مين اللى قالك يابن ادم بيع نصيبك للهوى
داحنا اللى بايدينا السبب وربنا بايده الدوا
ورا عندك مافكرتش
ركبت الموجه وماخوفتش
حاولت تحقق الاحلام
لكن يا خساره ماحلمتش
عرفت طريق مالوش اخر
وقولت لصبرك اتتاخر
ولما شدك التيار لقيتك برضه ماوصلتش
عجبى عليك يا زمن خدت القسى غيه
داسوا البشر على بعضهم والموت مالوش ديه
قسيت بالعافيه على خوفك
سرقت اللقمه من جوفك
اخدت الشوك من الصبار
رضيت بالموت على ظروفك
وقولت الدنيا ضحكتلك
اتارى الدنيا بكيتلك
حاولت تبص قدامك
ماحدتش مدى شوفك
