وب قد الشوق
والليل
قرآن
تراتيل
ويقول الشيخ
ف اخر ربع
التزموا الصمت
مع الخلوه
خبز وملح
طعم فصيح
قد أذن للايام
يصيح
وحى
على السبات
عشق ومات
موت غزير
قد لونت اعتاب
قلبى القانيات
وقدرت اسافر
واتركك
من غير شنط
وماخدتكيش
اما براوه والنبى
الطعم يستهلكنى
اتقيأ فزع
عجبا لمن ذاق
الحقيقه
ولا عجب
القلب اكسيد
الخطيئه
وكلها شهقة نفث
اهلا بليل القاهره
عمت الصباح
طائر يغنى
وياله صوت
شجى
وحزينه يا ضحكة
حبيبتى
بدون سبب
وبدون ما اسيبلك
خطوتين
من شكوتى
اه على
بستان زهر
محبتى
الليل لك
والقمر لى
دعنى اداعب
خصلة النجمات
احاذر
يمكن ف يوم
يتحاكى قرص
الشمس
حب
و طيبين
عشره
واحلف على
 العشره
وكام ايه من
المصحف
ومين يحلف
على الختمه
غير ال عايش
بنور الفجر ..
مساكين
ولا احنا بنوزع
سوا الارزاق
وننسانا
اراكى خلفى
تتوخى الدموع
قلبا وروح
روحا وقلب
لعب ولهو
وزينة من عند
البنات
الكل بيموت
ف بعض حاجات
وبيحيي فينا السخريه
هذيان مابعده براح
تطول الامنيات
تقصر
وتعرف قد ايه
حبيت حنانك
مش دا زمانك
وقامت لجل ماتصلى
وتجلى القلب ان صدا
كفوف اذنت ك تتوضا
وتستغفر
وجدت عليه ابائك
فقط لا غير
رياء
سمعه
واللهم لا شماته
ياشيخ مزنوق
بربع نشوق
وتعطس كل جبروتك
على التربه
ماحدش يومها
يترحم عليك
اقول الحمد لله
اننى
 رأيت
فعرفت
فأمنت
لا وقت مراوغة
الاديان
ولا تعليق

(لن اشترى هذا العيد
ثيابا جديده)
ازين حقل اشيائى
بزهور الخريف
اللون الاصفر
بيحرك كل عروقى
بطول الضحك
وكيف والوجع
ف الضلمه
ضمات الحنان
يا ايها الانسان
عمت حزينا
مع سبق الاصرار
الليله مراقبه..
وكل ولاد الدنيا
عزاز
طبطب على ايامى
الحاف
واقاتل من اجل
البركه
ثمة الدال على
المفعول
يركض سعيا
يحيا الطين
وبراءة ايامى
البكر
كنا عيال بين
الحيطتين
هى بهيه وكنت
يس
كنت حزين
ملت منى
وكبت على ضفايرها
القص
سالت كل دموعى
رضاعه لخد يتيم
عينى الحزن كواها
النص
امى وكانت
تحفظ سرى
حرفا حرفا
حد القبر
دى الايام
السيكوباتيه
تلك القدرات
العصبيه
تعجز فتره
اسمك...
سنك...
قرفص ف المحراب
الطاهر
ادعو الرب
يزيدنى طهاره
تلك نشارة عمرى
بتتفرفط قدامى
تلك سيجاره
وكأس خمور عده
اسكب على ايام الرده
ذكر وسجده
ضمه وشده
وفتح قريب
اعصر من دقات
توبه
الله مجيب

تلك التى....
وجبينها
وذلك الخط العربى
يعلن
بالمكتوب
ندهه
وإذن....
واسافر للملكوت
الاعلى
تكرار الجلسه
وشيز لونج
وعقارب حواليك
تلدغ زمنك..
وحكيت
انتهت اللحظه
طب كنت تكمل
دخلة قلبى على
الروح
الحلم صريح
بينفذ كل ماتتمناه
هل كانت من حقك.
لاء
ودموعى بتنزل
سامحينى
معرفتش ترد
دوَقتى كتافك
طعم البرد
مع واد مجدوب
وتغنى ....
برئ ولا تقتلنى
ارجوك
اتركنى لحد صلاة
العيد
الفجر يؤذن
الشيخ يثرثر
والشيطان فى
سبات
هل كانوا كذلك
عبدة بوذا
بيبوسوا ايد بعض
اقرأ يا ندل
ف كل الكتب السماويه
الف لام ميم
دلوقتى عرفت
وصراع الانفس
داخل نفسي
تكاد تقطع
من اوج الحرب
وانا على حافة
البرقيه
حسنا ابكى
او استبكى
عل الله يحاور
قلب العبد
ف قلب الليل
..........
كده بتسافر
ماتقوليش
وانا قافل محمولى
وفاصل شحن
قد مات الموحن
واصمت ان الله
معنا
وبرغم الجزم السوده
تلطخ ارض المسجد
يدخل بحصانه
ف داخل لاز هر
الوقت يحرر
امتعتى
تتلاشى
تتسابق نحو الاعلى
مازلت اعرى جسدى
قعطه قطعه
وهى بتلبس
حته حته
لا يمكن القاك
ف لحد الموت
الكل يموت
ولا رجعه

تناسيت قهوتى
فجاء الليل
يذكرنى..
على صفحة عيش
امبارح
والحبر غموس
اكتب مذكرات
جوفى بإتقان
السر ف جيبى
المحشى
شقاوة عمر
أعرق .
تلحقنى كفوفى
تشد جبينى
تنام.
أيام الصمت
لحد الموت
معدوده
ضحكات
اسرقها واخاف ..
وكأن الواحد
مد ايديه على
حق الغير...
يا زمن بقال
قسطت عليا
العمر
شيكات
والكاش
مدفوع من
شهقة موت
.....
وكلام منقول
على ناقص
على منقوص
اصل المواليد
انسان
ف تكامل بينه وبين
الطين
اياك تتناسى
انها حوا
وسبحانه.
خلق الانهار
ف الضهر الطين
 بتنبت ناس
(اهدنا الصراط
المستقيم)
منها واليها
ودود
 بيعانق دود
ويسلم دود
يبتلعه الحوت
يلفظه هيكل
مدفون ف تابوت
ماحدش شاف
عصا موسى
ف قلب الغار
بتتحول الى
ثعبان
وتلدغ فى قدم
صديق
تداويه الطهاره
وتعتذر...
عزيز البلده
يوسف فين؟
اكيد مسجون
بتهمة سرقة
الاصنام
وقلب النار
على النمروذ
هنا الابهار
فكل الناس
لسان مصلوب
يناجى الرب
(بأى ذنب قتلت)
بذنب لقيط
ف ايد لقطاء
(فمن كان منكم بلا
خطيئه ... فليرجمها)
او يرحمها
او يكسبها
عيشها الحاف
قرص الشمس
عيال بتخاف
بكره غلاف
يقفل على كراسة
الامس
أيا انت..
لما..
بما...
شكرا.....

كتير واقف
على أول عِتب
ف طريق
فلاش باك
ولا هانعيدوا
ومايهمش هاوقَّف
زمني ولا هاسيبه
يتخبط
أقف عندك
هنا أُربط
وقِف تفتيش
يموت الجلد
على بعضه
من التقفيش
ذنوبى أفيش
وكم المُوبقات
تُوصِد بيبان القلب
وتقَفّل ف وش التوبه
بالعافيه
يقول الشيخ
رضى الله عنه
(اهل العناية ان تولوا
سيدا..
لغدا متاعا يشترى
ويباع)
والِف الدائره
عجبا على عتبا
على أرزاقِ
وأرفعُ من على
جسدى خطيئاتى
و(هو)
يعلم بأن النفسُ
مأساتى
جرالك ايه؟
هاموت م الخوف
شطيرة قلبى
ع المكشوف
هنا الشيطان والدنيا
ونفسى والهوى
جاءوا
ياريت تسترجل
المرادى
وتحارب
وقم بالليل والاسحار
نائمة
لعل الليل يشفع
فِىْ
فِأَتلاشَى
رأيتُ الله ..
فى قلبى
وحادَثنى على عجلٍ
فصرتُ ضرير
وكيف بعد اما اشوف
النور
اشوف غيره
فلا جَنة ولا جِنه
ولا إنسٍ
ولا تكوين
أُريدُ الذَاتْ
........

إنها غرفتى..
..
لا تترك فراشك
غير مرتب
حاضر.
ونزلت باشبك
رجلى ف رجل
السلم.
الناس مهاوييس
وبقايا مواصلاتك
بتعَجِّز
كتر خير اللى
 جابتنى
لحد الليل
مِارَست طقوسى
العُمريه
وكبرت
كَروِّت ولاد اﻹيه
اﻷيام
ع الحيطه
وسِنِّة طباشير
كان آخر خط
ف درس اليوم
وأرانى أعصُر
خَمر اللذات
شَاكر للحَُضن
التوبه
العفه
مرارة كل خميس
يخرب بيتك
إبليس
راوَدتُه عن كل
الناس
أنجاس
تمثيل
طراطيش العفه
بتدارى
ورا كل لسان
وانا عيشت
جبان
ماعرفتش طعم
اللقمه
الا اما ادأخدها
الغير
على ايه بتغِير
على لون الشاى.
يا زمان نساى
ماترَوَّح ياض
حاضر يا كبير
الهوى مشاوير
العدل
العزل
العَجن
الطير مدابيح
وحريقة على الناصيه
مجاز
قطعت ايديكى
بكسر قزاز
واستحملتى ملذه
وعزه
وكل كلام اتقال
عن كل البنى ادمين
مخلوق من طين
ايه ذنب الطين
يتشقلب فرن
ويحرق قلب
 صحابه
مبسوط دلوقتى؟
مريت بالوقت؟
انا اصلا دوخت
مرار الطهر
شديد
والصلاه مواعيد
أصلى ماصليتش
زمان
اقرأُ آيات الله
من قلب القلب
العامر
واستنشق ريحة
سجداتِك
أتعب بزياده
الغُرفَه...
بيضاء
البَذه
بيضاء
وجهاز القلب
يعلن......
مبروك للروح
انتَزعَت من حمأٍ
مسنون..
والعَوده

دانا عينى من الفرجه
اشتهت لون السحاب
لابيض
ودموعى نزلت تشتى
من جبل الاوان
انسان ايا انسان
عدلك حفان الطين
مفروج على الجنبين
شجا وطيبه
لون الغروب
ضحك الطفوله لليتامى
حزن
مستنين الإذن
بالفرحه وبالتباشير
وكيف يكون الشير
لضحكة جلبنا الموجوع.
لون السنابل
جوع.
والبير نضح منجوع
زايد سواده
بكترة المرجوع
بلدى وبلدك
جبر
من غير الحساب
عذاب
وانت يدوبك لسه
عود اخضر ........
......

اكتب فى ملخصات
عبرية
تلك رموزى
اعرفها
مازلت امارس اشيائى
القديمه
حلوه الكوتشينه
وبقايا رسمة سنيوره
وكام شايب
من غير الواد
سايبانى ورايحه
على الساقيه
و يافراق
مستعجل فن
طب روح اتجن
وشفر كل القنوان
اللى توصل للآخر
صليت الفجر
مستنى الصبح
ولسه ماجاش
قاعد ببلاش
جنب التباريح
خطوات بتعانق قلب
جريح
وطوانا الليل
نجم وحواديت
صليت العيد
لا استبقيت
ف الجبهه قصاد
المكتوب
وعيوب
ودروب
وضفاير
كراريس
ايه ذنب الاشكال
السيس
يتقتلوا زمان
الموت قصاد
الحريه
ف سفر المظاليم
دمعات على طرف
الدبله لواحد
مات
سبحان الله
واليوم نعاود
وسط حطام التكعيبه
التذاكير
وغدا تعويذة
لحدوتين
عبث عبث
لا قلب لاسفلت
الميدان
..........

طالت عيون النظر
والسكه مابتنتهيش
 الدمعتين وشكرا بقى
اصل الخدود شربت كتير
واطل من نافذة قلبى
انحنى....
عل النساء تلومنى
وحبيت الندى منك
ماتتخضيش .
انا زى الهوا اكتر
مابيضرش.
زمن الترانيم التى
احيا بها
قوم انتفض
اياك تعبث
ف المليحة ف خدرها....
....حور وعيون
وانا طالب جنه
ف كى جى
السفر القابع ف القلب
المظلم
ينعى مآساتى
اهٍ مولاتى
الدم على الاسفلت
خلاص
شكرا
متشكر
ممنون
خالى من اى دواعى
سرورى
وجعى الممتد
نوباتجى
(وانا من غيرك مسكين)
هيمان
هامان
معزوفة قلبى
قد نفذت
الشحن يعاود لاستعلام
واخيرا عدت ....
..

ولسه باحبى ف خطوتك
جت قفلة الشباك...

عيشت التبات
وبنات ومالت ع الجبين
ندا
اه يا جبين مكتوب
عليه للاشقيا
فوق التمانتاشر ربيع
..
عجبا وعجبا ثم عجبا سلف
والمختلف شيبه على شعر
المرايا
والمشط يضحك ضحكة
الطفل المفارق
ايد ابوه
عجزت بدرى ولا عيشت
الدور
على ارض بور
عطشت جفاف السما....
..
والاسم واحد
حب كل الناس
مسامح..
قلبى الوحيد جامح
على ايد ملايكه بيعشقوا
السجاجيد.....
كداب ..
ومش قادر الاقى عيد
على سدر من حبيت
مات الكلام
كان الكفن حواديت
والقبر حلو
للى بيدوق الحساب
والجبر
والتجابير والكسره
ع اللى عاش
مانتاش غريب
مانتاش بتوجد غربتك
لمتك
حنيتك قلبك
قل للحزينة قد
يرى الرب القلوب
فلا زعل
ولا عتاب لمن راح
الصب موضع كل عام
وحبيبتى
كانت هنا ..
قيثارتى عزفت عليها
الرياح..
كنتى هنا ..
كنتى هناك....
لو تقفلى الشباك
على الصبح
ابقى افتحيه لما يهل
المعاد.....

العشق ف المرايات
ساعات
بيكون صدف
وانا باعشق القلوبات
حروف..
تطبع مرايتى
كل طاقة خوف
باخاف..
ضحك القلوب شفاف
وانا ضحكة التشميسه
حزن
اما بتغرب..
وحدك ووحدى
والوحايد كم
بنمر من سم الحقيقه
خيال.
يتقال علينا
دا احنا لسه عيال
واحنا قصاد العيلين
نحلم..

دانا لو رسمت الحزن
بنت
هاتكرهوا البنانيت
ولو رسمت الفرح
بنت
تحبوا كل الناس

ولأنى مش قد
التباريح
والريح
وكم الأسئله الدَارجَه
ولأنها مش فارجَه
يوم إنى أعشقك
أو لأ
ولأنى ساكن شَق
الأجوبه المتّدارى
تلاقينى قادر
ع البعاد عنك
وجعين وبينهم حَشو
بنى آدمين
والعين بِتُنضُر
ضى نور الفجر
حِنِّى الورق ع الشجر
ساعة لقا الشمس
بالتصابيح
يا مية نهار ابيض
بطعم النَدى
خدِك ندا
وانا شِفِّتِى خَافت
تِقَرَب
تشاقيق وحضنت
جسمى من كتر
العطش
زمنٌ بَطَش
وتركتنى الملم
جتتى
ماعرفتش الكفين
من الخدين
كله على بعضٍ
يبوس لاسفلت
مستسلم
مالحقتش اتكلم
حروف
(يابت يام المريله
 كحلى)
علَى بَمبِّى
قفلت على كل
اللى كان كاين
ساعتها
مشيت.......

ولما يتلاقى
الأجل بالعمر
بياخدوا بعض
حد القبر
بالأحضان....
و ذَكَرنى
وانا استَحمِلت
شريط البنت
يربطنى
مابين الحلم
واللاحلم...
يا مستعجل
شريط العمر
بكره العمر
هاتسِف السنين
منه
مستعجلش...
جرالى كام قَطَر
قهوه
على كام إصطباحة
شاى..
حبيبي إزاى اشوفك
صوره بفيونكات
حبيبك مات
وانا استحضرت
دمعاتى عشان خاطره
كده برضه؟
أهيم مجدوب
وبالمقلوب يصير
حالى
غنا وتراتيل
ولَف الدمعه
ف اللَّفه
بتنزل لما مطرت
البكا
ع الارض
ويأتى الرد
لا تَعْجَب
بِطُهر الأرض
أكرمُ من تنايا
الدنيا وما فيها...
فإن العيد يَتَأتَى
على مهلٍ
وإكرامٍ...
هنا الدامِى حمول
الكتف تستَعصر
ضلوع الجسم...
نقول مبروك
 على القلب
اللى حضن
 ف الروح على
غفله
(بقالنا كتيييير
ماشوفناش بعض)
جواز طاهر
بدون مأذون
ايا مضمون
فلِتنا م العسل لاسود
بلا جناحات
مع الجنات وف الأخره
مِيتِين مرَه
تهون التَصعِيبات
الدُون
وتَتَراجَع
.........

تابعت طقوس
الصمت
لا أستيقظ مع
احد....
احسست بقطع
الشطرنج المهزومه
....
عجبا سيناتور
الدستور المرعب
ف اليوم مقارنة
التاريخ..
نظرات على باب
الحال
تتمنى الحضن.
وشافتنى بجد.
ماعرفتش معنى
القلب اما بيبقى
حزين.
سلكين وتراب
وعضام تتمنى الكسوه
البدئ بنون النسوه
ف لا للقتل العمد
 ولا للاستعباد.
حبيتها رماد
وشافتنى دموع
الصدق يغنى
على اروقة المداحين
وانا طول اليوم
على باب سيدى
باطلب نظره
كى تتلاقى الاشواق
العثره.
كل دا ف يومين؟
لفيت
وقسمت الجنيهين
خدتونى لحد اتمنى
اشوفكم طول الوقت
ياااا طعم الكوم
على لحمة بعض
ياا تلك الايام الصبر
بحبك... تمر وتصبيره
لحد ماتخلص بس
صلاة المغرب
بعديها اتشقلب
خوف...
وعيون بصاصه
على اللقمة
اللى ملتلى الجوف
وايدين بتشوف
النظره الجارحه.
لفيتى الطرحه؟
الله تواب
دا الغنج عذاب
والتوبه براح
ورجعت وحيد
للاوضه وحيطه
وكام شماعه
ونمت وفاضى مكانك
جنبى..
طب كنتى اتوضيتى
بذنبى وخدتينى..
وانا عبد مطيع.
قوم اتوضى
قومت اتوضيت
صليت
وعافرت
وطلعت ونزلت
تلك الفاتحه هيا الفاتحه
تلك الركعه
تلك السجده
تلك الوجده
تلك الاااااااه
شقتنى الركعات
حياااااه
لم اعرف للقبلات
بريق
الا اما نزلت على
الارضيه ف لانت...
...
شكرا الله

أستَحلِف ذاكرتى
الا تُمحينى من شرفاتِ
الفجر
فا اليوم نغادر
وغدا للبيع نعود
على قد مرارة عجزى
تبكى وأبكيها
لا وقتُ لصمتِ يداويها
مجروحه
مفطومه على الوَجَعات
الربُ الابُ ينادى
نَنظُر للروحِ
ونستغرب
عجباً للوجدِ ف اطرافِ
الثكنات
النشوة تُغنى
سبحانَ القلبُ مُكنَّى
بالغارِ المَدْفون
أرسم على حيطات ..
أشخاص
ووعود
وٱناديلك .
تفتكرى الزحمة بتندهلك
تجرى وتتندهى
مع الاتوبيس
(شئ من بعييييد ندانى)
تُبكينى خدودك
محتاجه
وانا ف التلاجه
أُغادِرُ أطراف المرثِيه
ووصية جسمى
إتنين يشهدوا ع الغسل..
ويموتوا ..
آدم يا رمز البشريه
شجرات الأرز تقطع
لجل التفاحه تعيش
مجبوره
وحوا على السبوره
تتحدى تاريخ اليوم
زيتون .. وبكاء
والاسم مكان
إثبات الذات
من أجل بقاء الجنسيه
موتوا بغَيظاتكم
مجدٌ ثم مجدٌ ثم خيبةُ
أمل
وبْعُودَه .....
أولادك
أخبارهم إيه؟
يِحفظوا ف كتاب الله
(كَلاَّ لاَ تُطِعهُ وٱسجُد واقتَرِبْ)
سجدوا؟..
ودفنوا الروس جوه
 السجاده
وبيدعوا الله
لن ينطق للمجد حياه
تلك التاريخ يعاود...
ثم مره ..
بيريح جسمه عشان
مايعيدش المتكرر
لاكِنّ ايقاع الاسرع
يستبقى..
أقتل كل سلالة تعادى
الجنس اللون البشره الحشره
اليرقه التكوين
والدود على كل جبين
مكتوب
وهاهى أُحُد من جديد
بصوابع معدوده.......
لولا التاريخ ما أَتقَنتُ
فنون الديمقراطيه
للضحك على أوجاع
العامه..
والرقص على الكرسى
المرهون
....
ممنون

هى والارقام
وجعبتى
صاحبتنا السلامه
بطموح الشجره
وفك الحضن عن
القلبين
مع فتحة اول
مغرب
برواز وبقايا
خريف الصوره..
الركنه.
وعيونك بندول
ودقت قلبى
تدق عقارب
ف الغالب
الضلمه سابتنى
وحيد ..
واحد ... اتنين
مية مره وتبكى
عينيها..خيال
مع عرق الحيطه
ف عز الصيف
اتجن بطول الصبر..
يتلاشى اخر خيط
للرؤيه
من يغرق يبحث
عن سيلفى
وبيتين ف قصيده
لزوم الاستنشاق
الخطر القابع فى
ضاد القصه
مابين سطور وضحاها
تنور .
مبلوله العين الزرقا
تحرك صمت البشريه
وتضحك من خلف التلفاز
شكرا مولاتى على
الدنانير
فليكن الله لينظر.
ازاى بتلفوا الحبل
على الفلاته
رغم الانوار المحرقه.
.......
استسمحكم بالله
قد اسرى بى
وحلمت
وندمت
الصمت الصمت
الخوف الخوف
الموت مراره
وعباره (قف للتفتيش)
افيش
على سلكى الشايك
وسألنى الجيش
رديت
(تعرف تتكلم
عربى؟)
:*::::::*:::::::*::::*:
///*/*///*//*///

وحدك انت
وانا
حيارى القلوب
العذارى تغنى
وتسبل عيون الكلام
بالدموع
احن الرجوع
وراحة الغياب
يفوت الف سرك
واصلا مباح
انا والخوف
مابينى
وبينك الماضى
عداوة المرجوات
للذات تلفحنى
ماتجرحنيش
وقوم صلى
وقم ركعات
على تسابيح
حلاوة المية سنه
سبحه
طهارة المادحين لله
يا حول الله
وكان طيبة بنات الكون
خلاص صبر السنين
زايل
زوال الكحل بالدمعه
بتصعد للسما السابعه
وتنزل صبغة السموات
ف عز الليل
وقلب الغار
وخيط العنكبوت الجد
يغزلنى
فلاش باك للحقيقه الأم
وتقرأ ما يردده السلف
بعدك
ويسرى بك
وتتعثر قبائلهم
تنادى الانبياء
للركعتين العهد
والامم التى زالت
على الجايين
ولاقيتك
حبيب الكون
والقنديل
يامين يقدر على
حب القلوب
الا اللى داق الزاد
ولا استكفاش

كِدتُ أَرسُم
عليها قلوب
وأكتب فى صباح
الخير
اكذوبه..
صَدَقتْ.
لا أَعتقد ...
وانتى رايحه
إبقى اقفلى الشباك
على آخر صباح..
ونِمت ..
يامَن هواهُ أطال
 من عمرى
ليتَ الهوى كان
 ييجى بَدرى
وانا افرش الأَيام
فرح
إن مرَّه جانى يعتذر
 عن قِبلته
يكوينى من
 نار المحبه
لهيب
ابدا يا وش الديب
وقلب البنوتات البِكر
فكر وشعبطه
يكفينى جََو
المرمطه
حواديت
جيتى...افتحى
 الشباك
وطلى ع
الليل الجديد
وترانى أعصر خمرها
فى كَفتِى
وتنزل دموع
عجبا يا بطن الجوع.
ف يسوعُ مستكفى
خيانه
إياك تعبثُ بالحجر
وارميها لو كانت
خطيه.
بس اعتذر
من توبك المليان
ذنوب
دَنِست روح البدر
ف كفوف اللعوب
وقُتِلت...
و راودتنى بالعزيز
بروزت نَفسِي والهوى
والدنيا والشيطان
وجِريت ...
عجبا أتانى ف الرؤى
جسدُ القمر
دمعى انهَمر
وضيت منامى وصَليت
ع المخده
مش عاوز اشوف
وقت الرضاعه للمجره
صبِّى من السموات
حليب
لجل أما تِسمن كل
أطيان البلد
إجلد ف ضهر العمر .
يستاهل ..
وماتحسبوش ان الفراق
آخر
ولو احنا مش للفرقه
متواعدين
يبقى السؤال
على مين هايحضن
دود؟

القلب عاج
والصوت كفاية
حاره سد
مين اللى شد
الحيطه شد
وشرخ العمر
العزيز
هل من باريز
تلهمنى كم الحريات
اسطوره العطر
المكنى بالفرنسى
والف انسى
وكام قزازة ماضى
على كاس اللى جاى
وصب يابنى محنتى
وكمل عذاب
(دانا من تراب)
وولدت من رحم
الرحيق
وليتنى منذ الولادة
كنت عارف ان بطن
الدنيا مابتشبعش
زيف..
اصلا مع التخارف
باتنادى من قبل
البعيد
وباروح لحد الليل
وبارجع خطوتين
الموت وارد..
تلك الاشارات
البغيضه
تجبرنى حد
الشعبطات
الملهيات
عن القصيده.
مع كل ده
تبقى الحقيقه
الخالده
ان البشر طعم الحياه
وان اختلاف اللون
بدون الروح
عبث
وان النفث من بين
ذهاب واياب
سبيل
من يهده الله
الدليل؟
غير اللى عافر
ف الوصول
.......
وتقرب......