#بوست#
كتفك كما البنوته بتعانق
كتفى.
يا حنينه ع لمس كف الايد
الحب رزق.
والعشق بيخص اللى قلبه
رئيء
.هل قلبى متعلم لعب
الحبال ف السيرك
ولا
دب باندا .
بيخرجوه م القفص
ويفرجوه للناس
يارب ليه ماخلقتنيش
احساس؟
يمكن عشان مابقاش
ف بق اللى
بيحب مره
واللى بيشقط مرات
.
الكاس ف ايد الملايكه
مقدر ومكتوب
داير على كل اللى مولود
ع. الارض
الكاس ف ايد الملايكه
فرض.
زى الصلاه والصوم
جلدى عليه وشم
الصلاه ع اللى غاب
يمكن ماعاششى كتير
جلدى عليه اسمك
واسمى.
واسم كل اللى جاى.
رجاله يا طعم العرق
م الكد.
من كد داق طعم الرجال
مالح.
أدن يا فالح للصلاه
وقل أعوذ للرب
العين هاتدمع دما
لحد ماتبيض خوف
هاتشوف جوار الانبيا
ف جماعة الأسراء
سبحان من أسرى
بعبد الله وسط الليل
صلى عليه يا بخيل.
ولا اللسان مخروم.
ليست هناك تعليقات:
إرسال تعليق