مولود
متوضى
والميه حيطان
على رطوبة جَو البيت
ابليس بيلوَّح
بالنبابيت
ملهوف
بيشاور
على اخر نقطة
ميه
وايدين مربوطه
على الاسفلت
بتشِب
تموت
اَصرخ وبعلو الموت
شباك زنزانة بيتى
بتطل على الخفافيش
بالليل والعتمة
احضان ف السر
والبت البكر
حالفه لا تطلق
يوم العيد
لخابيط
مفهومه لبعض
الناس
ولناس مفهومه
طشاش
وف اخر اليوم
تذكرة المترو
بتغلَى
والذكرى دموع
على خد ولاد الليل
وان ناموا الناس
مطغطيين .
الفرش جعان
عطشان
للحبه
اللى بيرميهم
واد على
فخد البت.
انفاث وغبار
شبه الدخان
يطلع من بق
سجاره بحشو
الفجر
نستنى الصبح
مايجيش.
والكميا المدهونه
حشيش
بتناجى المحتاج
للسُكْر
خمرٌ. مغشوش
وجهٌ. بيبوش
مع اول قلمين
بيقِر على اللى
معملوش
واهو كل يومين
بتبان السمش
بدون نضاره
لايُها عين
ويموت الضل ....
.......

امشى
على
الاسفلت
كل الخلق
تنضرنى
دامعه ياعين
والحزن يبدرنى.
اطرح بكا
واقطف حصاد
همى
يا وحدتى همى
الفراق جاحد
..
الرب واحد
والعصاه ياما
والخلق بين
البين
ف دوامه
تنشل قليلهم
نفس لوامه
والباقى يغرق
ماتلاقيش واحد
....
الكف كفكف
دمعة الننى
الجسم مات
كأنه مش
 منى
مش وقته
ياضحكه
تغيب عنى
ولا راحه
كانت من
 هنا
وراحت

يا ميتين
اسمعوا
زعْق الغراب
اصل الولد
قش البنات
....
والشيب ملا
الكوتشينه
شيب.
بلدى اللى
كانت
ايه؟
وكانت
ايه؟
هى اللى
صبحت
ايه؟
خلينا من
تانى
نقول
الذكرى
أُس المرمطه
والجاى اصلا
شحططه
اما اللى فات
شحططنا بيه
وسط ال مابين.
...
زمان.
كانت بتدعى
وتبتهل
وقت الصلاه
اما الحقيقه
الزائله
ان السجاجيد
اختفت
منذ ال بعيد..
يارب
كِيف الجينز
قُطِّع
والدروايش
اتكست
جبه وجاكيت
و حذاء
وكِيف قماش
التنورات
اصبح
 يُفط..
اقرأ ياشيخ
ف كتاب
مؤلف
بس تحلف
انه مش تبع
الهوى
اصل
السكارى
كتير
..
سيركٌ
وتحويجه
ولبوه
والف
نسناسٌ
مقيد
اما بقيت
الناس
قطط
منهم
سقط
.
قفلِّى يابنى
ع العبط
واقرا
القديم
زي الجديد
هل من مذيد
بيلف
كام مليون
شكاره
من مسد
قبل
الحساب
...........
.....

تلك الامانى
المغرضه
قد تستحق
القبعه
سحقا مع
كل الشتاء
المنتظر .
حقا
اجد
ماقد سعيت
لنوره؟
وفتحت
من بين
الدواليب
كام شماعات
ذكرى
ف عرفت
انى
سيبتهم
للوقت
يا أيها
الماضى
قد جئت
تبحث
عن دموع
العين
هى الخدود
زاغت
من الملح
الاجاج.
ف عز عز
الاحتياج
وطن
وبيت
قد يطلبون
العون
يوما ..
اسماً
اعيش
على قلب
كان ف الاصل
فارس
بس لجل
الروح
سجد
بصيت على
عمرى
سكت
ساب الكلام
للخلق
بعد الموت
مسجون
بعلو الصوت
اصرخ
حيطان العمر
تتشرخ.
كم من لذيذ
الامنيات
باقى
رغم الأسى
ع الريق
والقهوه
تنضح ف
السَمار
وجهٌ له
معنى
يا طيبين
أنده
يفاجئنى:
انا جنبك.
لَحدٌ وقارب
سن يأس
وجرى
تلك السنون
لا تشترى.
ولا تفتريش
ع الطامعين
ف القوت
الا الطامعين
بالحق.
قلب
وجاوز عمر
كان ف الزحمه
ملبوخ
مابين
الناس.
نفسى اكون
للحلم
أب.
لجل امَّا
يتربى
يشيل اسمى.
على باب
قزح
دق الناقوس
الوان
من الصبر
العفى
ع الجلد.
ربي اما
خَلَقْنا
بشر
كان نفسه
يفرح بالنتاج
الكل هاج
ع القرش
والهدمه
قم يابن آدم
لملم الغايب.
عريان
واخرك دود
مايرحم
طين..
رافع انا الأبطين
وبادعى
تتنزل من
البلكونه
روح
الطفل
ثم
الشاب
ثم
عجوز على
حجرى
يااااااه يازمن
تجرى على
اكل الجتت
وتطفح اللقمه
الحلال.
ابليس وشله
من العيال
صنعوا
سواد الليل
لقت الملايكه
براح
نزلت على
راحتها.
طب ليه
دعانا خوف
واصلا المألوف
قسمه ونصيب
ازلى
يا أيها الجبروت
ف قلب
الجاهلين
اهدى
قل ل بن آدم
اصل البقاء
لله

اسكب
ماء النار
على
وجهك
وتحمم
بالنيران
الوقت يداهمك
ليوم
ملاقاة
مابعد
البرزخ
اخلع نعليك
وتدبر
من اجل
جنود الله
سافرت
افتش
عن عنوان..
رن الهاتف
ان الطير
على التليفون
ذاك ال whats
تلك التمريرات
الفعليه
لبقايا شهوة
مطعون
اخرج
ملعون
لم تبقى دنانير
الصاغه
بجوار رعونات
العمله
يدفع لحامله
مائة الف
قنينه فارغه
تلك الشارات
السائغه
بفعل الريح
تنبعث
الى المذياع
وتجئ حطاما
على طاولة
انستجرام
ارأيتم؟
هى ليست
لل داون لود
تلك الايام
للعرض
ف بسر
الروح
ونظره
وفعل الاستنطاع
الظل
مطاع
ثم امين
داخل قبر
الصديقين
نتناول
جرعات محدوده
ودقائق للشرعية
مع دوده
وباقايا طرق
مسدوده
عدنا بلا
تفكير
ف الرجعه

فعندما
قتلت
نفسى
احييت
روحى
تباعا.
جسدى اللى
كان سلسال
الم
عمر التَهم
منى البقايا
منِّهُ
اما انا
فبَقَيتُ
للتشبيه..
قالت:
وذات الليلةُ
انت الذى
اوسعتنى
ف القلب
حبا مبرحا
لا تعتذر
تلك السياط
مَلذَّتى
يا مزة الوجه
الصبوح
على غِيارِ
الريق
وقدح
الاولياء
مع قطعتين
من البراءه
الخالياتِ
من الحَزَن.
اَقرأ صحيفة
نورها
اَستنشق
الكَون العفى
كَفِّى
وفيه
آخر سلام
والصلاةُ
ف خدرِها
يالله بقى
قوم
اذِّن الفجر
المُسمَى
بإسمها
اذِّن
و
حى
على
الصباح
مع الاقامه
والملامه
للسنون...
عمر
مضى
وانا باركع
الحب
القضا
زكةٍ وصوم
عن
اللى فات
وَهم فلات
وسنين
عجاف
لما افتكرت
الزُهد
بُعد
وان العفاف
عنها
بموجب
لاقتداء..
..
حاء وباء
وتَعلم السر
الخفى
على يدْ
كيوبيد
العزيز
..
اِنطَق
واُبكِمتُ
بفعل
الشهقه
للنظره
الحلال.
برواز
وكان فيه
العيال
ولدٌ وبنت.
والذكريات
تسري مابين
الجلد
والتكوين
لقا
من بعد
طول فتره
جفاف
قل للذى
حبك
وخاف
دمع بقى
واترجى
ترجع
بس
لجل
ماتشوف
الرجوع
وترُد

وف
الاحتراق
قلبى فضل
يذكر
وروحى
بالتنوره
لفت
كام
ماتعدش
.حى.
يارب دانا
ميت
ف حلقة ذكر
من كام
مقام
وكام سنه
فاتوا
شى الله
ياخلق
وماتوا
ماسمعوش
نظره ومدد
متمددين
عميوا..
هيمان
وتايه يامه
ف الملكوت
والكون
سكوت
ضلمه.....
واحد قمر
وكَتر
العاشقين
.شطبنا
يابنى
وبكره
جاى براح.
قاعد على
الاسفلت
يبكى تحت
منى
مستنى اشوف
القمر
ينزل العناقيد
.
يارب ليه
الارض
ماجذبتوش
ولا هفُه شوق
الاوليا
ومسك سبحه
يمكن عشان
يتشد له
العاشقين.
مَيتَين شيطان
الانس
يفرقوا الاحباب
حيين ملايكه
بينشدوا
اللَّه
صدَّقت
ان
العشق
سهم
 ف
جتة
المعشوق
بيفرقه
درويش
بفعل
الشوق..
دراويش
ولا ندرى
متى
صابنا الهوى ..
يا من
هواه
صب
الهوى
ف الغار
اهيم شوقا
واحتراقى
ملاذ
..

ضاقت
ولما فاض
بالتكوين
جهرت
بالدموع.
يوم
وفيه
سنلتقى
على فراش
القبر
..
ملكوت
وسحر عيون
على صفحة
الدراويش.
وجوز ملايكه
وجهين لعملة
ذكر.
يارب كيف
الشكر
والحمد
اللذين
طلبتهم منى
ف لحظه
سكر
وكيف
كما ينبعى
للركعتين
قدام مرايا
عكس
بعض
بيضحكوا ..
عند احتضان
السبحه
من قبل الوريد
تتساقط السجدات
تجلى
يا مستقى
خلى .
بكره الحساب
يجمعنا
بالعاشقين
اظفر بذات
الدين
تجامع جنتك
وتخلف
الحور
الحلال
....
من يفتح
الرضوان
ويغلق قلبه
ع السر
ف الاغوار
حتما يصطلى.
من يعتلى الامواج
تشبعه الشطوط
ذكر
وسوط
على القلوب
المقفهرة
بالحنان
تبعث اشارات
اللاسيلكى
للاله
حتما
تراه
وتنتشى
ف الله
اجمل

وعرفت طريق
الحضره
ميلاد
يا سنين
دراويش
والتنوره
بتلف
العمر.
السبحة تجز
ف حباتها
بتترجى ثوانى
الذكر
ايامنا البكر
مايعودش عليها
الا الرحمه
واللمه عياط
مواليد
موائيد
جت ليلة العيد
البنوته
فكت ضفايرها
حداد
عداد
بيعد دموع
العين
وحساب
ابواب
من يوصد
اقفال
المجاريح
تباريح
بتحرَّم ع الجعانين
القوت
مبحوح الصوت
بنموت
والقبر
حيطان
وف اخر
الحيطه
صوره
 ل جدى
وقفت
..
مولانا الشيب
مش عيب
كرمشلى خدودى
ف لمح الحال
من واحنا
عيال
مفاعيص
بنقيس الدنيا
بمسطرة
العناقيد
شوف كام
عشرين
على كام
عشرات
خدناها
عياط
والفرح قليل
مهابيل
والليل بيغطى
بستره الحيل
على قد الليل
محنيه الضحكه
وكركوبه
بتمثل افلام
التوبه
وترجع تنعاص
يا زمن
قماص
كده متخاصمين
.......

عجبى على
المستنظرين
القوت
المم لجل يسد
الحواشى
تنطق
تخاف
تنحنى
وزى مواشى
الارض
عجبى عليك
يا فارد الطول
نضار العرض
مستحلى الزمن
ف عينيك
يا الموت
ابوس الايدين
جنب القدم
ترحم
وياريتك بترحم
حد
وتسيبه
قصاد العجب
لجل ان مايتعجب
ويشكر ..
شخره وتحت
الشجره دفنوا
الجته مبليه
وجته جنب الجته
مبليه
من غير وليه
الصرخه تطلع
والملاك بيعد
شد اللحاف الرمله
واكتب هنا يرقد
يحلم ب زى مايحلم
اتنين وفوق الشجره
مش حاسين
من غير
يس
ولا آيه الكرسى
بيضحكوا
الضحكه
واخرتها
شخره تجر
الشخره
والحساب
يتسد فورى
بعد عمر
اقساط
عجبى عليك
يا زمن
زياط
ف وسط الزحمه
بتآجر
والزحمه هوجه
وكله له اخر
يا محوشين المال
بطول البال
كتر السؤال
عنكم
بس القضا
لسه
.......

ع القهوه
كنا حنينين
سبع وفرد
وجوز جواكر
لسه فاكر
ضحكة الشايب
بسنه واحده
وكام سبات
يارب ليه
كبيت على
كل الحنين
بنزين
وليه مدوبنى
اللى ماشوفتوش...
..
واقف على ناصية
زمان
مستنظر الموضه
القماش
عدى عليا كام
معاد ومجاش
انا كنت ماشى
الدمع وقفنى
(اِستنى )
خدى اللى كان
مَلس
الخرايط شققت
نصه ونصه التانى
متسفلت سنين
سابنى ومشيت.
يارب انا اتعشيت
تغميسة الحزن
الحلال
وانا على لحم
حلمى
مكتف الدراعين
احلم كابوس
ولا اتولد من
تانى
دا العمر زى
اللبوس
بيفرهد الجته
شقايق
ميت ف راس
ميت
حاضنين قماش
الكفن
والقبر متوضى
يامه اعملى
معروف
دا العضم بيصدى
الميلاد
وانا كنت عيل
والبلاد مشاوير
بس جناحاتى .
نطوا
ف اول ميكروباص
م التعب
طيب يا فَجر
ولسه ملمحتكش.
الليل بيسقينا
المآسى
وش
والف كش
وكش
على كل دور
مغلوب
توب العليل
امشير
والبدر لساه
بشاير
دمع نجوم
وايام
مَيِّت رميت
السلام
ردت بواقى
الايدين
سلامات يا وش
الحزين
وسكووووت

من بين عينيكى
الفيلسوف
انا دوبت
خوف
اهرب
واراقب من ورا
الشبابيك
ولّا
ازوغ من وسط
ننى
طيب انا اكمنى
حبيت الحقيقه
الزايده جدا
ولّا كنت
عبيط
شقى
ولا الغموض....
..
العتمه خارسه
انا قولت فرصه
امد ايدى بين
فخاد الليل
صرخ
حسيت كأنى
لوح قزاز فجأه
اتشرخ
حبيت اعيط
مالتقيتش دموع
يا ايها الجربوع
يسوع
كان شافى كل
الاوليا
والاشقيا
واللى مالوهش
زمام
ننى العينين
قدامى ادخل
ولا اهرب
واستنى دورى
من ورا
الشبابيك

حضن الشتا
مع مسَّاحات العربيات
ضى القمر فوانيس
وانا وانتى وسط
الدفيانين
والمطره عبره
من شاشات الشباكات
وانا وانتى تانى
ومن سكات
بنراجع المنهج
لسنين وفاتت
الذكرى ماتت
بس اللى لسه
حى
النظرتين
وانا وانتى تالت
وشنا مافارقش
دمعات القلوب
وبحب لمعان
العينين
الصبح فين
يارب مايفوتناش
احساسنا بال كُم
الشبيكه الصوف
ومج النسكافيه
وصوت حميد
.......................
.......................