الأحد، 24 أبريل 2011
فكرت مره اشتري شنطة سفر
لاكنى ماقدرتش اسافر وانتهى
الرحله مش مترتبه
ولا حلمت انى هفارقك يوم حبيبتى
واتركب م الاكتئاب
تنسينى ليه
وانا من عينيكى عرفت ايه معنى الوطن
ومن ايديكى عرفت ايه حريه
و من زمان حطيت شفايفى جوه صندوق من ازاز
علشان عليهم لون شفايفك
تنسينى ليه
وانا كلمة الحب اللى منى جت رخيصه
فى وقت ماكان اللى جوايا كتييييييييير
هتصدقينى لما اقولك
كل يوم بيموت على باكره اليوم اللى بعده
وانتي مش موجوده فيه
يعنى ايه انى مابقاش غير نفس
انى ابقى كل شئ كاره يعيش
انى ابقى كيس من الجلد اللى عشش فيه تابوت
يعنى ايه انى تبقى عيشتى فى الدنيا صدف
يعنى ايه
يعنى ايه
كلها جوات دماغى الاسئله
والاجابه مافيش
الثلاثاء، 19 أبريل 2011
سلفى انا اخشينى
يا مجتمعات مجنونه
اياكى وغرب يعصركى
فى معصرة المالا نهايه
سلفى انا وفخور
يا مجتمع الكذب المأجور
وسأبحث يوما عن سلفى
يبحث فى الجنة عن حور
كذب الياقوت فصدقنا
هل صدق الحق فاعمينا؟
مال الاشحار ملوحة
هل سقيت كى لا تظمينا
ام للفكر المكذوب حنت
رأس وتريد لتحنينا
والله لاتعلو امه
عزت فى فكر منقوص
فعلو الامة فى فكر
يرنو فى القلب كناقوس
الأحد، 10 أبريل 2011
خطوتين بين الحقيقه والكتابه ع الحيطان
بين اللى قالك تنحنى للموجه وانحنيت
خطوتين بين استمارة يوم ميلادى
وشهادة وفاتى
واعتماد الدنيا لى
هى ليه الاهه دايما مختفيه
وسط ضحكات منتهيه
والنهايه شبه عامل خد يوميته
وروح
يعنى ايه بين السنين باتطوح
يعنى ايه ادخل على امى الكبيره
واقولها سلامات
وهى بتطلب الكلمات
فى اخر يومين
حد عارف مين مفارق قبل مين
ولا عارف مين مسافر
وببلاش
الأربعاء، 6 أبريل 2011
الاشتراك في:
الرسائل (Atom)