طوف الزمن
اوجاع
سف الحنين 
بيجر.
شف القديم
بيمر.
اصل الميلاد
راحه.
وقت الممات
زحمه.
ضم القبور
ضلمه
طب يبقى
بالذمه
للدنيا كام لازمه؟
......
خد البنات
خدام
ل عيون
مابتخونشى
نازله دموعهم
زيت
يضويله كام
ضحكه.
داير حمام ع البيت
بيرفرف السكه
يطوى الفرح
بالايد ويبعتره
فكه.
سايق عليك
النبى
تعذر ولا تلومش
مجذوب صعيب
الحال
والدال على حاله
حب النبى للنبى
ولا سأله على
ماله.
يامه سواد القلب
عاجز وعكازه
نظره يامين
يدرى
...
ريس ولد سيده
والمركبه
للغير
دى الاوله
جاره
والتانيه
حاره
والتالته
دبدوب
راجع ف خط
السير..
وجع القلوب
ايوب كالمبتلى
بالصبر..
يا ماكتر التعابير
ذادت عذابى
جمر....
الليله ف الوحده
ضمه بلا ملكين
وقت الحساب
ماجوش
واللمه زمة
كام ملامحتا
طيب على
مغشوش
عيش انغمس
ف الملح
ريقه نشف
سرعان وما
بتنكشف
كل الحقيقه
فاشوش
......
حبيت يا ناس
والتوت شهد
على عقد الحنان
لما العنب كان
بذرة الرمان
يالله النصيب
ما بيد ملك
الجان
اصل اللقا حضنه
الفراق
وما نجى...
طول ما النوايه
حجر
التمر بيعجز
ملعون ابو الشيبه
وحنية الاكتاف
دخلتها مفلس
وهاسيبها لمس
كتاف
. .......

احضن عينين 
القمر 
وهز اليك 
بجذع السموات
تتساقط عليك
نجمات الليل
..
امطار معدودات
ارتشف انا
وصديقتى
تلك البارحه.
لم اعهد ان
اعشق فنجان
القهوه.
وارى حوانيت
البن
مغلقه للإيجار.
(ف حبيبة قلبك
ياولدى)
نائمة فى قلب
العبد.
تلك الليلات
الوتريه
واهيم على
سجاجيد
المسجد
علك تؤمن يوما.
كيف وغيرك
حى يرزق .؟.
اللحيه . والقلب
توأمان
اشرح صدرك يا أخى
بوجود الله.
اخرج خلف مجرات
الذكر
وتحرك
سرك لا يعلمه
الا الشيخ
( وقضى ربك الا تعبدوا
الا اياه)
يا الله
كيف تحرك ف احشاء
العبد
حياه؟
انا من
هو
و
هو
فى
هو يعلم سرى
وهو يخفيه.
خمسون حياه
ووجوه اشبه
بالايات..
نعم .
وكفى

لا ...
لا ....
واختر من بين
الاقواس
زمن الفرح 
انداس.
زى ما 100
ترباس
اتحطوا على
الابواب
صدق نفسك
حين وعدت
وصدق رسول الله
ياولداه
لسه ال جاى
مرير
حد يصدق
تعلب..تاه؟
تفرح جد؟
جد وجد
زرع القادم
حى
ولو بعد
التقطيف
حان اوان
الطيف
كل الضحك كابوس
حلم العاشق
بوس
الارض الطاهره
شوفت الزهره؟
جوه وبره
غربه وعك دماغ
الكل
زى الفل
الضل الابيض
ع الدواليب
حابسه هدوم
العيد
خلف القضبان
حر الصيف
بيزيد
لسه يزيد
حاطط راس
سيدنا وبيهزر
شوفت المنظر
جوه مقام الطاهره
يا رب
كل بناتك ضلوا
الدرب
مابين جنبين
زف الينا ياساده
اليوم
ان البدله لسه
بشوكها
لسه مقاسها
كبير ..
لسه الوضع
خطير
لسه الوش العيره
مادابش.
قلب العاشق
بين الدبش .
لسه الجرح
بينزف شوك.
طين معكوك
والمنظر دم..
ياما جراب الحيط
بيلم.
ياما الحيط محتاج
تشريط
لسه عبيط؟

ومن الليل 
قطعه 
ومن سكون الفجر 
ارتشف .
ها هنا 
حبيبتى
على اعتاب
النهار
والضهر واقف
ضل صهده
حبيس ..
ابليس .
يا من توعدت
البشر
لا تعتذر
كل الاناس
فى انتظار ال مرحبا
منك.
المجد للانسان
معبود الطريق
من قال لا
فى نور وجه
الاولياء.
نحن
من صنع الحياة
على عجل
حتى الاجل
يسخر من السعى
الصغير.
ولابد عن يوم معجون
ب قرص الشمس
وقطع من القمر
ها نحن لا حيلة لنا
الا الانتظار
كى نرتشف
الخليط....

الى الناى 
الخدود
يطرح دموع 
الى الصوت اللى 
مش مسموع ..
الى اللى جاى
مايعرفنيش
انا الدرويش
بدون الحضره
والخضره
وجلاليب السما
السابعه
انا اللى حلفت
ع الرابعه
ماصدقونيش
تخونكم هدمتى
البيضا
من الروضه لحد
الشيب
تخونكوا جيوبكم
الفاضيه
وانا باحاسب
على المشاريب
ياناس بقى
عيب
تفوتونى
دا كس ام اللى
عرفونى
وماعزونيش
ف نتف الريش
خلاص ميت وراح
حاله
نشوف غيره
وماشوفتونيش
يا خرقة خيش
يا خلق اتربى
على التهبيش
وخطف العيش
خلاص سايب
دواليبكم
خلاص هانسى
اللى شيلته زمان
عشان ويلكم
ماتتعبونيش
انا مرتاح..

ياما كنت
نفسى ...
😏
بس اما كنا 
زمان..
ياما كنت
نفسى كتير..
بس ال كتير
محدود..
ياما كان نصيبى
موت
بس ال وقف
قوتى
بس ال وقف
صوتى
عيطت فرحوا
بى.
وكبرت على
عيبى.
ياما نفسى
كنت احلم
واحلم وماصحاشى
بس الاجل
ماشى
شوفته ف عباية
امى
على فرشة
الموته
ايوبه يا توته
والصبر
كفاكى
ياما نفسى
اكون باكى
واغسل خدود
همى
وانشرها على
ليلى
تصلب عيدان
حيلى
واتشد
مارخاشى
يامه العجل
ماشى
واحنا العجل
راكبين
ياما نفسى
ف المجانين
على عيشة
قرديحى
على شلتين
دراويش
على لقمتين
العيش
على ركعتين
الفرض
دنيا كده ع القد
والقد بال زوفه
والزوفه ملفوفه
على لحمة الفخده
فخده
ولا شبعت
ضاقت وما وسعت
بعدت ولا ضاقت
يالله البقاء لله
ولسه ما ماتت
يالله السنين
فاتت
مديت ايدينى
لقيت
جابت
عنب
وفتحت ايدى لقيت
عجب العجب
فاضيه
وراضيه
وماضيه
ولا شافت

يا كل حاجه 
متعبه
حتى السنين 
متغربه
ازاى ياخطوه 
مكمله
والشوك بدال
الطبطبه
عدى عليا الحلو
ماشوفتوش
كل اللى شوفته
الكرمشات فوق
الوشوش
يا رحله فيها
مرغمين
المر فيها
بالسنين
واهمين براحة
نفسنا
والراحه فينا
متعبه

وجع الضلوع
م البرد
والكفتين بيقابلوا
بعض
ف حضن اول مره
بعد ابتعاد.
القلب واقف من زمان
مستنى جرافيتى
لصوره حبيب كان..
على نفس نفس
الترابيزات
لسه الدقايق
ممكنه من بين
عيون وش قهوه
ساعة صبح..
ليه لسه عندك
مابيعرفوش
يعنى ايه الحب؟
بين الطموح والحب
شارع
والفراق
حلم
..

خطين ب جرة قلم
والاسم ع الورقه
تفرق كتير
حلمى وحلمك
صدى صوتى
بس
هو اللى ممكن نسمعه
انت وجوايا البعيد..
مبروك عليك البوست
وال كام شير
كومنت فارق بين
صفح ياما
يوم انتظار الطيبين
ضحكه
نظره ومدد
للفريندات التى
حطوا ابتسامتهم
عبث..
الصبح والضهريه
والعصر وقت الارتحال
بين الصناديق التى
تثبت ميعاد الانصراف
(عراف وداير انا
باوشوش الاصداف)
خايف يكون وش
اللى جاى حزين..
الله على طعم
القمر مع
التحويجه وشويه
مطر .
انا دوقت منه
والبواقى خدها
ناس تانيين
مديت ايديا اطلب
كماله
لقيت محلات الليالى
شطبت.
ساعة دموع .
ان البنيه
مش هتاخد معلقه.
الله بقى .
اشمعنى كل البنوتات.
الاسئله بتجرجرك
للفجر
صلى ركعتين واقعين
من السجاده.
وابدأ صباح
الخير

نحن.
لا نعلم.
فقط نترك العنان
ل.خيالات المؤامره.
تلك التى كانت
وكان.
اسألوا كل اللاجئين
كيف كنتم؟
نفس النفس
تتبعها نفس
يتبعها خزى
يتبعه بلاهه.
تلك متاهه
ماتلك الآهه
؟؟؟؟
لا ندرى
....
ذاك العالم
اجمع ان يجمع
فتجمع على
نفقات الذات..
ولا ندرى كم
اللذات
....
تلك حقيقتكم
يا ساده..
ف وراء عظيم
خنثى
ووراء الخنثى
يجتمع الصبيه
وتبدأ حالات نكاح
اليد.
للغد وعدنا
نعبث بالأمس
يمارس آمال
الغد .
كم كانت
تلك .
وتلك.
وتلك.
كم كانت تعترش
العرش
قطيع ركام
الارض
كم كنا نستورد
واليوم نموت
انقطعت كل السبل
الى الياقوت.
وتبقى
اشلاء الاصوات.
هل تعلم ان
حدود اليوم ممزقه
لكن هيهات..
العهد قديم جدا
يا جدى
مثنى وثلاث ورباع
ليجدد كل امام
قبل المائه.
الاحمر
والاسود
والنجمه
والطلسم
والطائر اخر
من يعلم.
القس على جدران
الحائط
يتحسس
لا يسمع صوت
الشاب
اذا.
من يهرب من محبسه
ليقتل كل رؤوس
الدابه؟
من؟
لا اجابه...

اصمت كما
الاسفلت
واسمع خطاوى 
الناس
كما حملت الهم
كما كان
صغرى
اصمت كالشوارع
الف عام
او يزيد
يا ما عدى عليا
مطر
ياما البشر
جريوا
اخرى نظره
للقدم
اصرخ
ومعرفشى
ولم يسمعنى
حد.
اثبت مكانى
وفوق اشوف
الانتظار
نار ثم نار
ثم
نار..
هنا يرقد
على الدكه
هنا مستنظر
الفكه
هنا فاتح
بلاد عكا
وماتحركش..
ماشوفتش حد
ياصاحبى
كبر مابركش
يا حول الله
على الدنيا
كفوف
ولكن كفها
حنه
بحب الناس
ولكن هما
لم يدروا
ولم اسرى ف
شرايينهم
يارب القله
معذوره
ماعرفوشى...
....

البعد .
ضرير.
والحلم ف وادى 
الضلمه 
بعيد.
وانا .
شيشت حيط الامل
شباكه مافتحشى.
روحت ليل
والنهار قاسى
وانا .
مافيش فرح
كل الدموع
نازله بتنزف
ذكريات.
دانا
حبيت وطن
ومات.
يالله البقاء
لله.
الغربه ياولداه
عشا .
والمغربيه بهيه
بس ما بتجيش.
اه يا غموس
والعيش غريب.
طليت على الاحباب
غريب.....
سلفنى من خد البنات
فرحه
اه يا زمن.
بانده عليك
اتاريك
خارق ودان البكر
ومحبلها طين...
ياليل ياليل
يا اسى .
أسير بين العاشقين
واتنسى.
جمعات بتيجى
والف جمعه تروح.
واحنا مابين جمعات
ف قلب الذات
ملل..
بلدى اللى خدت
السيلفى علشانها
وعشقت كل الحاضرين
على شانها.
يا حبيبتى مالك.
صعبان عليا كل
خطوه وانتى
مش على وضع
حتى الغروسه
عطن والطرح
خايخ.
قالت ..
وكنت انا ف الجون
وبعد ماشاطنى
واد مجنون
وسقطت لم اعرف
غدا من أمس.
(كالذى يتخبطه الشيطان
من المس)
بس .
واهو كل الحقايق
زيف.
رمضان يا وش الخريف
والصوم يدوم
اعوام..
العيد قوام بيلم
مراجيحه.
وصبر قوم تشبهوا
ب أيوب .
لاكن سجن العزيز
قاسى .
وزليخه ع الترعه
بتستنى الفرج.
سبع عجاف يا محترم
والريق خشب .
فيضان لوادى النيل
واللوحه زيتيه.
كنا زمان ساعة عصارى
نلملم التراحيل.
لكن الرحيل مكتوب
على جبين الميلاد.
يا قلة الزاد الصعيبه
والمزاد على كل
رأس شهيد.
جرافيتى يا ممسوح
ونوح لم يأتى بالسفينه
الأم.
وكل زوجين على
الكافيه
بيقضوا باقى الوحده
ذل.
يا سيدى .
ارجوك طمعا تعشق
الناس .
وتحب طوب العرض
اصل الشرف
غالى...