ناتج بدء 

الكون.

رب وانسان.

(انا ماقبلش اكون انسان 

على الهامش....)

 Now. 

I can To say.

hello to freedom.

قليلا من صوت المذياع

قليلا من ورق البڤرا

والف كتاب بيستنوا 

البعيد

يقرأ.

..

.قهوتى الصباحيه 

الواجبة دوما 

سلاما لكِ.

(رغم الزهر اللى متلى 

لحروف)

قاعد فى نفس اليوم

استنى تعدي.. مابتعديش

سنوات ضاعت .

وغياب اطول .

وانا لسه ماغمضتش 

عينى.

فا تعدِى وتلمحني 

وتخاف.

مين اللي اتكلم من اخر

مره.

رفعت فستانها .

وانا كنت بطولى.

وخيال بيجيبنى وبيوديني

(ابحث عن وطن يحميني)

جرانين الحب تناشد خبر 

اليوم..

اقرأ .

استلهم.

ابكى.

من منا يقدر عن فعل .

مالم نفعله.

وعبارات الماره 

اسهم فى بورصة قلبى .

(كل دى اشاعات)

..

قوم البس وانزل 

لملم قرشين ..

ماتعودتش على بوس 

الارض.

البطن أن جاعت واتلوت

بتصحى الاكل ف بطن 

العين..

كل الشهوات تحاصرني

والصمت يخيط الفاه 

اهٍ اوااااااه..

اقعد واستنى التموين فى

الموسم..

تحيا وتحيا وتحيا 

الدوشه..

اتذكر زهرات تتفتح

(جلست والخوف بعينيها)

تتأمل مستقبل مجهول

ثعبان ظل يراودها 

قد نال رحيق براءتها..

حبلت فى المسخ المعهود..

مش كنا اتمنينا الموت 

احسن ..

أو كنا اتمنينا الخوف..

الرب يحاور 

لم نسمع..

والقس يحاور 

لم نخضع.

والعابد فى قلب الغار

لم يأذن برحيل 

القوه..

مش هما يارب.

 احببت الماضى 

فى عين البائع

وشريط الذكرى 

يمر 

هنا .جدتى 

تتوخى الحيطه 

أن يستيقظ جدى

هنا امى تتعثر 

منعا للتأخير 

هنا مرآتى

هنا .

اشياء لا تشترى

هنا القاهره

(نسيم العصر ع القصه بيحكى 

ف الهوا قصه)

ولعت سيجارتى 

ودخانى غطى المطلوب

وطلبت اتنين قهوه

واحد ليا 

والتانى قلبته لحين 

وقته

جرس التليفون

فكرنى باغنيه ف فيلم

قديم

(أهيم شوقا اعود شوقا الى نماكى وسلسبيلى)

جرنال الصبح

وفتحت الصفحه على

 غيطان مزروعه 

بترضع من ساقيه

ف حاره ف قلب مغاره

بتطرح صبار 

قولتلى كان كام عدد 

الانفار؟

(هذا الرقم مرفوع مؤقتا

من الخدمه برجاء الاتصال

لاحقا)

ولسه كانت بتحلم

تلملم ..وكانت....

ف رنة منبه

بتشتم

وتدعك عيونها 

ستاير أمامها

بتفتح وتقفل

ترى مين ها يرفى

ف عيونها

الحقيقه ب نهاية 

حلم كان

.....

فى نفس الشوارع

متابع مركز

علينا وايدينا 

بتحضن حاجات

ونفس العيون اللى كانت

ساعات

بتهرب تخاف.

ونفس السنين اللى عدت

عجاف

عجوزه بتضحك

 ومتمكيچه.

ترى خلق ماتت من 

الانتشاء

ترى خلق عاشت 

بتجتر ضحكه من الليل

وتسكت.

وما الدنيا الاها نيجاتف

وثابت

وما الصوره الاها مشهد 

معاد

ب جدى اللى نام ع الرصيف

هدمه فاضيه

ونينتى اللى دفنوها 

فى الالبومات..

 انا كنت واقف

ع الطريق

واتنين حجر 

حاضنين قلوب

القطر يزعق

ع القضيب

وابن العمومه 

ما همهوش

جرنالى محدوف 

ف الهوا 

صفحه ورا صفحه

ويا مين هايقرا صفحتى

والبنط هايعلم

ورق العنب سلم 

من نظره للحبتين

مع ان جسم المره

صفصافه على جميز

ع السطح منشأنا

وسط الغسيل ع الصبح

يابت هاتى من الكبار 

وتعالى فى الدروه

حلوه البنات ف الصبا

والسدر لموناته

وانا كنت عيل 

شقى

والبلحه بين الفخدتين

نابته

وقت المدارس وجب

شوف الصيام من رجب

مخلايق وليها العجب

وسط الكتب تقرا

يا راكب البقره

مادريتش بالفاعل

الحلب على ودنك

والفعل بين رجليك

حنى الايدين والنبى 

بالفكه ف المصروف

اعمل بقى معروف

انا نفسى اجيب الحرف

دى البت ف الشباك 

هبله ومادريتش

ان الصحاب اتبروا 

من كتر ما حكيتها

خمس سنين والنظر

دمع على حالى

يامه روحى لامها

وهاتيها على بوزها

يابنى القدر باعك 

وراماها ف العتمه

كلمه ف روح كلمه 

انا قولت اسيب 

نفسى

دمعت على نفسى

وانا ياللى كان نفسى 

ف توب الحلال 

ولا جاش

ف العشق انا اتعريت

وشافتنى بنت الايه

صرخت بعلو الصوت 

احيه على احيه

بليت كيزان الهوى

مرا على حادق

كانوا كلهم صبيان

ماتوا من السرقه

ماهى مش كتير 

فارقه

ولا حتى حصوة رمل

ياللى خلقت النمل 

ف الصحرا

ارزقنا زى النمل

 نفس الخريف

بيطوف على الماشى.

نفس الحيطان 

متجمعين واحد 

قصاد واحد.

الخلق مش جاحد

بس النضر ع القد.

كتر العدد بيبان

لو من بعيد دافى.

سطح البيوت 

حافى

لاسفلت مش .كافى

يكسى الشوارع

ترتعش..

انا ايه حصل لى 

ف كام سنه؟

نفس الايدين

ماتغيرتش

الكون كاوتش

الجلد زى ماهو 

على العضام 

نفس المقاس

من غير مداس

الارض تحتى كالقزاز

تجرحنى أنزف شلالات

العمر جاى 

القطر ماشى مايلتفتش

والف وش بيندهونى 

بالف صوت

اخاف واموت

يغزل عليا العنكبوت.

انا كنت فين ؟....

.....

اصبر عليا ودفى 

حضنك واحتوينى 

الشوق كاوينى 

للرجوع.

ماتغير الموضوع.

(ساعات باقوم الصبح

قلبى حزين

أطل بره الباب .ياخدنى 

الحنين).

قولت اشترى بلالين

بلون البرتقان

واضحك كمان

قولت اشترى للبنوتات

فساتين

والبس بدل على لون

قولت اشترى بونبون

واوزعه ع الفلاحين

.

فين البشر ؟

دا مفيش عساكر 

كله مات.

سامع ازايز الطيارات

صوت الغراب

حتى البيوت 

صبحت حجاره فوق

تراب.

شوف كام سنه

واقف على الرمله

وماطلعتش 

اجازه.

 فارس وباصص 

ع الشمال

على كتف مال.

والباقى من نظرة

يمين

كام عسكرى 

شطرنج 

كام كَش منى 

كام ملك

جسمى اتهلك

ميلت على ضهر الحصان

وتعبت

مدت ايديها من الجديله

.ترقص ثوانى؟

انا كنت من قبل الثوانى

مُت.

وصحيت

مت

وبكيت

عكيت هدومى

من دموع كام مات

عدوا على صدرى القديم

الوفات

الف اشتكوا م الجوع

والف شكواهم 

فراق

والباقى حضَن الاختناء

الصدر داق

والضلمه بتخوف

غمضت عينى 

ماشوفتش المشهد.

كان فى زمان

قبل الدفا والبرد

خلق ماكملوش

كان فى زمان

حبة رتوش

على صحرا فاضيه

وكام جبل

وحته باقيه من القمر

هربانه من حضن

 السما

وشباكين من قزاز

بيبصوا على علبة دوا

فوق كومودينو

شوفت العيا وبعدت 

متر

ادانى ضهره.

وقفت ثابت.

على ضهرى كانت 

بندقيه

كتفا سلاح يا عسكرى

صوت من بعيييد

عطشان يا عالم حلقى 

لسه بيتولد

وطيت اكمل حفر تحتى

الميه هجمت مالحه تجرى

ف وشى شميت الغرق

فَ فضلت اعافر كاااام

سنه عدوا مابين نفخ النحاس

وبين صوت الجزم

 ع السجادات الحمر 

(قولوا لعين الشمس ماتحماشى

لاحسن حبيب القلب صابح ماشى)

غنيت على ناى الغريب وعزفت چاز

ع الترابيزات.

 قعدت تبص لبدلتى ففرحت

وخطفت كرسى من البارات

وحضنته جامد قوى

كسر ضلوعى وساب

ف سدرى سلسله

 مكتوب عليها اسمى ورموز

الكتيبه......

.

 ودامت بين سنين

الغيبه 

تستنظر 

دقايق عشق

ولما استحكمت حلقاتها

استنظرت اخرى...

وباتوه. ف عينيكى

لحظات

استرجع فيها اللحظه

الاولى

ايا من قلبه انصهر

حنانيك القلوب بعدك

وسط الانابيب 

وجهاز القلب

مريض

كل القطع البيضاء

تتلاشى 

رويدا رويدا

تلك الخفقات

استقبل صوت 

..

قم ف القيامة 

قد بدت..

كنت اتمنى اخر 

ركعات الفجر

فربما طاهر 

يمسسنى

يارب .

الوعد على المكتوب

وسنين الصبر

حفان الدمع

وتكحيلة سهر الايام....

اخرج منى كام واحد

وبقايا الجسم ف كام

واحد 

وعيدان العضم

ف كام ايدى 

الشقيانه

اطلب ميه..

يتحول رمل الصحرا

لطين

راجعت التواريخ

67

....

86

واطل على شرفات

التاريخ

لحظات وانطلقت

طلقات العضم

تسارع انفاثى 

(لموا الكراريس)

الاب يهادى الاطفال

بقواعد اطلاق الصواريخ

كم كنت اسافر 

عبر جنود الاستشهاد

مالحقتش افرح 

بالتكوين

تلك نهاية ليلة جمعه

وصبيحه لليال عشر

تلك السنوات الأخر

خيط 

وازرار

وبشر

لا دواء 

لا غذاء

لكن الرب يرعى

كم كنتم تفترشون

الارض امال وطموحات

وكم كنا نفترش الاجساد

زهد 

ومرت بين تنايانا

دقايق عشق

.....

وتلاشت...

 فعندما 

قتلت 

نفسى 

احييت 

روحى 

تباعا.

جسدى اللى

كان سلسال

الم

عمر التَهم

منى البقايا

منِّهُ

اما انا

فبَقَيتُ 

للتشبيه..

قالت: 

وذات الليلةُ

انت الذى 

اوسعتنى

ف القلب

حبا مبرحا

لا تعتذر

تلك السياط

مَلذَّتى

يا مزة الوجه 

الصبوح

على غِيارِ

الريق 

وقدح 

الاولياء

مع قطعتين

من البراءه

الخالياتِ

من الحَزَن.

اَقرأ صحيفة

نورها

اَستنشق

الكَون العفى

كَفِّى 

وفيه

آخر سلام 

والصلاةُ 

ف خدرِها

يالله بقى

قوم 

اذِّن الفجر 

المُسمَى 

بإسمها

اذِّن 

و

حى 

على 

الصباح

مع الاقامه

والملامه 

للسنون...

عمر 

مضى

وانا باركع

الحب 

القضا

زكةٍ وصوم

عن

اللى فات

وَهم فلات

وسنين 

عجاف

لما افتكرت 

الزُهد

بُعد

وان العفاف

عنها

بموجب 

لاقتداء..

..

حاء وباء

وتَعلم السر

الخفى

على يدْ 

كيوبيد

العزيز

..

اِنطَق

واُبكِمتُ

بفعل 

الشهقه

للنظره 

الحلال.

برواز 

وكان فيه 

العيال

ولدٌ وبنت.

والذكريات

تسري مابين

الجلد 

والتكوين

لقا 

من بعد

طول فتره

جفاف

قل للذى 

حبك 

وخاف

دمع بقى

واترجى 

ترجع

بس

لجل 

ماتشوف

الرجوع

وترُد

 الليله كانت

لاعتذار 

القمر

لما الندى

كان من دموعك

وقتها .

انا كنت واقف 

بالمحك

وانتى بتستنيه 

مجاش

بصيت ساعتها للسما

شوفت السحابه 

بتحضنه

وهو باصص ع القمر

يرضيك كده؟

فدموعى نزلت غصب عنى

تسحبه

كان المطر اسرع 

شرب الدموع 

ورماها ع الاسفلت

البنت بصت تحت منها

شافتنى صوره

 بين دموعى

بكيّت زياده

غسلتنى اكتر

فطلعت فوق 

اخده واجيلها

كانت السحابه 

نزلت مطر

........................

 انا طفل اتمعجن 

ف التواييت

قد مات بآلاف 

الطعنات

عذرا..

ف حياتى اشبه بالحلم

استيقظ لحظه 

واعاود..

والقلب على جدران البيت

مستنى البت.

( ياكل الحاضر والماضى

يا عمر العمر

هل تسمع صوتى القادم

من اعماق البحر)

انى اتبسم خيفه

ف معاذ الله 

قد تولد داخل 

جسدى حياه...

شديت ف حزام الصبر

عشانك واستحملت..

موسى 2013

داود 2014

ايوب 2015

تلك عبارات فضيه

تتوهج عند الحاجه

العيش ف مرارة التلاجه

مستنى كتير.

المخ اتمعصر ف التفكير

نزل قطرات الماغنيسيوم

دمعات زخات ..زخات.

عصبى .. متوتر 

واحاول .

قد يغفر لى الرب..

على قد دعاء..

كم مره تراودنى الحسناء

واقاوم 

ههههههههههه

يابنى .

الاباليس اضعف بكتير

(السجن احب الي مما يدعوننى 

اليه)

عفريت بيفسر حلم 

بكارة كل جنين.

(يا ولدى قد مات شهيدا)

واترسمت ذكراه 

جرافيتى.

والجسم خبيز

والجاى مدفوع الاجر

خسست

وضعفت

ووهنت

واشتعل الرأس مشيب

وبقيت كراكيب

ابعدى عنى..

حاهرب منك ع الضلمه

والضلمه مرارة لاستعباد..

قضبان..

واتدقت 

على قدم النوح.

قد سكن 

يبوح

وتلوح الي ب شارات

التنبيه

من هنا^

من هنا^

وأنا .

اتلخبط زى البنى آدمين.

على وسع شاشات التليفزيون.

اخبار ..وفلوس

ونفوس

وعناكب تتلوى.

قد مات زمان الافعى.

قد نبحث عن رفعه.

عن رقعة شطرنج آخر.

لمن ............

للقديس.

والكل يحبك .

لذا 

فلنعمل.

ولننظر للأيقونه.

وننتشى .......

تلك هى الحدود

وذلك اسم اشاره 

للبعيد...

..

 كتير واقف 

على أول عِتب

ف طريق

فلاش باك 

ولا هانعيدوا

ومايهمش هاوقَّف 

زمني ولا هاسيبه

يتخبط

أقف عندك 

هنا أُربط

وقِف تفتيش

يموت الجلد 

على بعضه 

من التقفيش

ذنوبى أفيش

وكم المُوبقات

تُوصِد بيبان القلب

وتقَفّل ف وش التوبه

بالعافيه

يقول الشيخ

رضى الله عنه

(اهل العناية ان تولوا 

سيدا..

لغدا متاعا يشترى 

ويباع)

والِف الدائره

عجبا على عتبا

على أرزاقِ 

وأرفعُ من على 

جسدى خطيئاتى

و(هو) 

يعلم بأن النفسُ 

مأساتى

جرالك ايه؟

هاموت م الخوف

شطيرة قلبى 

ع المكشوف 

هنا الشيطان والدنيا

ونفسى والهوى

جاءوا

ياريت تسترجل 

المرادى

وتحارب

وقم بالليل والاسحار

نائمة 

لعل الليل يشفع 

فِىْ 

فِأَتلاشَى

رأيتُ الله ..

فى قلبى 

وحادَثنى على عجلٍ

فصرتُ ضرير

وكيف بعد اما اشوف 

النور 

اشوف غيره

فلا جَنة ولا جِنه 

ولا إنسٍ

ولا تكوين

أُريدُ الذَاتْ

........

 إنها غرفتى..

..

لا تترك فراشك

غير مرتب

حاضر.

ونزلت باشبك 

رجلى ف رجل 

السلم.

الناس مهاوييس

وبقايا مواصلاتك

بتعَجِّز 

كتر خير اللى

 جابتنى

لحد الليل

مِارَست طقوسى

العُمريه

وكبرت

كَروِّت ولاد اﻹيه

اﻷيام 

ع الحيطه

وسِنِّة طباشير

كان آخر خط 

ف درس اليوم

وأرانى أعصُر 

خَمر اللذات 

شَاكر للحَُضن 

التوبه 

العفه

مرارة كل خميس

يخرب بيتك

إبليس

راوَدتُه عن كل 

الناس

أنجاس 

تمثيل

طراطيش العفه

بتدارى 

ورا كل لسان

وانا عيشت

جبان

ماعرفتش طعم 

اللقمه

الا اما أخدها 

الغير

على ايه بتغِير

على لون الشاى.

يا زمان نساى 

ماترَوَّح ياض

حاضر يا كبير

الهوى مشاوير

العدل 

العزل 

العَجن 

الطير مدابيح

وحريقة على الناصيه

مجاز

قطعت ايديكى 

بكسر قزاز

واستحملتى ملذه

وعزه 

وكل كلام اتقال

عن كل البنى ادمين

مخلوق من طين

ايه ذنب الطين

يتشقلب فرن

ويحرق قلب

 صحابه

مبسوط دلوقتى؟

مريت بالوقت؟

انا اصلا دوخت

مرار الطهر 

شديد

والصلاه مواعيد

أصلى ماصليتش 

زمان

اقرأُ آيات الله

من قلب القلب 

العامر 

واستنشق ريحة

سجداتِك

أتعب بزياده

الغُرفَه...

بيضاء 

البَذه

بيضاء

وجهاز القلب 

يعلن......

مبروك للروح

انتَزعَت من حمأٍ

مسنون..

والعَوده

 بقايا زيت 

العذراء

ينسكب على 

لوح المرآه

..

اتمنى الشفاء

لابتسامتى

.

عن تاج الشوك

نتألم

لم يصلب 

ف الدنيا 

رب.

لكن يسوع 

قد يعلم 

ان يهوذا 

رب الضالين.

...

احكى يوما 

عن سر تابوت

السكينه.

وسليمان 

الدائم

ف قلب الخدعه

هى سر اللعبه.

القدس ..

عاصمة الرب

قاهرة

العذراوات

من الطامحين 

ف العبث

..

عذراً

لا اؤمن بالتطبيع

الدائم.

بل

اؤمن بمعاملة 

أبقى

عل القاصى 

يقترب بفعل 

التوبه..

 وبتنكش شعرك

للعالم

والناس تفتكرك

بلياتشو

وتدمع عينك بزياده

والناس تضحك

حقا 

مسكين

الناس مليانه مرارة

بنى ادمين

حقا احاسيس

وبكحلة عينك 

بتدمع. 

ايه ذنب خدودك

بتجمع احزان؟

قلبك بركان

والروح شفافه

لا وقت مخافه

بلياتشو 

حقا الوان

دول مش فاهمين

تلاعبنى دورين

نقفل بالتالت 

اوضتين

وحيطان

وسجون

عيطت كتير؟

شميت ف دموعى 

تساطير

وعرقت

وضحكت ...

بمراره

ولسه الناس .

بهدوم الضحكه 

ماقلعتش

......

 العشق ف المرايات

ساعات

بيكون صدف

وانا باعشق القلوبات

حروف..

تطبع مرايتى 

كل طاقة خوف

باخاف..

ضحك القلوب شفاف

وانا ضحكة التشميسه

حزن

اما بتغرب..

وحدك ووحدى 

والوحايد كم

بنمر من سم الحقيقه

خيال.

يتقال علينا 

دا احنا لسه عيال

واحنا قصاد العيلين

نحلم..

##وكانت بكره وماجتش#

 ولسه باحبى ف خطوتك

جت قفلة الشباك...

عيشت التبات 

وبنات ومالت ع الجبين

ندا

اه يا جبين مكتوب 

عليه للاشقيا

فوق التمانتاشر  ربيع

..

عجبا وعجبا ثم عجبا سلف

والمختلف شيبه على شعر 

المرايا 

والمشط يضحك ضحكة 

الطفل المفارق 

ايد ابوه

عجزت بدرى ولا عيشت

الدور

على ارض بور 

عطشت جفاف السما....

..

والاسم واحد 

حب كل الناس

مسامح..

قلبى الوحيد جامح

على ايد ملايكه بيعشقوا

السجاجيد.....

كداب .. 

ومش قادر  الاقى عيد

على سدر من حبيت

مات الكلام

كان الكفن حواديت

والقبر حلو 

للى بيدوق الحساب

والجبر 

والتجابير والكسره 

ع اللى عاش 

مانتاش غريب 

مانتاش بتوجد غربتك

لمتك 

حنيتك قلبك

قل للحزينة قد

يرى الرب القلوب 

فلا زعل 

ولا عتاب لمن راح

الصب موضع كل عام

وحبيبتى 

كانت هنا ..

قيثارتى عزفت عليها 

الرياح..

كنتى هنا ..

كنتى هناك....

لو تقفلى الشباك 

على الصبح

ابقى افتحيه لما يهل

المعاد.....

 الشرخ فيك واقف

يهد الحيل..

الصوره غلبت تشتهى

المرايات..

العيل اللى ف بطن أمه

مات..

أنا كنت فيك ساكن

يوم الحقيقه. 

نابك اللى اتخلع له

 القلب.

فخرجت منك 

 ابن كام دمعه

مغمض.

وابن كام صرخه

وضمت.

وابن كام حلم 

ف امانى اتولد.

هل جسمى كان

قد الوجع والاه؟

معرفش لكن كنت

حد وبس.

فى الذكريات حبة 

حيطان اتبروزوا

على شكل بنى آدم

بيحلم إن حوا 

لسه ف التكوين

ف العجله خلت 

كل ولاده بتشبه

بعض ع السيراميك

وكل ولاده بتشبه بعض

ع الاسفلت 

ف طبيعى كان ف الحر

تنشف ويمسمروا الارضيه

شوك....

ماتهزنيش وحياة ابوك

وتقولى قوم.

وسيبنى ميت.

يمكن ف روحى 

لسه فاضل حضن حى

..

اوا فى الذى قتل 

النفوس

وابقى منها واحده.

هل ساءَل السموات

تقذف خارج الملكوت؟

ولتعترينى برهةً 

اذبح على الصلبان

ابكم. 

لا أجرؤ على 

الاعتذار.

طب ليه من الاول 

احبك وانتى كلك 

شقا.؟

وليه اسافر فيكى 

متقسم على فترات.؟

مابين حوا وبين حوا 

وبين حوات بكوا

طعم الفراق..

..

(يالله يازباين هانشطب

فين الاكيله؟)

جسدى الذى قدد على

حبال الغسيل 

مربوط وايده مملحين

م الشقا.

دانا كنت فاكر انى

بياع الحبوب

اتارينى لسه يدوب

باطبطب ومفيش

بضاعه.

شوالين بكش حملتهم

لجل انى ادجّل وانتشى

وكل من يلزمله حبه 

من الإشى يكبش فضا

.

والليل بيجنى ركعتي

الفرض.

من ثمَ أقرأ فاتحة

من ثمَ أقرأ فى العلق.

من ثمَ أشهد أن رب الكون

بيغفر.

يصفر وجهى وانتحب.

بقى ده جزاتى انى حبيت

الونس.؟

(من لى ألوذ به..

الاك يا سندى)

..

واخدانى ليه من سكرتى

وموديانى فين؟

عبثا أجرب. بعد مانسيت

الدفا.

وأرجع لنفس الساقيه

معصوب النظر.

واحجز لوحدى التذكره

راكب سفينة نوح

وبس....................

..........

 هى والارقام 

وجعبتى

صاحبتنا السلامه

بطموح الشجره

وفك الحضن عن 

القلبين

مع فتحة اول 

مغرب

برواز وبقايا

خريف الصوره..

الركنه.

وعيونك بندول

ودقت قلبى 

تدق عقارب

ف الغالب

الضلمه سابتنى 

وحيد ..

واحد ... اتنين

مية مره وتبكى 

عينيها..خيال

مع عرق الحيطه 

ف عز الصيف

اتجن بطول الصبر..

يتلاشى اخر خيط

للرؤيه

من يغرق يبحث 

عن سيلفى

وبيتين ف قصيده

لزوم الاستنشاق

الخطر القابع فى 

ضاد القصه

مابين سطور وضحاها

تنور .

مبلوله العين الزرقا

تحرك صمت البشريه

وتضحك من خلف التلفاز

شكرا مولاتى على 

الدنانير

فليكن الله لينظر.

ازاى بتلفوا الحبل 

على الفلاته 

رغم الانوار المحرقه.

.......

استسمحكم بالله 

قد اسرى بى 

وحلمت

وندمت 

الصمت الصمت

الخوف الخوف

الموت مراره

وعباره (قف للتفتيش)

افيش 

على سلكى الشايك

وسألنى الجيش 

رديت

(تعرف تتكلم

عربى؟)

:*::::::*:::::::*::::*:

///*/*///*//*///

تعرف تقول 

الشعر ف الشارع

تعرف تقول الشعر

فى الشارع

وتغطى جسمك 

شحم وتصرخ

تعرف تقول الاهه

من جوه

يطلع أزيزك للسما 

السابعه.

أنا كنت بياع الندا

للورد.

وكنت بياع المطر

للارض

وكنت بياع العرق 

ع الجبين.

مين اللى قال مناديل

للحلوين.

دا كل من داق الحبيب

اتغرب.

وكل من هاجر طواه 

الجوع..

لما الولاد تموا ال حداشر

هجرى.

رموا للبنات الميه فى الفنجان

أنا كنت عيل بيقرف من دموع

العين.

وكنت عيل بيقرف من المكياج

قضيت سنين الحب

ف الضلمه.

كل البنات خافوا جروا من 

طلة الابنوس.

حبيت اكون جوا الكابوس 

الجلد ماخرجشى

وأمسك عصاية واطيح ف كل 

الخلق

يالله بقى كل اللى حب

الشرنقه ماخرجش.

بصيتلى مره لقيتنى واد

فينو

م اللى يدوب ف البق 

من كلمه

تنزف عروقه كلام 

مابيحبلش

يارب ليه ماخلقتنيش

طايش.

أو حد م الاشقيا 

يختار كلام مقصود

الحمد لله الذى خلانى 

عايش 

وخلى كفى ورق

يتبل مايطولش

..

عطار ف ايد عطار

والتمر مانشفشى

وقت اللمون ما اتنشر

على السطوح بالكوم

وانا كنت فاكر أنى واد

فارس

اول ما شفت الغسيل

نقط ما بين الحجر

..

هى السيجاره الميريت

مع كوبايات الشاى

بتنبت الشنبات

ولا البنات اخوات

راضعين ف نفس السدر

..

ياعم .أجبر بخاطر صاحب

الجته ولفه بملايه

لجل ان يقولوا مقطع الحواديت

ذهاب و اياب

لا طولت فيش الكف 

ولا استنيتش ف الحبسه

اصل البعيد اخضر 

مالوش ف الهرس

...........

 أنا باكتب اى كلام

على صفح الهوا 

واطويها

أنا لسه مسافر حالا

والطياره هاتوصل

بدرى

وعقارب ساعتى 

بتجرى

محزون على عمر 

حبيبتى

اللى ماسابليش 

ولا حبة عمر 

تفاصيل ف ايديها 

السمر 

قولتلها هانكتب 

بيتنا 

وهانلبس دبله

قماش 

ونجيب عيل بكاش

هايقولى بحبك اكتر

قولتلها وماتبقاش

ولا اى كلام يتقال

ولا فرصه ل أى 

عيال

طب كيف حالك 

لوقتى

بتقولى مزاجى مقريف

علشان خلصت الباقه

ولا فى ف دنيتنا رصيد

أنا لسه باقول وباعيد

واكتب ف الاى كلام

على صفح الهوا واطويها

تفاصيل حبنا بارميها

حتى عيالنا اللى اتحاشوا

بين ضهرى بطول العمر

أنا لسه مخلص حالا 

اسناكس ف كيس الصبر

اتوبيس سلمنى لقطر

عسكرى بيقولى بطاقتك

وانا ماشى بدون إثبات

واقف وبكل ثبات

ايدى مسكت أيدها 

وعدت

وسنين مرت ولا هدت

وف اخر صفحه طويتها

حطيت نقطه وكام شرطه

وعلامة لاستفهام

مكتوبه بدون ايدتين

 سهران 

وحال الطيبين 

ناموا

اتنين تلاته صحاب

ورابعهم الوحده

الليل يلم النجوم

لمة سبت واحده

والسله جاحده

أما السحاب دراويش

كنا شباب مليان جناحنا

الريش

كنا عيال مسكوا ف ساعة 

طيش

بلى وزلط

نكشف ف ساعة الدرا

احضان بيوت من قش

بتحبنى ؟

ساعة البراءه اتفاجئت

بحبك!

وماكنتش اعرف ان لل

البنات مثل حظ 

الذكرايين فى المشاعر

وان الولاد م العبط بيصدقوا 

اللحظه..

مكاره يامه كنتى بتحمينى

وتأكدى ع الميه تسخن

لجل ما تغسلّى الذنوب

وانا كنت لسه يادوب 

من غير بلل ف الحجر.

اسكت؟

تندهنى ضحكتها

تعالى نكمل امبارح

فاشرب حسابى العسير

مدلوق على الاسفلت

اغمض .

الاقى نفس الصوره 

بالطباشير 

افتح.

 تغمض عينيها 

وتكمل.

يارب مريلتى القديمه

تموت بقى 

والبس بدل مريلتى 

بدله 

وتفك هى جدلة الشعر

الكحيل.

اليوم بخيل

قفل بيبانه وانتهى

خربش علىّ بمنتهى 

التنكيل.

الليل لمح عرى الهدوم

بالكوم

وانا قلبى كان عاوز 

يزوم .

جربت اسهر

لقيت ف حال

 الطيبين

النوم

واتنين تلاته صحاب

بكوا 

وانا لسه حالى م البكى

مابكيش....

 بس مين فاكر 

داليدا

ولا مين فاكر 

امام

شد عينك للامام

مش هاتدرى

هو بكره 

جه بقى ؟

ولا دا ضهر النهارده

زى واحد كلبش 

العنواين وسهم

كان بيفهم

واتاخرت وهو 

مات

ساعة الذكرى 

بتدعى 

ع الموضات

اللاذقات ف الفاطميه

جوا مملوك ملك 

بالبطانيه

نام ونعوس

سيس ادب 

خرسيس

افانظيم

واتهلك

اشعل الغليون 

وادخن

حد ماسخن 

هوف كوف

عن الكلام

جوه تربيعة ايديا

شب حلمى 

واتخنق

(قل هو الله احد)

قل هو الفرد الصمد

حاسس القدره

 اللى فيا

حد كابس ع الكابوس

سيبته يطلع

قام مدور ع الفلوس

طب ساكت

مش حرامى

 الضحكه

وصلت ؟

اوبااااا

 فصلت

قول ساعات

صامت وصلت

هى جاعت 

بس حبلت

بطن خضرا

تستوى ع الارض

 بودره

وتنتهى بكومة 

عيال

هو ايه معنى 

الجمال؟

غيركم انتوا 

ف الحنين 

للمفهوميه 

الشافيه من كل 

سوء

بالهدوووء

كل شئ بيحن 

بدرى للسكات

قولتلك ساعتين

ومات

مش مكمل

زملينى زملينى 

الشمس خافت

بلت السموات

مطر

هو ينفع ف النهار 

يطلع قمر؟

اليوميه ف توبى 

رقعه تجر رقعه

بس سامعه 

وبابتسملك

بس دمعى 

هو هو

مش فتوه 

وبن سوق

كله يعرق 

بالهدوء

حاره سد ف جوفها 

شوق

نفسي ادوق

بس البلاستر 

سد بقى

ارفعى الخلجات 

وشقى

وعرى جسمك

و الدولاب فاضى

وامان

بس انا مش

 اولعوبان

بس جرب

الجعان ف الطين

ينفذ

عف جسمى 

وفرض عين

زقزقت عصافير 

جهنم 

ف المدينه

حروقوا اجمل 

مافينا

واتفقنا

وكل واحد شال 

ضمير على كتف 

غيره

ونط واحده

مش مكدب 

بس كل الكون 

بيحلب ف

 العيدان

والحبل ملو البيوت 

الدفيانين

من غير رضاعه

والوضاعه 

ف اللى باعك 

واللى باعني

واحنا بيعنا 

بالسكوت

بس مين فاكر 

تاريخ العنكبوت

غير مصدق

بس ساكت

لما آمن

 علك تجاورنى

تلك عاده 

لا تمكنى

الاستغناء

علك تحاورنى

عل البقاء..

البقاء

ذات ارض

فى ربيع لا يأتى

ازهار . اشباح

وخيال المطر 

بعيد

تنذرنى بالصيف 

فأتدثر ببقايا البرد

الماضى 

لا يخلو بيت من 

علامات التعجب

الانتظار

ارتفاع سعر الدولار

ارتفاع سعر البنزين

لم يعد الفحم أداة 

من أدوات الاحتراق..

نسترسل فى ذاكرة 

الحجره

خشبيات قديمه

حملت أشخاص 

منا

ورحلت ببقاياها

كانت لى جده 

لا اعرفها .

تدفئ حبات

 البرتقال

وتعطينى

وابى مشغول 

عذرا 

ويعول..

كان لى جد 

ادركه قليلا 

وامى ترثيه الاخوة

تلو الاخوه..

الاخر تلو الاخر

العمر نظير العمر

الفقد نظير الفقد

الوحشه 

الظلمه 

الموت

الصمت

كبرت 

وتضاعف حجم الثروه

من آلام الطعم المر

وعناق حد الذروه

وأنين حد بكاء

وسماء معتقد أن الرب 

هناك

ارجوه فلا يمنعنى 

رجاء

اتذكر ..

كم كنت وحيد

كم كنت زرعت القمح

ولم ينبت

فعلمت بأن الارض

تئن

من جوع آت

من خبز لن يحضر 

ابدا 

عبر بطاقات التموين

فبكيت

نقاط الدمع  

من عين رسم على 

هدبيها سدين 

العين العين 

الروح الروح

القلب يبوح 

ويتأثر 

فأنا من وقتى

متدثر 

ببقايا جلد البقر

المذبوح.

فأنا من وقتى 

متدثر 

بين الطيات .. الطيات

مابين اللاموت

واللا تعذيب

اللاحرب 

واللا استسلام

دققت النظر 

فهيهات 

كم يحمل ثقب الجلد

بقايا مصل المتحور

اشعر بحرارة جيدى

ترتفع وتتلاشى وتجيئ

كالساحر فى الهند 

انام على براغى 

لا انزف دم

بل اقبع وانام

استنشق صبر

هل يأتى الموت

ام يدنو من سور الرئتين

ويقبع

..............

............

 من مفردات .

حبتك

من مجريات.

عشقتك

من ذكريات.

حستك.

حواديت ف وسط

كلام.

مش كنت بتهزر ؟

كان ايه قلبها 

جد؟

داير تدور فى الشوارع

على دبلتين

اسفلت.

وخلخالين من طين

لجل أن ينوب شفتك

من حبيات التين.

تغنج  تفتّح خطوتك

عن بلحيات امهات

ينزل عسلها ف الدرا

تشبع هدومك ترتوى

وتنام.

البن جاهز تحت بيت

البيت

دموع فراق بعد اللقا

كالزيت على جلد الخدود

..هاتسيبنى وتفارق؟

رصيدى م المشى انتهى

اول ماحوش خطوتين

هامشى.

الكرسى فاضى

 فردٌ

لا شريك له.

والذكريات زحمه 

مع النيكوتين.

فاكره أما كنا بنتولد

واحد

بنوته لسه عينيها 

مابصيتش.

ولانى اصلا ف المنام

ضيف من قزاز

مبروك عليكى حد تانى

يهِم.

صدقت انى ماليش 

مدد ولا عون .

وبكره هايأجر بيبانه

للى راح يدفع.

الباقى من الدكه 

اللى تحتى

لوح 

زى السفينه لنوح

راح ترسى 

جوه القبر.

 مولد قزاز

وخلق دايره بالسبح

هو المراد

 ناقص دراويش 

ع الورق..

سيبك يا صاحبى 

كان زمان 

مولود وسيفه الف كف 

على الحيطان

ونخله تطرح صيف شتا

..

كان نفسى يامه تصدقى 

انك بجلاليب جدتك

لاكن ابويا حب فيكى 

الحلم برضه وصدقه

مشيت كده

لا انتى كنتى مصدقه

ولا كنت انا

كان نفسى وانا عمرى 

سنه

العب ف بركه م المطر

ونصى عريان 

واجرى حافى

كان نفسى اشيل 

من فوق كتافى 

جلدى 

وفوق جبينى انشف

العرق الفقير

....

زى العيال كان الشبه

لاكنى كنت المشتبه فيه

انى عيل

ومشتبه فيه انى تاجر 

للحكم

فا طبيعى كان الحكم 

تأبيده تجر سنين تقال

... 

ف الاصل كان كم الخيال

للشمس جنب القمره 

لى م الساجدين

وكان كمان فى بنيامين

اللى فرض انى اترمى 

ف البير

شبيت على ايدين البنات

متقطعه 

فا الجرى نص المجدعه

والرمل شاهد ع البشر

لما سابونى وصدقوا

المجهول

.ربك تجلى للجبل

وسط الذهول والخوف

وانا ياللى من ديق النظر 

داير باجيب النار تنور

عتمتى

شوفت العبث والجهل 

لما يركبوا الانسان

؟

شوف قد ايه الكون 

ضعيف

و قد ايه ان التراب

اقوى من الميه اللى فى

 الصلب البعيد

و قد ايه بصرك حديد

وبياكله دود

وقد ايه ان فراقك للسبح

وارد 

بس اللى مش وارد 

ان روحك للازل

هاتجود بحضن من السما

وتطير

 صاحبى الفراق

حبيت الملم خطوته

ردت ف سدرى كلمتين

ابعد بقى

.....

أنا لسه حى ولسه

من بينك وبين البعد

جاى

الجو ماتكلمش بس 

سابنى احضنه

وتعبت

أنا كنت عاشق للشتا

والبرد

ايام ماكانت خطوتى 

فرد

قصدى أما كنت وحيد

حضنى لنفسى كان 

دفا

دلوقتى واحنا كتير

كبرت

لقتني باترجى الشفا

ومن بين الحياه والموت

فضلت اسكت عن انى 

اعافر 

فا عجبنى شكل الصمت

واستحليته بل حبيته

مع انى مؤمن بالزعيق

النى

.

فاكر سوا 

ايام ماكنا بنحلم 

ان الأم مش موجوده

وان الاب مات

وان ولادنا شاغلنا 

بكم من العياط

دمعنا بس ساعتها

وساعتها بقينا زى العيلين

بنزن.

حنيت يارب لفتحة الشباك

حبيت يارب ولا ماحبيتش

مايهمش

مش دى البنات اللاتى كانت

فى الخيال

حتى السحاب اللى بشكل 

الحلم صحيت م البكا 

عارف ياصاحبى أنى من كتر

القدم 

سفيت

وعارف انى لما صلحت الشريط

طلع الكلام مقلوب.

تفاصيل حياه واتكملت 

باسفلت من سكة سفر

والعمر عدى كالشجر من سرعة

المنظر

وانا اللى كنت مفكر أن الدنيا

مطويه على دراعى

وانى فارس

لاكنى مااستبقيت ظهرا

ولا قطعت لعمرى أرضا

وصرت أرضا ولا سمت روحى

سماءً

ولا ندا على جسمى حبه

 من الربيع

...

 مشتق الاسم حروف كلمه 

من دفتر تسجيلى اليومى

انسان ف شهادة المواليد

حىٌ ولحين اشعار آجل

كان مين ادانى الاذن اكون

وسط الزحمه كائن آخر

ابيض واسود أعلى تكوين

رقمى القومى.

تسال نفسك ازاى اللون

رغم ثباته .

متغير من نظره لنظره.

وازاى بالفطره بيتحدد

حجم التقدير.

اتخيل أن السما ساكته

والأرض بتشتى ف بنى ادمين

مش ممكن كانت روحنا تنبت

ورد مابين طبقات الكون؟

كان ممكن تبقى الأرض

سكون؟

ومافيش مشكله ابدا

ان التربه مابين السموات

مليانه حسابات ..

اتخيل أن سيجارتك 

وانت بتشرب قهوه

دخانهم وسط المزيكا

 بيرقص ويلف 

ان قلنا مجازا يعنى 

ان القمصان اتعكت روج

وإذ فجاءه فى واحد منهم

بقى ميه من كتر الحضن

يبقى مجازا برضه الخلفه 

اللى مابينهم تتكلف على حسب

التوليفه.

واخده سمار البن وشيبة شعر 

النيكوتين.

استنساخ كوباية البن العذرا

من لفة بفرا اتلاقوا ف وقت 

مايعرفهوش.

اوقات المخ بيتكلم

وف وسط سواد العين تقرا

المكتوب.

وساعتها الصمت يكون باهت

وقت سماع صوت العرض

لشريط سينما ف وسط

تراك فيديو بادى من اول

ادم ولحدة اخر ادم.

طب شوف كام ادم دون

دفتر تسجيله اليومى

وكام انسان كان حى لحين 

اشعار آجل

وف وسط الكام آجل 

عاجل 

ارقام .

وحروف.

 اتنين صحاب 

القهوه والنيكوتين

وتالتهم الجته

التي 

فاحت من الليل

الوحيد

الحضن كان 

مزيكا بتدفي المكان

والوحده مشغوله

بتتفرج علي الماضي

شريط سنيما

ابيض يا جو المتعه

ف الراحه

الشمعيات المستحيه

تسيح

قبل ما يخلص مشهدي

نحكي الحكايه ونبتدي

عن اصل روح اما الجسد 

صوره مبروزها سنين

ندخل علي الكفين 

ونخرج كام جسد 

حاملين جسد

للطين....

كان ليه من الاول 

شقى 

مع لفتين ع الرزق

على لقمتين ف البق

على جوف بيكْتَرِ اللى 

فات.

ومدام هانكتب اسئله

يبقى الأساس فاعل 

واحنا اللى مفعولٌ به

معقول كده؟

سنه على فرضٌ على

وتر على سجاده م القش

مابين فرعين شجر

والأصل كان تجميع ندى

ناتج سحاب فى الضَهر

ووقت رعد وبرق ف احضان

البنات 

والفر قبل الكر من غير العدد

صرخات هدد 

فارت حيضان القهوه 

والبرقع وقع .

مشهد قديم من فيلم 

متوقع بفعل رغبات الحشا

عيل حبى ..عيل مشى 

عيل ف وقت الانتشا

صرّخ على سطوح الخيال

احلام تاخدها العجله حد الشيب

لحد ما الفيشه تفارق كوبسها

أما البعيد كان حى وسط الحى 

يرزق

او مات ف وسط الحى 

يرزق

او شاب ف وسط الحى 

يرزق.

حد الضلام...