بدون ميك أب
ولا صبغه
بدون دبله
ولا حنه على الكفين
ف وقت الشمس ما
تحن
بحنان الاخت ع الكتفين
انا حنيت لدنيا وقتها
مش وقت ..
نسيت ومشيت
كطفل ملايكه بتلاعبه
فا ضحكتني
وضحكتها
وضحكتنا
على لاسفلت باينه
بس
من غير ضل...
ساعات الشمس بتغرق
عيون الكل ..
نقفل فيها ونفتح
ساعات نسرح
ف لحظه وكنا ناسيينها
ساعات منها بتتسرسب
دموع الضحكه مرسومه
على الفايت
ونضحك منها ولغاية.
مانرجع منها المرايات
كبرت يا واد
ماعادش الواد بيستنى
لقى الشباك لنقطة ميه
مرسومه على الجته
ماعادش بينتظر حته
من ال... عشان يتبل
ريق الوحده من جوفه
خلاص ياما شبع شوفه
وشبعت منه أحلامه
كبرت ياواد على الاحلام
كبرت وباكي ع الايام
وجه من ضهري كام
عيل
ومن ضهر العيال
عيل
ومن ضهر اللقا
بنوته متضفر عليها
خمس مية نظره.
صباح الحب والكسره
وانا وانتي نقول بصره
علينا نفرنط الكومي
على الشايب
وسبعه سبات
اعرفكم بإن الحلم
كالعاده .
شبابه
مات
ساعات بنكمل ال بكره
على امبارح كأنه ما فات
نهاية حبة العداد .
كلام فاضي
ما  زي الماضي كام مره
ميتين ماضى
بيحكوا الجي علي جسمي
باشيب وقتي
وكف ايديا بيلمس على عضمى
اللي متصدي
كفن عايش
وروح زايله
وليه تعدل ف مية مايله
ما خليها
على عيبها
كفايه عليها يوم توبها
يكون مدفون

عيال كنا
ف وقت ماكان.
فرحنا وحزننا
راس مال
ياريتنا كنا لسه
عيال..

حلت ضفاير
قلبها
وقفت قصاد
ضي القمر
يارب ليه
ماخلفتنيش
ضل استخبى وراه
واشوفها
دا برغم بعد النظرتين
بين السما والارض
لاكن .عيونها قريبه
كان نفسى اسرق
خطوة النور إنما
جدلت سنابل قلبها
واستنت الحدودته
قبل النوم

ووقت ان يجيلك حاجات تشتكيلك
تجيب اللي جايلك في صورة ماضيك
تصحي اللي مات من سكات واللي كان
ياما كان بس راح من ايديك
اكيد حد سابك وذود عذابك
وقضيت بقيت عمرك الجرح فيك
وضعفت مشاعرك ومات حب قلبك
وايام وعدت وراحت عليك
..
دنيا فيها الوشوش اللي حط الرتوش
واللي شايل وكاتم ولا ندرى بيه
سيره وف كل حته اللي نام ع المخده
بيحلم يشوف الحبيب بين أيديه
....
بتحكي الحكايه مافيش فيها حد
عيونك تدمع وتجرح بجد
ترجع الامك وكل اللي لامك
وسود ماضيك.
تدور على حد يمكن شاريك
تلاقي اللي باعك مالوش فيك
شريك
فا تندم وتتمنى انه مكانش
تقدر كمان انه يوم ماحصلش
...
ماضيك المؤكد يطاردك ك ضلك
ممله الثواني وصعبه السنين
تحن لرجوعك وتمسح دموعك
وقلبك ساعتها يفارق عينيك
..
خلاص اللي باقى شوية
كلام
والبوم صور ويا حبة
 سلام
......
دنيا فيها الوشوش اللي حط الرتوش
واللي شايل وكاتم ولا ندرى بيه
سيره وف كل حته اللي نام ع المخده
بيحلم يشوف الحبيب بين أيديه

اقرأ كتابك
باليمين
هل تعلم ان الرب
يأتي بالمتاع؟
فلا تبالي
وليحزننك كثرة
التعذيب من أجل
المبالي
فلا ظهرا قطعت
ولا أبقيت أرضا
قد يأتي يوما
قد تكون الذكرى
ابقى
والباقيات الخير
طير
قد يعاوده الخريف
فاحذر
ربيعك مبهر
والصيف يأتي
 على عجل
مهلا أجل
مهلا أجل
مهلا أجل

ونسيت أني حبها
فَ نسيته
قلبى المكنى اسمها
قاطعته
حتى الليالى
الفائتات محوتها
عذرا ....
فقدت الذاكره.
..
قد كان لي جسداً
يفوح العطر منها
فَ خنته
ام كان لي قلب
كحبات الندى
بعثرته
عذرا وألف العذر
مني
ليتها .
 كانت توبخ حلمها
كي استفيق.
وانا الذي اصبحت
مكفوفٌ
انادي للبريق
اين الطريق وقد تولى
من سيرشدني الطريق؟
قلبى الذي اودعته للرب
كي يرأف بها
من بعد ما خنت الأمانة
واعتذرت لحملها.
كانت هي .
كنت أنا .
وبدون أن ادرى بنا
قد كان كل منا ينسانا
هنا..
ونسيت أني حبها
فَ نسيته
قلبى المكنى اسمها
قاطعته
حتى الليالى
الفائتات محوتها
عذرا ....
فقدت الذاكره.

خلاص اخر نفَس
خارج لوجه الله
وباقي من سيجارته الفرط
تخميسه
خلاص فاضل بقايا بن ع الريحه
وحبة شعر من ريحته على الفُرشه
خلاص م الدنيا بين لحظه هايتمشى
دموع الاكتئاب هاتفارق الساعه
وفجأه واقف المشهد على تخبيطة الابواب
جيران الوحده ودموعهم بتوحشهم
رفيق غايب عن النظره
بيبان مفتوحه ع الآخر عشان
 متواعده ع الاخره

حلت ضفاير
قلبها
وقفت قصاد
ضي القمر
يارب ليه
ماخلفتنيش
ضل استخبى وراه
واشوفها
دا برغم بعد النظرتين
بين السما والارض
لاكن .عيونها قريبه
كان نفسى اسرق
خطوة النور إنما
جدلت سنابل قلبها
واستنت الحدودته
قبل النوم