وابتدينا ف وسط
ترنيمة بكى
نحلم نعيش الرهبنه.
يمكن يكون الزهد
واحد
عاش مجرب
يضرب الحاصل
ف عكسه
ويبقى سبب الدمعتين
لساه ماجاش.
الحلم اصلا
ماتنهاش
اضحك بقى
سرقه وكانت ضحكتى
خطف الشفايف منها
من وقتها .
شكرا على التنهيده
ف العتمه
البراح
وفرتى اخرة
صبرى
فى الدمعات
عبد .الله .مات
ولسه جاى
بتشتهى تاخد عزاه
ربعين من القرآن وخلص
شيخنا .
مع وقة الادمان ف سترة
مصحفه المكى
البن ساده والايدين
طالبه العزا
...
كله اتنسى .
وانا كنت بامسك ايدها
اول مره.
بعد حاصل ضرب
كام فاتحه ف بق
الحاضرين
..
كان فيه زمان
والد بيرعى خلفته
يوم زفته ع البكر
ماتت ..
شالت همومه
قبل مايحط الحقيقه
ف لفة المنديل..
..
الخمارات براميل
على ناصية
حيطان بيتنا
ترسم قلوب
عليها اقفالها
حب ووداع
..

حوشت عمرى
فى حصالات
وصرفتهم موته
ببلاش
سنى اللى اصلا ما
 اختشاش
رقصتله روحى
سالومى
لجل ماتشوف
الحياه
فدبحلها قلبى
يوحنا.....
.....
😏😏😏

كل الحروف
الابجديه
طابور..
كلمات مستحدثه
ع العرف
كنت واخر طرف
السجاده.
بينا بعاد
الموت
صوت يأتينى تباعا
قم وانتفض
شابوه لكل الدامعين
ع الفطره
وكل من قال الحقيقه
ف سره
كنت واخر كلمات
النارجيله
.
نبتسم..
زى ما قال الكتاب
اسمك ماشالله عليه
وانا اسمى خرزه
ف سدرة المنتهى.
طوفى بلا رجعه
على ناصية الاسراء.
دوبت كام كعب
لحبيب اصلا..
ماتفض نفسك
اخر الموضوع..
حبيت غياب
رد ف سكات الرد
خوفنى
ليه ليل البعاد
طول ؟
..
والله كنت بعيد
وهى لسه بتنتظر
طلتى.
فاكر حروف الابجديه
كتر الممارسه تنسي
ف البادى
يادى اللى قال نسيان
رديت عليه:
حاضر
وطنى لمن لايعرفه
كان وارتاح
والرمل فض براح
للشامتين فيا
امل الجريح
راحه .
اصل الراحات
فارمين..
واشهد ان العابد
لا يدرى
وان العالم
مطمئن.
وفضلت ائن ماحد
سامعنى
شمع الودان
تصنج له ياما
فجر.
وفجر النهار
مقدرش يستوعب
انه كبر ع الركوب
كان الندى اسرع
حبل بطون الصبح
ناس.
وسألت نفسك
لسه راجع
ولا لأ ؟
كانت اجابتى
ماتسيبوا روحى الديقه
تسرح
...
(والضحى . والليل اذا
سجى)
ولسه اللى جاى
ماظهرش من سم
الخياط
..
الرب لا يسألنى
عن حسنات
(فلئن شكرتم)
(ولئن كفرتم)
مش مهم التكوينات
تبات على حافة
الجنه..
شدنى .
وانا مين هاييجى
يشدنى
السر ف الافصاح
بين السطور قرايات
بتعكس المرايات
والحاوى رقص
الف قرد
بشغلة القرداتى
صرف
مين اللى لسه
هايعبدك على حرف
غير اللى مرضي.
بكره الحقيقه
تكمل الملكوت
سكووووووت....

قف.
على قارعة الحلم..
انت لا تستحق
(وبناة الاهرام ..فى سالف
الدهر....)
اعجز عن قولى
مهتم.
النشوه تدق وسادتى.
حرب ..وعواء
ودموع
وجحيم بين الضلعين
قلبى الممتد
من الياقوت الى الطين
..
تعرف نتكلم سيلفى
وسيرة الحب على
الشقين.
هنا سابت كل
رموشها العيره
مع التغييره الشتوى
وانا لسه ب روب النوم
ماصحيتش
..
(جايين للدنيا مانعرف
ليه..)
على إيه وكام طله
خانتنى وبعدت
عنى
و....
😉😉
ياما كنت اتمنى
الحضن بجد
لاكن ف الارض
الجسد اتمرمغ
وتلاشى
والزمن الحالم
يتماشى
مع كره الوقت
لتفاصيل الوطن
المزعوم
..
لم تعبئ يوما
يا ...
.كبد .. والشوق
يحرقه
ضهر والماء ينديه
ونزلت الشارع
من غير غسل
والعهده على الراوى
المسكين..
قليل من الماء يطهره
عذرا .
ف الشرق عباءات
المومس
والغرب زجاجات
المخمور
والبين مذعور
مابين حلال وحرام
مابين الضلمه
والنور
..
لساكى بتحكى ب لغة
الجيل
وحجاره بتخرج من سجيل
والطير اباتشى
..
قوم روح وامشى
ما طمنتش لسه
ف مش هامشى..
سبع امراء
عدد من وتر
ومسيخ بكر
ومهدى يخرج من كعبه
ما تلك اللعبه
؟
ولا ادرى..
اقرأ فنجانك والخ
..
تلك الرايات تحاورنا
صك من فخ.
اليوم نعاودها
الكاره
Wellcome toمسخ
وهنيئا جدا ..
مسترخى.
وتقاوم جسدك لا يقوى
ان يقف على كرسي
المقهى
ويسترسل.
قف على قارعة
ال.ح.ل.م
.......

اخلع قبلتيك
على وجنتي
ف بدون شفتيك
احتضر.
وقل للمراد
انا
هيت لك
لأن القلوب
تهاوت :
معاذ الله
......
تلك التى
اجمل بكثير
من الرؤى
تهادينى
طفلا فا طفل
تباعا
يغاث لها قلبى
مهلا تباع
...

ومالى والهوى
سهران..
على قد المطر
ليل..
وعين بتدمع المطره
صاحبى انا والبير
والسر ف التكعيبه
طول الفجر
مايشقشق
سعجلت قلبى
على شباك حبيب
الروح ..
والعين ما ترأى
غير قفول الشيش
ميل على جذع الحيا
ميلتين
شيلنى وانا شايل
مرار بالكوم
موسم يا عمر الصوم
وهدوم ماترأى م العجب
غيره
...
راودت واستأذنت
وباغتنى
وجريت انا من كفتين
ايده مالمستنى
ياهل الله حدش شاف
كتفى اليتيم .
كان توأم الكتف
اللى شال
كفنى
عجبى على الاسوره
تدمع على يد
القمر
والتهمه سرقة نجمتين
ف الصبح
قولوا للحزينه الفجر
صابح ماشى
ياللى اشتهيت الوجع
ولا دريتشى
فات الطبيب وعمل
ماشافش الحال
ممسوك دواه
وبيد غير يده
يا معشر الناس
مصطفيكم  والشكوى
لطوب الارض
اصل المطر بيلين
القاسى
...
كنت ..
وهى ..
نحتسى الظلمات
فى كأس الليالى
عل القنوط يكوى
جراح جسدى
شفتاها لم تستطيع
ارتعشت
خارت اصابع كفى
..
اغماءه..
(راجعين يا هوى ..
راجعين)
لسه الكراسى
عليها نفس اللون
واللى امر بالستر
مفرش ودارى التربيزات
(القرارات مطوحه)
...
عندك ماتخدعنيش
كلنا ف الاتهام سواء
ورجعت جارر مخلتى
والطيارات فوق منى
واتدارى من علب
الملبس
كلت كل الرمله
واتعكيت بدم
الطيببن
...
اشتم ..
سكتت
ورانى كل ...
القانتات ..
وحوريات الجنه
بكر
اقطف ..دون ايادي
جسمك الملفوف
ابليس يابوز الخير
دخلتنى الجنه
اما وسوستله
يقتلنى وانا صايم...
.....

ان الحقيقه
فى خضم الالوانات
عبث....
...
وعشقنا مثوانا
واحنا اللى مابنسواش
مداس ع الخد يتشاقى
ويفرد دمعتين
م العين
ونس
وحضن مالوش حدود...
....
دنيا يا بطن الحوت
تابوت
لكل من داقها
وانا سيبت عشاقها
وجريت على
الغربه
....
..
كان نفسى قبل
ما ابصلك
تملينى كم الاسئله
كنت فين؟
ولسه بتفكرنى بيك؟
وحاجات بتطرح نفسها
من غير كلام....
...
مولانا بينصر كل
جهول
حمال الامانات
الشقيان
اصبر واحتسب
لسه اللى جاى
جايب عينين الفجر
من وش القمر
..
..
انا يابن بنت الاوليا
شادد على روحى
اللجام
صدق حرام؟
جدى الوحيد..
مد الايدين للجده
لجل ما اطل
ع الدنيا
واشرب حفان الشقى
قسمه ومكتوب.
جايز قلوب تانيه
تخضر الجثامين
..
انا بطنى طاهره
م الحرام
وابيع ع الدنيا
السلام
لجل المحبه
ماتتكسي مناديل
ورق..
تروماى قديم
وخلق دايبه لجل
تندغ ف الحلال
وشنط كاوتش
وبطن ع الجنط
وانفخ سجاير الهوا
اصلى اتبريت
ملاليم
طرابيش تعانق
راس محبات
باب زويله
والف سليمان كملوا
واسري بيهم
ع الخازوق
...
(نفس المكان اللى كان
بيجمعنا سوا)
والاقيكى بتلفى الشريط
قبل اما يتسفسف
غموس بايت
اصل الفطام
عدس على نابت
مفيش غيره
ياربى ازاى
اكون مسجون
وهى بتشتهى بكره
انا الايوب
ولف الصبر ع البكره
ماخلاشى
حصان ماشى
حمار ماشى
بهيم بيطوف سبع
لفات
وديله فات على
الصره
بيطمن
ههههه
وقعت ياروح الروح
من العصره
هموم بصره ف وش
الخلق تتدارى
(وادور ليه على جرحى
وصاحب الجرح مش فاكر)
..
فلقد تقطعت الخطى
وترهلت .
وهرمت وترا.
يافتى ..
افتينا بالله القدير
هل م الاجازه
اموت مفرق ع الطريق
؟...
....

عذرا يا عصافير
مجيتش اقلق
منامكم
ولاكن
تلك اشارات منى
لِكى .....
..
مقدرتش ع التغريب
بالعكس..
انا لسه قصادك
باتعافى حدود
الحاجه
وحيد ...
كلها مفردات ..
ولكن ..
صعبان على قلبى
الاوضه ..
ولاربع حيطان
صعبانه عليا
المرايات
تلك التى اعدت
لتقضى حاجتى
مشروطه ب سن
الطباشير
ايام معدودات.
وانا على سفر..
(ابكى . انزف ..امووت
وتعيشى يا ضحكة
مصر)
ندهتنى ..
وانا لبيت
أُرجئت..
تشوفينى ازاى دلوقتى
وانا شيبت؟
(ان بعض الظن )
مُر
رُب ضاره بألف
خير
...
لخبطت تفاصيل ملامحى
رِجل ماشيه ف عكس
سير..
انهم يتألمون جوعا.
اذكر الله .
يتساقط الخبز المطير.
تلك امانيُّهم.
دَمعت......
ان العقل الباطن
يَدمر ..
لا وقت لاحزان
السفهاء
ف الليله مليئه
بالفى عام من الاساطير
وسكارى هنا
وبكاره هناك
يا. كل (انا بستناك)
عدِّت..
ومات الناس
على امل
ولعنت امل اسمها
..
ياما نفسى احضنها
ضفاير..
بنتى
..
وهى كمان
. .
وحشتينى
..
ومَسمِعتش..
كتبت على حيطان
البيت
(هنا يرقدوطن كامل)....
......
ملاك الليل
هناك عندك
ابوس ايدك
ف كل خطاوى تحرقنى
بيوم فايت
..
تجرعت الكئوس وحدى
مكفتنيش
هههههه
هنا  تسكرنى اناتى
ب كتم الصوت
وحتى الدمعه تنزل
صامته
والخدين يزقوها
عشان غيرها
هنا الملكوت
هنا يرقد
لا حول الله ....
زمن مكبوت.......

اكاد اتقطع
على فراق
ما سلف ..
فا أتركوا الاقنعة
واتبعونى
ولا تحسبن المبتلى
يشكو ..
(هنالك دعى ذكريا ربه)
فلاقعدن واصطلى ...
..
تلك الاشارات العلا
جاءت تودع قاتلا
للنفس .
فهنيئا له..
سرعان ما مزج الفراق
بحبتى الكرز
مش ممكن تعافر
وانت ف التراويح
لوحدك....
...
انت .. العواء
فلا اكتراث
مع قرد الباطن
وادمية الظاهر
تتجلى حروف الخائنين
ما اصعب التكوين
ف عز كسر
المرايا
انت الغبى .
فبدونك العملاء
لا يستترون
..
على ورقة الصباح
اشتم عبق الشاى .
تاريخ ..
وكانت تستحى الايام
فراق..
وباتت تستحينى ...
...
دمعات جيدى
تبلل الحبل .
ولكن لا مفاده
وبتستعيد روحى
جسد تانى
وسط المسوخ..
انا الكائن ف ضهر
القانتين
انا على كل وش
صبور ..
وتقول المأثورات
روحك زخات زخات
فى كل جموع الارض
وبتتهمنى بالطواف
عجبا لمن لا يستقوا..
لا يعرفون.
زير النسا .
فليستعد ملاقاة
الحواريون
لسه الحقيقه
مش لكل الناس
فا القلب باطن
والنفث لا نراه
(ياليتنى اتخذت فلانا
خليلا)
عذرا.
 انا لا اعتذر
(وما فعلت ذلك عن امرى)
ارحل مليا
وخدلك الركنات
مكانك
لسه اللى مقابلتوش
كتير..
سبحان من يسأل .
عن الملكوت....

عندما تخبرنى
امى
ان الملائكه يداعبوها
لا انكر..
وانا على طرف
الشيب .
التقط لقيمات
الصحه
فتراودنى تاره
واراودها مرات
(تلك الايام نداولها بين
الناس)
...
هات قلبك وياك
واقراه
فستعرف اين الله
واسترخى..
لعبكت عصارة مخى
وقاومت
والليله فرغت
..
لم تعجز ركعات
التبشير
ان تخبر جسدى
المتثاقل
بغداء الغد.
الروح تستكفى
وانا..
مرهونه
 على كتفى
تلك الاحمال
(ولدى نصحتك لما صوتى
اتنبح.)
وتمارس نفس عنادك
وبعادك راحه..
فكرت ادوب ..
لاكن ذنوبى تجعلنى
انسان.
ضفر رموش عينك
فكل الرؤي
تختفى
محتاج تبعتر عمرك
الماضى ..
وتبعد .
لجل اكتمال المية
جسد
فتتحاسب بعرض
الكيلو متر
خطايا ..
.
خليك ف حالك
كلهن بقربوا
لجل التماس البركه
من جسمى..
الفرق بينى وبينك
التبشير.
فأنا الصراط
وكلهن المدد.
(سايس حصانك ع القنا
وتعالى)
مش قد توب الانبيا
اهرب بقى
وماتفتكرش ان
الجراح بتربى
ربى انا مشكاة
قوم اخفقوا التمييز
..
برواز جنابك يمتطى
حيطة الجيران
يا خساره مرايات
الحقيقه تحطمت
قم للصلاة .
ف كل عمرك
ركعتين.؟
تضمن منين؟
يا مبتلى
انا اصطلى
واشم رائحة القلوب
الطيبه
اخشع بقى .
واتركنى اكمل
اخر التدابير
السر ف التكوير
والعظمه ف النجمات
ذلل
..
بللت عينى بطرفة
 المنديل
دمعى حرق كل
الخطايا
لا اعترف انى
قتلت .
ولاكن تولت .
وبقيت الارواح
تنادى
يا....
كنتك انا
وليس غير.....
.....

ماذا اقول
وانا الملثم من بقايا
الريح
التمس الحجر
اتعثر.
تلك تدابير القمر
..
كانت تداعبنى
كقطع الليل
ف الفنجان
وكنت .. ثملا
لا ادرى كم المرهقات
من البعاد.
تلك تدابير القمر
ها انت تقف .
وهنالك النجمات
 تذرف
من عيونك يا فتى
(ماتصدقيش انى وحيد
ف انتظارك)
وقفلت قلبى ع الالم
ومشيت
..
خايف لا ترجع سكتك
زحمات
على ترانيم.
قابل بقى
..😂😂😂
بلت خلاخيلها
وهى بتشتهى
الخطوات على الميه
رشرشت قلبى
ف سدرها
ضحكت لقا
وانا كنت متوضى
حنين
..
يا ملتقى الساعتين
هزار
وقت النهار
ما يخضنى
...
كان فيها ايه لو كنت
يومها حضنتنى.
(طعم البيوت)
والعنكبوت
ورسمت قلبى
ف ضل شجرة
توت
..
لا تستحى
قرب ...
دانا روحت واخد
منها على غفلات
قبل..
حط الخريف
جناحاته قش
وقش كل الضحكتين.
حد ان رمانى
ع الجبل
كالطير وقت ما يندبح
حسى اتنبح
وانا بانده الصبح
يساعدنى
..
(ماتت بمحراب عينيك
ابتهالاتى)
والذنب مالك يوم
ما عدت
ساعدنى مش قادر
(وماكنتش اعرف
ان الفراق قادر)
يخلصنى .
سامحنى انا مسامح
وقت اللقا جارح
ليه نجلب امبارح
علشان نموت حزنا
بكره ان بقاله نصيب
جايز ..يكون صايب
ياقلبنا الصايم
وقت الفطار ..
قرب

اخرج
من زجاجات صمتك
وافرغ.
لا وقت اشارات ..
هل كنتم يا احفاد
القلعه
تستسقون الداء؟
اليوم عليكم
مر
وغدا ..
يعزف ذكراه
خد لك ساتر
قد هاج وثار عليك
وهدأ
تلك انامله ترتعش
اصل الطيبه ف دم
الحال
توبه ورجعه
كانت بينا الايام
الجدعه
وكنا بنحضن بعض
شوفت الرد..؟
(يا صاحبى السجن)
(صبرا فإن موعدكم الجنه)
مش كل الناس
ولا حتى البر يسابق الريح
لازم مدابيح.
قرابين .
لازم نرشى
لجل نعيش
ماتشككش ف قدرات
الخالق.
وبنتسابق
تحت مظلات التدابير
كنت تمارس خطر
الاستعداد.
الموت ب معاد
طعم الاحلام بقى
مر .
والصبر امر
ولكن
نحتاج رصاصات الرحمه
نحتاج قصاصات الاجساد
..
بانارات ..
عفاريت ..
والحزن على الاوثان
يتلاشى..
شرفت معالى الحضره
وهربت ..
استسمحكم رفقائى
قد قتلوا..
قبل الاكل وبعده
(هى اشياء لا تشترى)
جئت طبيبا
وكاريزما
عمت كل الارض
الحمى
(انى اغرق .اغرق
اغرق)
اتلاشى
واطير
هى للغير ..هى للغير
تلك عباراتى الملعونه
لن نقبل اشياء اخرى
سخره سخره
حتى الفجر
دب الصوت الحى
ينادى
لم اسمعه ..
انا ف القبر
يا كل قصاصات العمر
هل تسمعنى
كهل ينادى فأر عجوز
يا ع التكشيره اما تعوز
تفرش كل الارض
تروس
نم قليلا
انبطح
تلك الغرام المستباح
تكفينا حواديت العيال
العشمانين
سلف...
والله ان حلفت على
الحجر
ما مصدقك
لاكنى ماقدرش
اسرقك
غرق غرق
مات اللى مات
ولا انحرق
الله على كل الرؤس
شهيد...........
......

قطعتين من كفى
تكفى الوجنات..
هكذا نحلم
بالرومانسيه.
فتغمض عينك
احسن
لجل ماتبكيش.
وتحاول تقدر تتكلم
وعينيك ماتشوفش
الا ....
طعم سنين العمر
ف بقك
وانا مستنى
يمكن تبلع
بس الجوف مش قابل
طب نتقابل؟
كل حيطان الدنيا
معانده
وانا مش فاكرك
وانت مسامح
زى ماكنت عارفنى
امبارح
خارت كل قوانا سويا
لم نتمالك حتى
الجملات العفويه
صارت تبكى
وانا من حقى امارس
كل طقوسي الحره
كانت حلم لكل العالم
لكن صار الحلم
محدد
يا اول ايامى القصوى
الموت على كل الماره
تعبا تعبا
لا تتردد
فلتستبقى
وانا ثملا
كل اناس العالم
ركعوا
لطواعية الامر
الاعظم
هى تردينا ارضا ارضا
هى تبكينا فرضا فرضا
وملائكه الله تتجول
بين فرادى مهلا مهلا
كنت وقبل ميلاد
الافعى
التمس الاحوال
لتسعى
شقت بطن الحوت
وتجلت
جوه الغار
..
جاء الرب يعالج
تدابير الانفار.
كتبى ..
وذاكرتى المؤوده
سئلت
عايش؟..
لسه بخير
بيراعى الاشواق
بضمير..
(جئت اليكم ..
وانا واقف على قدمين ثابتتين)
فذت كل دموع الثكلى
كى تتمزق
واحد ::اتنين
كوره وماتش
بدون اجوان
تأتى محاصرة الاركان
كى تتغزل
ف البناويت
نفسك لسه بتهرى
ف نفسك
اه يا متعجل
لا تتعلم
وبينا وبينكو سور
ورا سور
حقيقه لا يعلمها
الا هو..
وتمر الايام ممزقه
هى تستعلم
عما يدمر ف الاغوار
تلك رومانسيات
العشق الابدى
فقطعتين من كفى
ابسط ..

حلم
وبقيه
وعشقنا    كم الممكنات
حد اما مات
يا ليتنى
وبموجب التحريك
كنت بقيت
ويح الزمان
يبيدنى
مثل ال....
بكره اما كنت باكلمه
من بين سلوك الذكريات
كان بيواسينى ان الفراق
قرب يموت
لكن بفعل الصوت
ضحك
..
شهقات فرادى
واعتذر
...
وقرأت كفى
علنى يوم اعتبر
فوجدت كفى
يحتضر..
منحوك يا قلب الطبيب
جرعة شراب
ف سكرت
حد اللخبطه
يااه ع العبط
لما يدوق الافترا
والقلبه تصبح فرض...
من قد ايه الارض
باكيه ع العيال الطيبين
لما يموتوا
فشنك...
(المجد للشيطان معبود الرياح
من قال   لا  فى وجه من قالوا
نعم)
...
خدعوك ..جايز
ف هل الخديعة تستبيح
ترك الصلاه
سحقا لمن سحق الطبيعه
الممكنه
دهن الهوا اكسيد
...
اتنفسك ..
واخاف
تخرج وترجعلى غريب.
شايب بيحضن ف الامل
عيل صغير
جايب ف ايده العيله
وضحكوا سوا..
واراك تعصرنى
اموت م الضحك ...
فيه حد ياخد م الشقايق
زاد؟
فايت زمانه مات
وانا فوت من كام ١٠٠زمن
وجريت
ولحد حضن البيت
بكيت
ويسألونك ع الحيطان
قول الامومه تموت.
 من بعد دمعات
الحجر
....
الليل بيحبل كل يوم ف الفجر
ينزل قيصرى ناقص معاد
العسره تتلون ميلاد
لجل النهار المنتظر
مايهل ناقص كام دقيقه
ف تختلف شكل الحقيقه
ولون صفار الشمس يبهت
الضهر اسود
العصر ملحد
اما بقايا المغربيه
كوم تراب
...
قم للصلاة فكلهن دواء
جمع خمس سجدات
ف حاصل ضرب
ذاتك
تلقى روحك تنتشي
وتنزل على الارضيه
ذكر..
هاتعتبر..؟
لحظات تمر
ترد
فيك
مابين عاصى
وتاب
وبين العكس
لجل الحياه
ماتكتمل
طقس وعباده
ماتشوفش غير الله
ف كل مافيك
وتكهربك
شهقات قوم قد فنوا
خلف المجرات العلا
علا من علا
وسقانى من خفقات
قلبى
المسكرات من العذاب
لا احتمل
انا لا ارى
قد ذاب جسدى ف السموات
العلا
لا ابتغى
غير  الثماله
....
اشكر
جسد
وقت الخلاص......

لم نعد بحاجه
الى تلك.
وتلك.
وحتى تلك....
ها هنا كنا
حيث ال...
وال...
ودموع المرات
تلاحقنا ابتعاد..
على زى ما لسه
بنحلم
اوقات بنمل
طعم الحب بيوت
مقفوله
على حيطانها
بتفكر تفتح..
وتخاف
على قد ما لون الفرح.
شفاف
على قد الضحكة بتتشاقى
بألوان الطيف.
ماهو اصله خريف
معكوك ببقايا الصيف
على حبة شتا
جايين.
غمست سواد السما
كحيت
عسل الايام
مر الباقى من الباقى
بنستناه.
ونموت.
تكعيبة القوت
كاروهات..
والجوع ملبوس
على وش الصبح
بدون طقات..
هل تعلم أن
التعلب فات
وف ديله احبال.
شبكت ايديا عيال
حلوين..
وجنينه كبيره.
وصحرا بتبلع كل
بنات الحور.
فاكهة .. وقمر
اقطف .
معرفش
اعصابى تخونى
ويلحقنى شوك
 الصبار
انهار ..
ياما كنت ممل
اما طلبت التفكير
ف الذات..
وفارقت ولاد
وبنات
ملعوب السبعه سبات
على طاولة عيش
كانت ايام نجم
الشباك.
الله .. الذات
فى قلب الذات
من فوق السبعه
ولا ادرى
من تحت الارض
ولا اجرى
على قد الطيبه
وراحة البال
..
اعبد من لا شريك له
ما كان له
ما بقى له
من اجل فناء الاشياء
العشق هواء
والطمس دواء
تاخذنى اليك الاشلاء
واذوب..
قد كان جريحا
ينزف من قبح خطاياه
وطاب
استطعم مسكا
يسكرنى
..
ف قريبا جدا
حتما القاك
متى شئت.
(انا مهما كبرت صغير
انا مهما عليت مش فوق)
فوقت .
لقتنى
ها هنا كنا
حيث الاغراض العفويه
بتحضن ..
انسان.....

عينى رأت ف
الضلمايات
حبات ندا
تبشيرة الفجر
الجديد
قلبى فرط عناقيده
دم على الجسد
ف سكرت لحظات..
ورأيت كل الموبقات
كالذئب ترعى
بين غنم.
عجب عجب
لا تستحى من قبح
ليل فاته القمر
قل للسموات العلا
ان تسترح
لا تنتظر دمع السحاب
المنهمر...
..
صبحت عينى بالوطن
كان السجود ارضا
بطش
لاسفلت حاضن دمعته
خايف يفرط
م العطش
...
ولدى اليك رسائل
القبط العتيقه
لاتقترب
ف الموت اقرب
للحياه.
كل الجراحات
عميقه..
ورخيصه يا ضحكة
وليد
لساه مايعرفش العتاب
(انا من تراب)
متعفره الجنبات
ذلل
ليه كل مانفارق
خطيئه
يملانا كم من العلل
عجل عجل
لا مستقر للامل
ف صبيحة اليوم
الجديد
مكتوبة بالبنط العريض
هل من مفيد؟
لا من جديد.

دامت لنا
تلك الحياه
وبدأت ابعتر جتتى
قولت استقر..
ساعتين بتمدغنى
سنين المعيله
اكبر يالا
..
حنه وفرح وسط
البنات
رقص السبات
من طلتك
عينى رأت خلخال
وبس ماكملتش
تلك الحياه يا مستفذ
الروح
وطاير ف السما
وكأنما كنتك ف فتره
وكنتى واحد
لما بيت الطين
وراح غطانا كومة
عضم
توأم .. وذكرى
لسه فاكره
لما قولنا ان بكره
هايبقى ابن امبارح
وانا قولتلك يفرق
كتير...
بكى .
وسط الحيطان الاربعه
وتذكرت يوم انها
كانت معاه
مش بس قد الكون حياه
طلت عليه .
بتحبنى .؟
دمع .
ونام.
اصل السكوت
ف الوقت دا زى
الكلام
.....

وسط سكوت الليل
واحات
ملو العين مرايات
تعكس كل مرارة اليوم
ف الالبوم
كل الصور اتاخدت
كذبا
لما ضحكت على الايام
قولت بكام؟
ولا تستاهل
اصل الساهل نام وارتاح
عل المانع خير
سوف اسافر برهه
فلا تحجزوا البسبور
ربما انقذ احلامكم
بتذكرتين ذهاب واياب
تابت من كانت بالامس
ضد اللمس
وباست ايدها وش وضهر
اصل المانع عله عسير
خط السير النابت من
مشاوير ايامك
خضر
واستحضر
قم بالليل وناجى
على بال ماجى واشوفك
وابكى
ركعه تدواى
كنت انا وصديقى الحاوى
نقسم كل جنيه
بجنيه
طيب جدا
انا على قد الطيبه
بذاكر
او مش فاكر
انى نسيت
تعكس ضوء الشمس
وتدمى اللمسات
انا بالذات
او من غيرى
اعبث دون الماره
وتعجز كفة ايدى
وتحزن
ماهو مش ممكن
لو مستعجل
اموت م الخوف
تلك الكائنات العلويه
وميتافزيقا لم نرها
خرت كل جبال الارض
تلبى السجده
الله كبير
وقع القلب من التفكير
وسط البير
وحداشر كوكب
منهم عشره
عقدوا العزم وفضوا
العشره
ذهب قشره
وكل قلوب الناس
اموات
الا الطيب
طيب تيجى تروح بدرى
ولا هاتجرى سنين العاده
ايوه عباده
ولا صلاة الله عليه
ممكن تعزف ايات القرآت
على مرأى ومسمع
من سجاده وسبحه
ربح البيع
وخسر التابع
تلك حدود الله
ف الغالب
تلك الساعه عما قريب
الله مجيب

ليل.
قمر.
وانتى حبيبتى
وانا .
مافاضلش غير
الكام سنه
ذكرى
وحبه بزيهم
ونكمل العشرين
..
حضنين دقايق
ونص ساعة ميلاد
اصل الولاد
مرايات قديمه
مننا..
لسه الندى بيطل
على الاسفلت
وانا لسه يدوبك
بابتدى امشى
والقلب يخشى
مر الحقائق
يستتر خلف
الضلوع
والروح كما النجمات
دموع على صفحة
سما..
قبل اما يموت
قعد الساعتين والنص
يقولى ماتبعدنيش
وانا كنت مقفل
شيش وازاز
والذكرى مالحقتش
تكرمش جنيهات
علشانه يعيش
.....
اتذوق صبار الايام
واصوم عن الزاد
علي اتواصل
(كان فاضل بس يدوب
انى البس توب .
الدنيا واتوب عنك)
لاكن معرفتش
وقعدت..
واحاول
واعافر
استلقى على الشرفات
صريع..
الكفر مذله لخلق الله
.
فتحت عينيا كأنى
ماشوفتش حاجه.
امى ياه ع الاحتياج.
الحياه ب زى ما هى
الا انا
عفرتنى سنين تراب
...

لحظه من فضلك..
..
تراجعت قليلا
..
لسه صغير
كتر خيرك
نظرات .
ولا نلتقى بعدها
ابدا.
تركيبة قلبى
على الطيبه
وما بينهم كيميا
.
حنيه ..
امى ..
وقالت لى ذات يوم
لا تشتهى الدنيا
عشق الجسد للهوى..
طعم العنا بيدوب
ف بقى اهات
يحضن لسانى
ف عتمة الحلق
ويطمن.
اعتقال.
والبدله لسه
ما أيرتش
والجسم واخد
ع الشقا
(ولا تحسبن الله بغافل)
وضحكت
..
وشوارع ملو الضحكة
بتحضن
بنت.
ولد.
وبقايا على الحيطه
من اسم..
قبل التكشيره
كلام
وعتاب.
هاتسيبنى لوحدك.
وانا قلبى معاها
ومشيت.
تلك الصفعات
على وجهى
وانا لا ارى خدى
يتألم
واراقب .
هل تدمع عينى
..
يا عم سيبك ..
دى الجته شاربه
من حفان الوجع
فوق عمرها عمرين
..
يسقط يسقط
حكم النفس على الذات
خلى الباع
يكتمل
مريض ..
واقاوم صدرى
يابن ال...
خايف من حبة دخان
وسندفن
 بعد قصير العمر
ونواجه مراياتنا
(فبصرك اليوم حديد)..
كم مره ؟
ماتعدش
ف قليل مسكر
والباقى اتابع
العقد ال...
كام؟
سبحانه يغير
..
وانك لسه على السجاده
تعافر
مش ذنبك
القبله الاولى
كانت...
وانا كنت امام
اتحرقت كام
على قلب وليد؟
(فاأنا ذاهبة لأصلى)
وحيده.
مسكين.
والبيت حزين
..
لا تضحك كثيرا فتبكى
الاخرين
..
كانت لنا.
لولا ان رأى برهان
الاخرين
ف ركع.
وشاف العدارا
ف الزيتون...
ههههههه
(فخسفنا به وبداره الارض)
ايه ذنب ولاد الفلاحين؟..
وسهرت انقب عن حقلى
لم اجد القمح.
يوسف قد مات
ولم يتبقى غير السجن
ويكبر...
جوه الاصل العتمه
بتحضن شاشة العرض
5
4
3
2
1
0
مشهد واحد واتكرر
يا خسارة الوقت..
على قد ساعات
الغربه
على قد الواحد
ما يموت ..
والروح بتخش ف كذا
واحد
ماتخافش .
هاتعيش.
الروح
والطين للدود.....
.......
....
...
..
.