كان نفسى 
اكون 
واحد 
من الايام.
وبقيت
..
وانا اللى
ماصومتش
ولا صليت
بكيت
ف اول
ركعتين...
...
دا العشق
مش انك
تحب
وبس
العشق انك
ماتمتلكش
غير روح
وحبة ورق
العشق دا
القلق اللذيذ....
....
حبيت يا ناس
سبحه
وركعتين
اخوات..
وصورة للقديس
معرفش مين؟
واحد
أمين
فرق البحر
وسلم على
البر التانى
..
يارب انا مش
انانى
وبفترق ع السكه
كام لقا
وكام نظره.
شوفت القمر
عقلى الصغير
شت
ماستحملش
وسمعت كام
معلش
اصل البعيد
مجذوب

فرقت قلبى
كام 
زقاق
لجل اللى 
حبوا جديد
ولما لميته..
لقيت.
قلوب كتير
لابسين
دبل.

حاولت ابكى
خدى نشف
دمعتى.
قلبى الصغير
شاب وفارق
دنيتى..
مابقيتش اهرب
م الحقايق
والظنون.
كل اللى حواليا
يا
خان
يا
لسه
بيجرب يخون.
محتار مابين
لاتنين
واخرى
حيطه سد
اصل البدايه
عيون تطمن
مش عيون..
وانا ياللى
كنت حضنت
ناس
وشوفتها
اتارينى حاضن
كدبه
واستحملتها..
كانت بتبعد
عنى
وانا
صدقتها
...

بقيت 
باتمنى كل 
نهار 
اشوف ضحكتها
ماليه الوش
ع الفنجان
واقول يارب
القى صورتها
ف الجرنان
بتحضن فيا
زى زمان
اعدى الصبح
على بيتها
كما هو
لاكن مش ناقصه
غير .
تيجى ويفتح
قلبها
الشباك..
ما كنا هناك
وملو ايدينا
كام
نحلم
على
نكمل
على
نكبر.
مافيش قدامنا
غير نصبر
مع الكراريس
يارب انا
انا كنت بارسمها
على السبوره
لجل مانفترقش
كتير..
تدور بينا الحياه
مواتير
...
وتاخد منها
ضفايرها
وتاخدنى
لكام
غيرها.
يدوبك قربت
صدفه.
لقينا الدنيا
من غيرها...

كم كانت
تلك الليله.!
حسناء
تلك. 
والجدران 
لا تستحى.
تراودنى كلما
اشتقت .
صغيرٌ قلب
الماره.…
تروق الىَّ
حبيبتي.
اتحرَق
ما بين
الكرمة والتيه.
واعانق اغصان
الزيتون.
اه
اوآه
قلبي يفتقر
الى سعة التخزين.
مسكين. .
حواء ..
السكن
الملاذ
الملجأ.… .
…
واتوب اليه
وارجع
واتوب اليه
وارجع.
واتوب
بلا رجعه.
لقد هرمنا
من اجل تلك
الليله.
حسناء
والشيخ
في جوف
الحجره
والباقي
علي حسب
الطاقه…
اتمنى ليلة قدر
سعيده..
لتسجد الملائكة
بجوارى…..
… ......

رفقا ..
احتاج الى
نرجسيتى.
وتنورة الطفوله
من صديقتى. 
وعبث الاحلام
فى الصغر..
احتاج الى
مشجب
ومعطف.
وحجره خاويه
وبعض لفائف
كليوباترا.
وابتدع شتاء.
تؤرقنى راحه
كف الصقيع..
ولا جدوى.
تدمع عيناى
فاأنا الان
ارقد حيث
ترقد روايتي
المفضله.

(شوق الدرويش)
….
امى
لم تعد الغرفه
كالغرفه.
فاأنا انتي.
وان وافتك
المنيه

يارب 
طالب م البشر
واحد
وم القلوب 
ياما
يارب لو زقه
ف حجر الحظ
على بوسة
فرح
وقيراط رضا
وخدود ماتلمحش
الدموع
…
قالت هل عصيت
؟
قلت
وهل من
عاصى ف حضن
الضحى..
الفجر منى منتظر
شهقة لقا..
انا من تراب..
لا استقى من ماء
قبل البسمله.
حتي اذا جاء
المخاض.
ميلاد روحي
بعدما عز الفراق
للجسد.
الحمد لله الذي
خلق العذاب
لنشتهى الراحه
..
ايه ذنبى انه
لم يطع.
؟
بادفع ضريبه
انه مش قابل
سجود..
رافض وجودى
للحياه.
حوا وادم
لما كان عقد الشرا
جاهز
دفعوا للشجره
خلو
وسابوا
جنات النعيم
……… .
..
كل اما باستغفر
بادهن جدار التوبه
بوية ذكر
درويش ولا أدري
كام لفه ف
التنوره
ترديني وليد؟
كام سبحه تغسلنى؟
كام ركعه ف جيوب
الزمن متعانه؟
… ………
وكبرت ياربي
وماحسيت
طفل بكى
شاب اتاه العجز
ف الترحال
اسما انا
شيال
وجسمى من كتر
الحمول اختفى..
عذرا سنين
الجفا.
الصبر فرجه
قريب

مولاي وروحي
في يده
قد ضيعها تربت
يده. 
هانت عشرات 
ثم بكت
بدموع الؤلؤ
تذرفه.
قد حانت لانت
للتو.
ليلتها كانت تتحمم
ان وقع المحظور
فا إلزم..
غض القلب !
معذور .
والقلب يسوع🤑
مش ملكك.
لا .
ملك الارض
تناجيها.
تاهت فيها.
وأنا
مابين
ال كاف والنون
..
لازلت حنون
ولا أعرف فن
التبعيض
كل اناث الارض
سواء.
جسدى قبلته
غار. .
(وفار التنور)
..
الغسل ينادينى.
واذان المغرب
قد حان.
لاكن الصائم
لا يهتم…
والفجر على
دقات الباب.
وتتوالى
الاحداث.
واحبك.
انتظرك.
كي انعم.…

ضلعين
وشرخ قديم
على برواز 
واسمى اللى
ما غيروش الزمن
فيزا
العمر لو كام عمر
يكتب على تجاعيد
الزمان
باحبى
امى اللى كانت
معلمانى الشيب
ونس
راحت
كنست جراحى
ف عبها
والقبر داق بينا
غمضت عينى
ع الوجع
ماستحملتش
وفردت ايدى
ومستسلم
وانا ف بلاد
الميتين
باصرخ
دوخت
مافيش قمر
ع الباب
ولا حلم
دق كعابه
ف طريقى
كتر العرق
ع الجبين
غير دهان
الوش
انا قولت ١٠٠
معلش
ف القرشين
ورغيف عصاه
الزمن
من كسرته
رغيفين
وبيضه
على البنات
بلدى يا حتة
سكرة بنجر
حجرين
وعجز كل واحد
منهم
مالقاش سند
هو المنجد
مات
ولا قلة المحصول
بطول التيله
شر البليه
ع المره
بيجيب
حصاوى ف
الضهور
لسه علينا
الدور نسافر
وننحنى للقدر
ما انحنينا
واللى كان مبتلى
صبح كما ايوب
بعد العفا
مانابوهش
غير تقصيرة
الضفيرتين
عجزى عليك يازمن
يا مكور الافراح
بشوك
وانا لو صحيت
حالف لا زيَّن
شمعتى
بالتين والزيتون
واضحك على سن
العجز
اصل الجاى
بيعاود الكارات

كان فيه
زمان
ما بين.
قلبين
صغيرين.
حلمين ونونو
لسه
وبيت قديم
صغير
يساع لعب
كتير
وجنينه تدور
تدور
ضليله دفا ونور..
كان فيه زمان
ملايكه
وسحاب من غير
حساب
وقمر بألف باب
ونجوم دهب
تنور
فراشات ف حضن
كتاب..
كان فيه زمان
.
.
.
زمان...

وانا الوليد
من بين
عتم 
ضلمه على
الحيطه
مسكين ..
وهز الودع
ماشافوش
فتحت عينى
الننى خد نَفَسه
صبح الصباح
فرش الخدود
شمسات.
اشبع بدمعات
الفراق
من غير وداع
الكفتين.
لو كان ف يوم
ادم
رآنى ف المنام
كان انتفض
..
يارب انا بعد اللقا..
حواء وشجرة التفاح
وثالثهم الشيطان
غووا اللى كان
اصلا
وليد
زوجين
طين
وروح
..
هل من وحيد
بيعاود الكاره؟.
انا ..
وليد
حيطان البيت
وباب
اوضتى..
الناى بعيد
والساقيه نشفت
والعصارى بتنتظر
مطره
لجل الحَبَل ف المغربيه
بنت سبعه
والعشا إخوات...
يارب ليه القمر
من بين
سبع سموات
يضحك على الميه
ويشدها بصابعه..
هزيت فروع الهوا
نزل النسيم
ع الارض يسجد
وخلص الصلوات
بحلقة ذكر
من كتر تطويحته
هز البيوت البكر
حَبِّلها جدار
ناشف.
يفنى السنين
ويحطها ف باطه
...
يا مَعجَل الايام
قوام السكه
بتخَلَص
ملكين ف اخر
الطريق
برئ والحبسه
فردانى
ف سجن القبر
لابس ملابس
لاحتياطى
وانا على ذمة
التحقيق
مستنى حكم
الرب
ببراءتى
...

هنا كانت
ولسه سريرها
بيسلم على 
الاحلام
خلاص العمر 
فات من كام...؟
وهى الان .
مابين الوحده
والملكين
وكانوا اتنين
على الجته
مابين عمرٌ
وبين سماء..
ك ذات مساء
لم يثبت ذكورة
قمرُه
والنجماتُ لم يعثرن
على هَدىٍ.
وتفضل بين سواد
الليل و بدء نهار
على سريرها.
سلام الله على
الفاضى
وهى تنام
بدون الحلم

انسان 
وكان همى 
معيشتى
وبس
لمحت عود
مركون على
الحيطه
بينى وبينك
ياغريب الحال
قلبى عزف ..
قبل ايدى..
سيدى ياسيدى
ع اللى صاروا
اتنين
والحيط دَمَعْ
لفرقة الصاحب.

وباشوف عيونك
هربانين منى.
محتاره بيننا
بتحضن المسافات
لون السما الننى
وانا اكمنى
ممطوحانى سكتك
باضعف..
ويامين ياناس
يعرف يتوه
عنها.
دلونى على واحد
يدوب يعرف.
يدلنى ..
اشتاق.

عنك.
انا .
شايل خطاوى
ماعشتهاش.
لما العينين
بتشوف حاجات.
ماشفتهاش.
وايديك بتلمس
كفتى
تعرفنى؟
لأ
بس اللى بيننا
اكتر
من اتنين عرفوا
بعض.
وانا ياللى شوفتك
من بواقى
الحلم.
ورده .
ف حضن
كتاب.
حسيت معاك
بأول حضن
ماشوفتهوش.
من بين وشوش
الناس
وشوش
لاكن انت
ابدا .
مش زيهم...

..وقت اما نتلاقى
هانسكت.؟
ولا نتكلم بجد.؟
محتار انا
بينى وبينى
الف شد وشد.
عديت ساعات
عدت
وانا
مالمحتهاش.

ميلاد ....
وتلك الطفوله
وذاك الشباب
وهمسة عتاب
بجملة حنين 
على كام موده
وكام وقت عادى
وحبة سكات
و سكة بعاد
قابلتك قابلتك
قابلت الوشوش
وكام وش علم
وكام كان فاشوش
وناس طيبين
حلمت انى مره
ف ليل اخره زين
وليل نصه طين
ووشى الحزين
ووشى البشوش
وغابه مافيها
مجرد وحوش
وجنه وناسها
مجرد ماجوش
وتوهه ف معالم
وقلبى اللى هايم
اغيب عنه لاكن
اغيب مانساهوش
ياحضره يا خضره
ياسبحه يا بكره
وكام ركعه طاهره
لرب العباد
يشدوا البعاد
ترى هل هاكمل
لربع الطريق؟
ترى لو هاكمل
هاكمل برئ
ارد بسذاجه
يا وسط الرفاجه
يا وحدى مجرد
دا كان
ال.......