افتح شباك ايديك 
خلي الهوا يدخل عروقك 
والدم يتنفس
____________________________
لما نويت السفر
عحبني جو الصحاب
قطعت من جسمي تذاكر
لجل ييجو
قومت افتكرت اني ماليش
ف الدنيا صاحب
____________________________
وطلعت م الجبروت 
بموت 
زي اما يونس طلع.
من حشايا الحوت
فكرت اغطي جسمي
بغصن من شجره
صعبت علي الشجره تتعري
دفنت روحي في حشايا الارض
ارحم من الموت في حشا
الجبروت
______________________________
لما طوب الارض 
يبكى 
السما تشرب دموعه
______________________________
حزنان عليك ياقلبى 
من بين الضلوع.
بتشب تلقط نفسك

اخرج مره بره 
جلدك 
وامشى ع الاسفلت
وهو سخن
بعضم رجلك
وانسى بصمة ايدك
فى اللى فات
وابتدى هيكل جديد
بس لما تلاقى ناسك
هى هى
وقتها هاتحس
انك نسيت دموعك
جوه جلدك