كفايه جراح
يادنيا سماح
وسامحينى
علينا الدور
كاسات بتدور
وتسقينى
..
اصاحب خلق
مش سالكه
نفوس ضايعه
وناس سكه
يقابلونى ف كام
سكه
وباعمل نفسى
مش شايف
..
باصاحبهم وباتصاحب
زمان بيعز فيه الصاحب
ارد القسوه بالاحسان
زمان فيه الزمان خايب
.....
باحط بنفسي على روحى
واقول لجروحى ماتروحي
اكون نفسى ادوق الفرح
دوا العله بيمنعنى
..
وليه يا زمانى توجعنى
صريح العمر بيبعنى
يفرق شيبته ع الايام
وآدى الايام ماتسمعنى
...