سيادة المواطن
احب انى اقولك
بانى ابن مصر
اللى حب البلد دى
واعرف سيادتك بانى
ماشوفتش ف يوم الفتات
وليه الشكرانيه على النعمه ديه
وليه الحمد برضه لانى ف سكات
عرفت ان فى ناس كتيره غلابه
وناس تانيه اغلب وناس عيانين
وفيهم بيعرق وماينوبش من عرقه
لقمة عشاه
وفيه المبلطج وفيه اللى منهم
عديم الرضا
وفيه اللى زارع فى ارضه العليله
بيطرح مناظر بتشبه نبات
وفيه اللى فاكر ف ايده الدوا
وحارم مريض انه ينطق هوا
وفيه كل حاجه
لا يمكن تسيبها
سعادتك هاتمسك بهيه
اللى ياما طرشها الزمن
سياده المواطن
فاضلك يدوب كام يوميه
عمل
هيشقاهم اللى هياخدك رئيس
ومايهموهوش انت قبل المناصب
غير انك ف ايدك صكوك الخلاص
واعلم سيادتك بان الاراضى
بتنضح ف دم
ولو يوم رويتها هاتطرح خلايق
ياريت تعتبرنى اخوك الصغير
وتقلع هدومك وتلبس هدوم
اللى ليهم مطالب
وحس بحياتهم
وشوفهم ف فيلم
وعاين بضاعتك
هاتقدر عليهم
حلال البضاعه
ولو مش هاتقدر
كفايه دا طلبى
كتير اتاخدنا
ف لفه وطابونه
نقصنا الخميره
عرقنا ف بؤنه
وداخت معانا سنين
اللمونه
كفايه باقولك
دا لو مش هاتقدر
واهلا وسهلا
دا لو يوم هاتقدر
تنشف دموع كل
بنت ف عزاها
وترحم قلوب كل ام
بتبكى
وتشفى الخضار اللى كل ف
الخضار
وتصبغ شعور الشباب
اللى شاب
فا ارجو ان تقبل كلامى
وصيه

ولقيت الحر بيتوضى
من عرقى السايل
...............
ماقدرتش انطق.
من بين الدهشه
والاستغراب
بصيت
.
لمحتنى عيون الشمس
صعبت عليها .
بكيت .....
......
وبكيت .
ودموعنا خدتها الارض
وماستنتش
معذوره
ايه ذنب الزرع يموت
عطشان
واخضر الزرع من الجدره
ماهو تحت الارض.
مسكين....
ملحقش يكمل ضحكايته
جه ينط لفوق
من ثانيه اصفر...........................

ف عز الشوق
بنتلاقى
وانا وانتى
دموع
من العينتين
نزلنا
لحد اخر الوش
مع اننا خارجين
من الاحزان
لاكننا خلصنا مع اول
لقا
كل الكلام اللى كان
باقى
ف قلب القلب
بحبك وانتى بتحبينى
مواليد لسه نازلين
من الغدد اللى شالت
كاااااااااااااااااااام
ماعرفوش بعض

بصيت على جسمى
لقيتنى من زمان .
منسى حتى بنظرتى
ومقضى كل سنينى
بالاحساس.

من بين ايديا
اتكلمت
وقالتلى ملكك
وانا ياللى كنت
فاكرها سهله
اخدتها دخان
وهى استسلمت
ودموعها شافت
لون شفايفى
اتبسمت
مع انى كنت
ف سرها
سبب العذاب
وبرغم ده
ف اخر نفس
كانت بتترجانى انى
مارميهاش

فى الصبح
صبيت قهوتى
لقيت ملامح من حبيبتى
بتبتسم وهى حاضنه
الوش
ماكنتش اعرف انى
لما هاشربهم سوا
هايسكنوا جواتى
قلبى شافهم ويا بعض
حط اخر دمعتين
نزلوا حبات من مطر
على جسمهم
وانا استسلمت

خـ ـ ـطـ ـ ـوطـ ـ   فـ ـ ـ ـ ـ ـاصـ ـ ـ ـلـ ـ ـ ه
ــــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــ
امى اما كانت مشتهيه الموت
ياما بعيونه كان شايفها وساكت
واما شافتنى كبرت
حبتنى
مدت ايديها تاخدنى ف حضنها
لقيت ايدين الموت بتحضنها
ـــــــــــــــــــــــــــــــــــــــــــــــــــــــــــــــ
حبيبتى كانت فارده
ايدها ع المطر
كان حلمها تسند
ويستناها
لكنه كان نازل
بيسقى الارض
ياخساره دفنت حلمها
ف حضن حضن البرد
............... مشيت
ـــــــــــــــــــــــــــــــــــــــــــــــــــــــــــــــــ
ماكانش بيننا
حلم
ف بداية النهار
كان كله ليل
وانا وانتى حاضنين
القمر
كان باختصار خوف ع القمر
لا يروح بعيد
شئ مستحيل
تبقى الملايكه لوحدها
تسال سؤال
تلقى السحابه
تردها
مع انها من غير قمر
بتخاف ترد
ـــــــــــــــــــــــــــــــــــــــــــــــــــــــــــــــــــ
سيبتك ف حلمى
نسيتك
وانتى بتستنينى.....
...
خدنى النهار
ولما نمت
لقيتك
معقوله كل شئ
يستنى كده
دا ماكانش فى الحسبان
اكون انسان كده
اصحى
انساكى
اسف
سامحينى ياللى
كنتى فاكرانى
باحب
ـــــــــــــــــــــــــــــــــــــــــــــــــــــــــــــــــــــ
وتحس انك
مختلف
يا بسلب يا بايجاب
ماتفرقشى
ياخدك شعورك بالزهق
حد الغرور
وتقوم تسيب نفسك على
كرسيك
وتمشى
تلاقى انصار الزهق
بيصقفولك
ـــــــــــــــــــــــــــــــــــــــــــــــــــــــــــــــــــــــــ
شوفتك حبيبتى ف المرايه
حضنت كل الكون قزاز
وسيبت بصمة بوستى
ومشيت
ـــــــــــــــــــــــــــــــــــــــــــــــــــــــــــــــــــــــــ
بيننا وبين روحنا
حاولنا نبتدى
ازاى ومين يقدر يحقق
حلمنا.
كانت عينينا
محتاجين يشوفوا بعض
لكن ماكانش نصيبنا
مدينا الامان
دلوقتى بعد جت عينينا
وحضنوا بعض
مش محتاجين من بعضنا
حتى لكلام
 

ماكانش بيننا
حلم
ف بداية النهار
كان كله ليل
وانا وانتى حاضنين
القمر
كان باختصار خوف ع القمر
لا يروح بعيد
شئ مستحيل
تبقى الملايكه لوحدها
تسال سؤال
تلقى السحابه
تردها
مع انها من غير قمر
بتخاف ترد

خايف عليك يا شجر
لتنحنى م الريح
وتبوس ف ارض الغريب
وتقابل التشابيح
عجبى وياللعجب
يوم لما كنت اخضر
ماكانش فيك غير صوت
يدب ف الرمله
وينبت اخواتك
دلوقتى ايه غيرك؟
مش كنت فى الخطوه
صاين خطا ذاتك
شكلك كده مليت
وركنت دور تانى
يخيبك يا شجر
وهاقولها من تانى
يخيبك فوتنى
وانا فى النهار باحبى
غربتنى جنبك
واخدت من جنبى
وعملت ضلايتك
عديت عليك الليل

العد ليه انتشر
ميات على الوفات
وانا لسه ف المبتدا
باعد ف الاموات
الدم دا مصرى
والدم دا مصرى
والروح محاوطاهم
اه يا غبا عصرى
عصرت فينا اقداح
وسقيته بين فكين
نزل الكلام مرتاح
سيل على الرمله
طرحت مرار طافح
والارزجيه اشتروا
وباعولنا بالقناطير
واحنا اللى صدقنا
وشربنا منه كتير
عجبى عليك يازمن
بتعلى فى الطراطير
وكل شئ له تمن
لسه الغلابه كتير
وبيحلموا بالمم
ايه ذنبهم يا عم
يبروزوا اللقمه
وبدال مايملوا الفم
نظره تشبعهم
يرموا مواجعهم
ف عب ليل بكره
مش وقت مين يكره
ومين يحب ف مين
عطش العرق ف سنين
ماشربش من جيبه
والفقر كان سترته
وماكانش بيعيبه
الله يجازى العشم
يوم ماتزرع خضره
وبنى الهوا فدادين
كان وقت ما القدره
طرحت جدور ملايين
طلعوا على الفاضى
كلهم خريف ماضى
ورجع الباقى
تايه ومش لاقى
دايب ف قهرايه
جه يغمس الكلمه
صبعه بقى جرايه

بيننا وبين روحنا
حاولنا نبتدى
ازاى ومين يقدر يحقق
حلمنا.
كانت عينينا
محتاجين يشوفوا بعض
لكن ماكانش نصيبنا
مدينا الامان
دوقتى بعد جت عينينا
وحضنوا بعض
مش محتاجين من بعضنا
حتى لكلام
ولا حتى حب
ــــــــــــــــــــــــــــــــــــــــــــــ
كام مره قلبى وقلبك انتى
قال حاجات
وحاجات كتير كانت
بتهرب مننا

وياما فينا انا وانتى
عيشنا فى حكايات
لكنها بعدت كتير
عن حلمنا

مع اننا كنا بنسأل
100 سؤال
والرد كان بيدوب
مابين روحنا وجينا.

كانت عينينا
محتاجين يشوفوا بعض
لكن ماكانش نصيبنا
مدينا الامان
دلوقتى بعد جت عينينا
وحضنوا بعض
مش محتاجين من بعضنا
حتى لكلام
ولا حتى حب

سيبتك ف حلمى
نسيتك
وانتى بتستنينى.....
...
خدنى النهار
ولما نمت
لقيتك
معقوله كل شئ
يستنى كده
دا ماكانش فى الحسبان
اكون انسان كده
اصحى
انساكى
اسف
سامحينى ياللى
كنتى فاكرانى
باحب