احساس غريب
انك قصاد الامكنه
واقف غريب
انك قصاد نقطة مطر
تهرب مع .إنك
بتترجى الشتا
ييجى بقى.
جسمك ضعيف
روحك بتتمنى
الخروج.
اقوى.
ورا شباك ضلوعك
والكلام سهل وبسيط.
جوانا شئ بيحركه
كم السؤال
يوسع
نديق.
نسمع
بطئ.
فا نحس ان الشوف
رماد.
والخطوه اصلا شئ
معاد.
والبيت مكان مايكون
سند
يصبح ملاجئ للهروب.
ساعتين يدوب
ونلملم الباقى من
الاشواق.
على حبتين الصبر.
على مجريات العمر.
على
ذكريات وقعت بفعل
الذكريات.
اراجوز ورق.
وستاره حمرا
ع الورق
وعيون بتتفرج
على
نبوت بيضرب
ضهره .
كان كل ذنبه
الحب وقت مفيش
روتين.
شاف العنب والتين
سِكر .
والنخل طالع بين
فروق العضمتين.
لا العين بتشبع
ولا الخلا يشفع
فا الحلم دكان
الصيام
والصبح وتر
أذن وصلى الفجر
وانسى.
قد بات فى الحزن
المرير واضحى
ونسأل المولى
داوم الصحه
والإلهام
