لو حد فينا
كان مجرد
حد
انا كنت واحد
ضمن لاتنين
اللى فارقوا
وباعترف
للرسمتين
انى ف الاخر
بشر
برك الجمل
يا نخلتى
حنى .
دا القمر
نازف ندى
يا خسارة
الحب اما
بات ف الطل
مين يشترى
البرواز
ويترك لى
الحيطان
بحب امى
ووحدتى
والبرد
ومراتى البتول
وعيالى
دول على
هامش الرحله
بيحبوا فيا
الضحكتين
ع الصبح
اه يا ولاد
بينى وبينكوا
بوسه
على خدى
يا مين يعين
غير ربنا
وقت البشر
راحوا
سيلفى وخدته
وكان ورايا
وش
مالمحتهوش
غير لما نزلت
الصور ع الفيس
مين القمر
عسوله والله
يارب تكبر
وتغنيلى ف
الزحمه
تعرفنى ؟
اه
لاءااااا
ومابينهم
فكر
شوفتك ف حلقة
ذكر وبتنشد
يا روحى بتطلى
على النجمات
وبترجعى
استنشق
سما سابعه
وسط الدولاب
كراتين
ملاها الفضا
كسلت الملمهم
زادونى مكان
ممكن يارب
افارق المكنه
وتبدل الكراتين
حيطان وبيبان
شوف كل مره
اسمع
صلاة الفجر
شوف طعم
بقى ف بوسة
التراويح
انا نفسى انام
واحلم
واشوف الناس
معنى الحقيقه
لو وصل هانموت
على الربابه
كان غنايا
غيط
وسط البنات
وبتقصع الضحكه
(قولوا لابوها ان كان
جعان يتعشى)
الله على الفرحه
اما كنت شباب
وقت القصب
لسه
ماداقش العصر
م المغربيه
تموت وتصحى
تقابل الاموات
ما يكتر الزاد
الا السقايه الصح
يابنت
لسه القطر
بيعافر
بس التراب
فايت حبيب القلب
ملعون ابو الجوع
اما بيتنح
ويناجى بطنى
قال
هى البطون
فيها ودان تسمع؟
طبعا ما صيفتش
عشان حنيت
للبرد وسنينه
وحبة تلج
يا خساره لما
فركت عينى
سدى
صحصحت على
قهوه كان طعمها
علقم
يا عم بص وسلم
الطارشه
هو السؤال
له رد وما قولتش
ماتقولش
غلبان
دانت ماتعرفنيش
بص ف عينيه
وقالى
مايضرش
كنا بنجرى
وفجأه
بصيتلى
طمنتها
ووقفنا ف
الاخر
بالله عليك
يا حضن تتاخر
توسعلى
دى الغربه
كلت اماخلت
دايما معاك
ف المحفظه
بس انت حقه
ف كل يوم
ميت
ولا بتستموت
عشان
تعرف
ليه الدوا بعدين
؟
انا اصلى متعود
على جرحى
والله طين الارض
والدوده
كتبوا شهادة
ميلاد
ميت
وماقالوليش
يامفرقين العتبه
على الابواب
حطوا الفلوس
تحت العتب
واضحك
وعلقوا اللكلوك
بتاع الواد
حسدتنى بنت
ف مهدها
على ريشة الطير
اللى حط
وطار
الانبهار بدئ
لحاجات بتروح
مطرح ورا مطرح
وانا عرقان
افتح ايدين الصبر
واتطوح
الدمعتين الاشقيا
مالهم؟
مفتون انا بالنظره
والمرسال
ياااااااااه ع الكلام
عدى ولا طلش
والليل معبى
الضحك
للايام
.............
اعطش
.............
اموت م العطش
برايا مش حاسس
فاكس حوار
الدنيتين
والرك ع
النيه
(طلع العيار
طايش)
.
.
.
شربت