كان الزمان
منديل ورق
والليل اكيد
ويا القمر
ف الذكريات
حب ودفا
الله بقي علي
ضحكتك
وقت الشروق
ساعتين وافوق
من نظرتي
كان الزمان
حبة كتب
اسمك علي اسمي
انكتب
الله بقي
علي لون عينيكي
لما بتوريه لصحابك
قلبك بيسبق
خطوتك
وقت الاجابه بصوت
بحبك
كان الزمان
عيل قوي
كبر الزمان
وانا لسه من بين
الكتب
حاطه هنا
منديل ورق

ولكل عشاق
الكتابه
كان في هنا
قلبين وحضن
وبيت صغير
ماكتملش
اكتب هنا
كان فيه عيون
من غير بكا
والخد كان
لساه مامالش
وترابيزات
وورود بتحتل
الفازات
وشموع بتنطق
اسمها
كان فيه هنا
عينتين سكات
وجوز ملايكه
بيحلموا
يملوا السما ...
جناحات
اكتب كمان
بنوته بضفيرتين.
ماداقتش طعم
الكحل
والقلب كان ابيض
مغسول بمية بحر
كان قلبه علي
اسمها
بتاريخ ميلاد
شفاف
حدش هنا يا خلق
زي القلوب دي
شاف ؟
ياعم كاتب بقي
خلص
ابوس القلم
كان في هنا
حكايات
ماتت بفعل
الزمن....
.......

ف حالك
تختلي بحالك
يتوهوا الناس
بترحالك
وزحمة عتمه
دايبه وشوش
تقول مغشوش
بفعل الازمه
والحيره
تلاقي الحضن
تكشيرة
تفكر يومها تتعذب
تفوت في الجرح
وتعدي
مسيرها تروق
يا مولانا
تعيش ف الدنيا
فتانه
تلخبط فيها
بالمره
تزوغ لحقيقتك
المره
تكرمش نفسك
الحره
تموت م الخوف

وبحجة ان العالم
مش واخد باله
وبحجة ان الناس
مشغوله.
وبحجة ان الارقام
اتمسحت..
انا باعلن ان القهوه
الساده..  فراق
والبيت ال كان
بيحقق احلامنا
داق
انا باعلن ان الكتب
المرصوصه..
دموع.
والجسد الحي
اهو مات..
والليل بيوطي
القمر متغطي
والمطره كما
الجلاد.. 
انا باعلن وسط
الخلق.  سكات
حبيتك.  موت
وعشقتك.  موت
وفارقتك.  موت
ما القلب عايشها
سكوت ف سكوت
هل تعلم ان الفجر
يوالي الليل؟
لا انا ماعلمش
علشان الصبح
اتغمس من تكشير
الوش.
وبقيت ال مش
ممنوع م الفرح
مع اني انا المنقوع
بالجرح.
الدنيا رمادي
وباهتانه
ماهو دا العادي .
والصيف الاشبه
بالماضي
بردان في الحر
حركت جميع
الممكن ماتحركش
تسعه وتسعين
معلش
وواحد
يمكن
هايعدي مابين
الممكن واللا ممكن
..
قبرك مسكون
ارضك والكون
مش طايقينك
وانت تعافر
اصبر ..
مش كافر..

المعيله..
سر اكتمال
المسأله.
مابين مؤكد
ومابين ماممكن .
وماضي يلضم
حاضره باعتباره
سيكون..
انا كنت واحد
هما كانوا مش
كتير
زي البعير
شغل الالاتي
علي بياتي
وكنت اطاطي
لاجل اشب
كان بس واحد
م اللي قالولي
احب
طلعت دب
نزلت جب
مالوش قرار
كان ايه يفيد
الانتظار
من تحت شباكها
ساعات
ماهي كبرت البت
اللي كانت بت..
اما انا طبعا
كبرت بس شبت.
ههه طالني العجَز
لما عجِز وعجِزت بيه
راح فين شبابي
مش لاقيه.
يادنيا ياما رقصتي
بي
كان كل ذنبي
اني ضعيف.
جايز .
جبان .
جايز وداني سيبتها
للي مالوش اصلا
ودان.
كله يبان.
داين تدان.
الالعوبان ويا المصير.
راشق باسمه علي
الحبين كالنسر
مش عايز يطير.
مكتوب وقسمه
ورسمة المورجيحه
كل شويه تخيِلني.
مابين.
دينه بين العينتين
ودينه خط سير
يالعنة ال م شاوير..
لاسفلت ضاحك
ايه بس مالك؟
بتضحك علي
الا ن س ان.
حي علي الحي الذي
من وقته حي.
حي علي اللي بالاكاده
ماله زي.
حجر.. حجر..
وعيون بتنظر كالقدر.
حيطه لكل الموحودين.
شاهد عليها كل واحد
كان بيحي لجل يحي
عشان ماتحي الميتين..
هههه والكل في الاول
والاخر ل طين.

اول ما عينيك
وايديك
انا كنت باعدي
بيك
وما فيش احساس
مش دا الموضوع
مش فردي دا دا المجموع
وبصوت مسموع
حسيت انا بيك
يا من قهرت الظلمتين
في الروح
انا
كنت البعيد قبلك
كطير مدبوح
ومش مسموح
عينيا تنوح
..
رديت عليا فيا
دوبت انا فيك
وحياتي من قبلك
قضيتها فيك
وبعد دا كله بتسأل
لسه انا مشتريك
...
انا مش شاريك...
لحظه.
انا كلي دايب ولو عدوا
لاتنين حبايب
دا من العجايب
انا وهما نكون
واحد..
قال كفى راحت
لحالها يا بن عم .
كاذب يا عم.
دي  لسه
جايه والمنام
لساه ..
منا مستحيل
انساه
وتجيلي حالة
اه
انجدني من كل
الشكوك
الله
..
وهديت بقي
الحب اصلا
شرنقه
واحنا الفراشات
التي بتموت وهي
الموت لها متعه.
حرفين وكلمه
من الحروف
جامعه.
حاء وباء
اقلب بقي
وهاتبقي بح

تركتي في قلبا سقيما
متعبا.
تركت فيك الوجد والابصار
يا هاتفا وقد اتاني لحظةٌ.
حال مابيني وبين ما اصبو.
ولان كشفت غطائيَ
عن سِترِه.
لكشفت باقي الحال تلو
الحال.
قلبي نبي قد أتي برسالة
الروح الامين.
وانا الامين بسره
والسر لم يعلن عن الافصاح
اقسم بذاتِ الله أني
قد شيبتني قصتي
والليل في ارجوحتي
يصبو الي فجر علي حرف
الهوي
يارب أني منسكب
من كوب عشق قد انسدل
حواء يا سر الحقيقة كلها
الا استرحتي. ؟
اتركيني اموت..

اما صحيح
الدنيا دي من غير
جيوب
اما اللي تحت الارض
توب ومحدده المكتوب
يارب من يوم الميلاد
لفيت بلادك لف
وانا كنت قد الكف
اشمعني ياربي
من وسط كام
مليون حياه
تدب صرخة امي
اكون
وبحد بحدود الامانه
نفخت فيا الروح
يارب انا مدبوح
بالصبر ع الجنبين
ميل عليا الحب
وسقاني
ولما تسبقني الحياه
القي حياه تاني

امانه ياليل
ابوس ايدك
ماتجرحنيش
دا قلبي البكري
غايب لسه مش
واصل
امانه يالليل تقولي
ع اللي بيه حاصل
غريب من غيره
ولا جاني
يارب الحزن
ينساني
يارب انا كنت
مطمن
وساب الحزن
يملكني
قولولي فين
وانا اطمن
دا كان فيا
وسابني احزن

ومعانا جوز
قلبين جداد
بيحبوا بعض
ومعانا وعد
وكلمتين
..اقسمت باسمك
ياحبيبه تحضنيني
يا نن عيني
وضحكتي طول
وحدتي
انا من زمان.
كان نفسي حتي
تمري ف الحلم
بسلام.
قرب وشوف
صندوق قديم
كان صاحبه قرب
يشبه الايوب
ياناس بقول
الصبر اخره
الوعد والمكتوب
..
من كام سنه
وانا لسه عيني
بتبتدي تغمض
وهي كانت تشبه
الزحمه ف صلاة
العيد
قد قمت ونويت
الوضوء
والقبله كانت بين
عينيها تنادي
علي قلبي
تعالي
قلبي انجذب
نظره ومدد
ياقلب كله نور
وشمس
حبيت ياناس
ولا قريت العهد
امس
فعشقتك.

تشرب سجاير
لف
وكأنك
بتلف فيها هم كام مشوار
الخلق قبل مايتولد
كانت سيجارتك
مكتوبه
خطوتك محسوبه
الا حبيبتك
هي اللي من غير
البشر
نصها بنت الملايكه
ونصها بنت القمر
اما بقي
ضحكة عينيها
تلمسك
بتحس انك لسه
طفل بيتولد
محتاج لحضن
عجيب.
بتعيش ودخان السيجاره
بينتهي بآخر نفس.
يتبقي م الفنجان
نقط ..
تقراني ممكن ؟
قهوتي سكرها علقم
وف اخر الفنجان
هاموت.
او حتي يغلبني السكوت
انا تهت منك؟
باعتذر.
اصل الفراق باكي
هات ايدك الدافيه
احسبها من ضمن
الكفوف
القلب محتاج للدفوف
العين بتهوي الخوف
ولكن تهدي من نظره
امي يا امي
ماتموتيش
الدمعه موؤده
والذكريات علي
قدي
هما اللي سابونا
واستهلكوا الدمعات
امي يا امي
قبلك كتير.
 ومات
صف الحبايب الف
صنع الحبايب كف
هما القرايب كام
من يمة الاحكام
باقضي سنين
دنيتي
ضلمه وليل غربتي
يزداد بيوم عن يوم
يا فرحة الافراج
لما السيجاره
تنتهي

معرفش غير
ان الساعات
بتمر
وان السنين
بتغر
معرفش غير
الانقسام في
اللمه والزحمه
وان الشجر قساي
وان القمر ف اسمته
بكاي
وسط الشوارع
والبيوت
قربت اموت
وبين شبابيك
العجَز
العمر بيفوت
اما السكوت
يبقي لغة
والليل مصيره
عيون بتتكلم
احنا كده
نطلع علي السلم
وتحت منا مفيش
صمتي يا أكل العيش
كالكوبايات ع الرف
مركونه
معرفش غير
ان العباد لله
زهقوا دعا
وان الرضا ساعات
يكون بالادعا
الله مع
كل اللي مد الصبر
باليمنى
وخد بيسراه
السراب
معرفش غير
ان الهوى
كداب
وان العذاب
قلاب
وان الجميل في المسأله
احباب
انا كنت في الضحكه
لقيتني جوه الحزن
والطيبه فينا اسم
قفل بقي ع الجسم
وغسّله ويالله

لوحسيت انك هاتعيط
اضحك.
يمكن تضحك ع الاحزان
ماتجيش.
وان الجرح يبان ف
عيونك.
خواف
تعرف ان اللحظه اللي
انت بتحلم فيها.
غيرك بيقضيها
عذاب.
غيرك فاكر ان الدنيا
امل كداب.
يسأل ليه الدنيا كئيبه
وليه تتعاش؟
انا حبيت اتمني
لكل الناس الخير
واعمل للايام تغيير
لكن كل ما كان حواليا
رافض حتي طريقه
يسير.
كل حيطان البيت
مهجوره
بس زمان كانت
مسكونه بالبراويز.
حاجه تغيظ.

القلب لو جه
يوم
و زاره
 القسى
تلقاه بيلعن
الف لحظة وجع
يادي الغياب
المرتجع
إني جدع
سكران
هو الحزين
مالوش بدال
العين
جماعه؟
تلقى الدموع
سمعا وطاعه
بتقضي فرض
البكى
اتنين وكانوا
قدر
والكون هديه
والقمر مخلوق
ضعيف
قطعت من صلب
الرغيف
اربع فرادى
وجوز جزم
لجل اما يتلجم
لساني
انت كنت لك
واقف مكاني
وكنت لي
صهد النَفَس
ياخي يبقي اُمِّين
العبث
ع الاختشى
علي كل مخلوق
وشى
بالمخلوقات الاربعه
وش القمر في
المطبعه
بيطل علي ضل
الطريق
الله مع عابر سبيل
زاده الامل وميته
ترحال
ضحكتني يا خال
طبطبت على
غربتي
سيدنا الاسير
بين البكى والنوح
وابوح سرا جائز
التأويل..

واديني من بين
الحاجات
ضحك البنات
وبوكيه ورق
وماضي حلم
حلمته بس
اديني شوق
كان فيه وخلص
وعمر تاني
عشان اعيش
يارب انا
 ماباطلبش
غير
جناحين بريش
وطير صديق
يرافقني من بين
الطريق
.......

كان فيه هنا
بنت وولد
كان فيه
كراسي كتير
وبس
القهوه هس
ملو العيون
كان فيه كلام
البنت كانت
بالتمام
بنت التمنتاشر
سنه
اما الولد
كانت سنينه
اتسرسبت
قدام عينيها

القلب لو جه
يوم
و زاره
 القسى
تلقاه بيلعن
الف لحظة وجع
يادي الغياب
المرتجع
إني جدع
سكران
هو الحزين
مالوش بدال
العين
جماعه؟
تلقى الدموع
سمعا وطاعه
بتقضي فرض
البكى
اتنين وكانوا
قدر
والكون هديه
والقمر مخلوق
ضعيف
قطعت من صلب
الرغيف
اربع فرادى
وجوز جزم
لجل اما يتلجم
لساني
انت كنت لك
واقف مكاني
وكنت لي
صهد النَفَس
ياخي يبقي اُمِّين
العبث
ع الاختشى
علي كل مخلوق
وشى
بالمخلوقات الاربعه
وش القمر في
المطبعه
بيطل علي ضل
الطريق
الله مع عابر سبيل
زاده الامل وميته
ترحال
ضحكتني يا خال
طبطبت على
غربتي
سيدنا الاسير
بين البكى والنوح
وابوح سرا جائز
التأويل..

ولكل عشاق
الكتابه
كان في هنا
قلبين وحضن
وبيت صغير
ماكتملش
اكتب هنا
كان فيه عيون
من غير بكا
والخد كان
لساه مامالش
وترابيزات
وورود بتحتل
الفازات
وشموع بتنطق
اسمها
كان فيه هنا
عينتين سكات
وجوز ملايكه
بيحلموا
يملوا السما ...
جناحات
اكتب كمان
بنوته بضفيرتين.
ماداقتش طعم
الكحل
والقلب كان ابيض
مغسول بمية بحر
كان قلبه علي
اسمها
بتاريخ ميلاد
شفاف
حدش هنا يا خلق
زي القلوب دي
شاف ؟
ياعم كاتب بقي
خلص
ابوس القلم
كان في هنا
حكايات
ماتت بفعل
الزمن....
.......

وكنا كل ما
من بعض بنقرب
عن بعض نستغرب
ان احنا ليه بنحب
بعض ولسه ليه
عايشين.
واشمعني يختارنا
النصيب اتنين
كانوا سوا عايشين
بس الفراق خلي
الحكايه من طرف
واحد
.......

انا كنت فاكر
كلها كام يوم
والذكري مش
هاتدوم.
اتاري بين الذكري
والذكري
الذكريات بالكوم
..
يصعب علينا حبنا
بعد اما بنفارق
اما ف وقت البعد
البعد مش فارق

وكلنا بنتمني نرسم
للنهايه طريق
..
مش بس قصتنا
الغريبه فيه قصص
تانيين
واهو كلنا تايهين
من بين حقيقه نعيشها
والخيال بيديق.
..
من اول الرحله
نحسبها بالثانيه
بنخاف تضيع
واما تضيع نحزن.
.
 هي الحياه اصلا
مكتوبه بالثانيه؟
ولا احنا بنعيش
اللي مش ممكن
.......

بتطمن  وبتسيبني
ولا بتسألش
وترجع تاني تطمن
وانا ماباقولش
كتير الوحده تظلمني
كتير قلبك بيألمني
ومابتعرفش.
مشاعر قلبي
مكسوره
وف الصوره
اكون باضحك
ساعات تداري دمعاتي
ولا اقولك
بدون اسباب يا  سر
الدنيا ليا عذاب
بتجرحني وباتحمل
عشان ابقالك الاجمل
وبرضه مفيش.
.........
ماتتعبنيش وتتعب روحي
ع الفاضي.
يا دنيا عيشتها ماضي
عشان انسي
وفيها من الجراح لسه
ولا بتخلصش.
بتشكي لمين ف احزانك
وتجرح قلبي بكلامك
ياريتني ابقي ايامك
تعدي عليك ولا تحسش
ياريتني ابقي احلامك
يدوبك لماتخلص ليها
ماتبصش
اكونلك لو يدوب فكره
وكانت زي ناس غيرها
تدور بس مين غيرها
وماتقدرش.
..

ماتتعبنيش وتتعب روحي
ع الفاضي.
يا دنيا عيشتها ماضي
عشان انسي
وفيها من الجراح لسه
ولا بتخلصش.

ممكن تنساني؟
وياريت لو شوفت خيالي
ف حلمك تبعد عنه
قلبي اترجاني
انساك من كتر جروحه
وكسرة روحه
 ايه كان ذنبه؟
كنت كافر بالمشاعر.
جاي بترجع!
لسه فاكر؟
لو ف قلبك بس
لحظه حب فيها
كنت تعرف قد ايه
ع البعد هاقدر
.
طب دانا ياللي نسيتك
امتي وفين انا يوم
حبيتك؟
بص كأنك واحد عمره
ماشوفته مره ف بيتك
.
غيرت مشاعري وطيبه
قلبي
وانا ياللي كأني ماعيشتش
حبك.
بس.
نسيتك.
الله يسهلك روح
كترت ف قلبي
جروح
بدلت مشاعري
كلامي وشعري  لحد اناني
..
ممكن تنساني؟

ممكن ؟
جايز؟
بس انا اللي قلبي
لسه
لحبه عايز
حاسه بيك رغم اني
 بعيده عنك
كل ثانيه لما كنت
بتبكي
كانت روحي جنبك
حتي لو شوفت بعينيك
حد ف مكانك
غصب عني وزي ماتسميها
قول
دي المشاعر جزء واحد
مهما كل الناس تقول
بالله عليك
صدقني زي زمان
بحبك
........
لو هاتسمع من كلام الناس
هاتعذر
مره حبت مره كل يوم
بكيفها
والوحيده اللي كل الكون
عارفها
كنت باطمن معاك
لاكن ضعفت
كل لحظه غيبت عني
مت فيها
الدموع تنزل ولا عيني
تداريها
كله كان شاكك باني ليا
ماضي
كل واحد كان مفكر نفسه
قاضي
كنت مستقويه بيك
لاكن ضعفت
.....
غصب عني وزي ماتسميها
قول
دي المشاعر جزء واحد
مهما كل الناس تقول
بالله عليك صدقني زي زمان
بحبك

حبك.
دي لحظة حياتي
فرقت.
عن ذكرياتي
ومشاعر ماكانتش
ف بالي.
شكرا ليك
غيرت حالي.
قلبي من غيرك كان
خايف
ومحددش طريق
ولا شايف.
صدقني كنت نسيت نفسي
حتي الكلمه نست الشفايف
.....
ياريت احلامي من غيرك
تكمل نوم.
وايامي اللي من قبلك
تكون كام يوم.
وكأن اللي انا عيشته
ف ثانيه
قصة حب سنين بتدوم
..
قلبي من غيرك كان
خايف
ومحددش طريق
ولا شايف.
صدقني كنت نسيت نفسي
حتي الكلمه نست الشفايف

انا باعترف اني.
قلبي ماهوش مني.
ولا عمري حبيته.
لاكنه صدقني
والوقتي فارقني
وسابني للدمعه.
ولما تيجي سيرته
باضحك واقول
جايز.
مبسوط مع غيري
وانا كنت وحشه
معاه.
جايز كمان لما
كلمني عن ديقته
عملت نفسي كأني
مش سامعاه.
ممكن اكون من كتر
ما سيبته
وساعات ماكنتش
بافتكر سيرته
اديته اول خيط
انه يروح مني..
...
يعني بعد عني
والوقتي محتاجه
منه ولو كلمه ماتقولش
ولا حاجه.
لاكن احس انه قريب
مني ...
....
انا باعترف اني
مانفعش احب
بجد
بيني وبين قلبي
مشوار نهايته سد.
وكنت لازم انسحب
من قبل ما اكمل .
باسأل ياقلبي ليه
كنا من الاول
بنقوله يدخل واحنا
مش قابلين
.
يادي العذاب اللي
تعب لاتنين
كان هو قبلي وقلبي
مش مراضيه
والوقتي هو ارتاح
وانا مت من بعديه.
........
ولما تيجي سيرته
بابكي واقول
جايز.
مبسوط مع غيري
وانا كنت وحشه
معاه.
جايز كمان لما
كلمني عن ديقته
عملت نفسي كأني
مش سامعاه.
ممكن اكون من كتر
ما سيبته
وساعات ماكنتش
بافتكر سيرته
اديته اول خيط
انه يروح مني..
...
يعني بعد عني
والوقتي محتاجه
منه ولو كلمه ماتقولش
ولا حاجه.
لاكن احس انه قريب
مني

بعد ما اطمنت
بعدك
عيشت عمري
كله بعدك
..
اترجيتك سيبني
ف حالي
وكنت ف حالي
كنت بتترجاني
رجوعك
 وماحسيتش
دموعي  وحالي
..
انا دلوقتي باقولك
جدا كدا مرتاحه
عاوزه تجرب راحتي
ف بعدك
هاتصدقني .؟
اخر راحه.
.....
اسأل نفسك
واحد حبك وانت
 تكون مع
واحد تاني.
مش  بمشاعرك
 ديه لوحدك
تبقي مشاعر حد اناني؟
.
كتر خيرك
شوفت خيانه بكل
ضميرك
ليه تستخسر قلبي
ف بعدك
لما يقدره واحد غيرك؟
.

اترجيتك سيبني
ف حالي
وكنت ف حالي
كنت بتترجاني
رجوعك
 وماحسيتش
دموعي  وحالي
..
انا دلوقتي باقولك
جدا كدا مرتاحه
عاوزه تجرب راحتي
ف بعدك
هاتصدقني .؟
اخر راحه.

ياما عدي عليك
ياقلبي
وياما شوفت.
ذكريات كام
قلب مات
والحب باقي
كل مابتحضن مشاعر
ينتهي بينها التلاقي
ياما عدي عليك
بيوت كان فيها حبك
كنت تحسبها انه
ماسكنهاش..
حد قبلك
فين مشاعرك؟
كل لحظه وانت طيب
شوف بقي كام حد
هاجرك
وانت طيب.

كنت باحلم الف مره
اننا حبينا بعض
حلم واحد كان
كان نهايته
عمرنا مانكون
لبعض.
غصب عني كنت فاكر
كل حب وكان له اخر.
قلب واحد راح حضنها
وقام مسافر.
هي دي نهاية المشاعر؟
عمرنا مانكون لبعض
..
صعب ابيع
 بس لازم
كنت اضيع
بعد ماحبيتها عمري
وحبها فوق الجميع
.
جوه ذكري اكتبيني:
مره عاشق كان ف حاله
واما شافها جت قباله
حس انه روحه فيها
ذكريات نسيت ماضيها
وكنا فيها .
عمرنا مانكون لبعض
.........

وجوه عيونه شايف
نظرتين ليها.
وهي دموعها مكتومه.
مشاعر بيننا محرومه
حضنها سكوت.
..
سابتني خلاص
وانا ماقدرتش اتحمل
اكون عاشق ولحظه
بتيجي
ارجع تاني م الاول
مانيش عايز اموت تاني
ف عمر وعيشته وحداني
ومن غيرها...
.......
وجوه عيونها كانوا
كلمتين ماتوا
دا قلب قبل ما يفكر
يحب
 اتدارى ف سكاته
ماشوفتش غيره
شايل نظرتين ليها
وهي عيونها حزن الدنيا
وما فيها
وانا اللي مشاعري
كانت غيره مش اكتر
مشاعر قلب كان بيحب
واتكسر
وحب وكان.
..
سابتني خلاص
وانا ماقدرتش اتحمل
اكون عاشق ولحظه
بتيجي
ارجع تاني م الاول
مانيش عايز اموت تاني
ف عمر وعيشته وحداني
ومن غيرها....

اكتبي كام مره
خانك
وكام سامحتي
ماقولتيلوش
اكتبي كام مره
قلبك
حس انه ماحبهوش
صدق منك ف المشاعر
غدر منه مش مقدر
ان في ف الدنياواحده
تشتريه لما بيخسر
حد غيرك كان فارشله
الحضن حضن
كلهم ايام وعدت
سابوا ملو الحضن حزن
مش خساره تبقي جنبه
وهو خاين؟
مش خساره تبقي تحويشة
اماكن؟
مديتي الايدين وهو
اول حد سابها
يحرموا العينين لو هاتنزل
دمعه منها
اكتبي كام مره خانك
وبحنانك كنتي ليه؟

لما الدنيا تديق
وعنيك ماتشوفش
قصادك حتي الشبر🙄
وتغمض عينك ماتشوفش
الا
سواد😔😔
كل دا من كتر الاحزان
الماليه حدودك من حواليك
حتي عينيك
مليانه احزان
حس بقلبك .😍
ممكن دا الحد اللي هايقدر
يبقى معاك.💪🏻💪🏻
شبك ايدك وارسم حرف
نسيته زمان
اسم حبيبتك حتي ولو
 ماعادتش حبيبتك💔
واحضن صورتك
علي شباكك وانت
بتضحك.🤣🤣
ان حبيت تتمني الدمعه
وانت بتبكي ومالقيتهاش.😟😟
زاغت منك وقت مازاغ
الكون .😭😭
وانت ف عز مشاعرك ناسي
حتي تفكر ف اللي معاك.
اوعي تكشر .🤨🤨
وامسح قلبك واسكن
فيه👶🏻👶🏻
تلقي براح الدنيا ماليه.
اوعي تسيب نفسك
وتموت.
او ترسم ع الحيطه
تابوت.
خليك فاكر.
انا الدنيا بنت جميله💃🏻💃🏻
وانت بتكبر .👴🏻👴🏻
كل مابتعجز بتشوفك
تصغر اكتر .
وبتتفرج علي شعرك
يوم مابيبيض.🤭🤭
او بتعد سنين عمرك
لما بتزهق يووووه م العد
هي تسيبك وماتزهقش😱😱😱
.....