خطوتين بين الحقيقه والكتابه ع الحيطان
بين اللى قالك تنحنى للموجه وانحنيت
خطوتين بين استمارة يوم ميلادى
وشهادة وفاتى
واعتماد الدنيا لى
هى ليه الاهه دايما مختفيه
وسط ضحكات منتهيه
والنهايه شبه عامل خد يوميته
وروح
يعنى ايه بين السنين باتطوح
يعنى ايه ادخل على امى الكبيره
واقولها سلامات
وهى بتطلب الكلمات
فى اخر يومين
حد عارف مين مفارق قبل مين
ولا عارف مين مسافر
وببلاش
ليست هناك تعليقات:
إرسال تعليق