احببتها
تلك
 الوان السما السابعه
ان قلبى
 معلق ف السماء
وجسدى
ارض . ارض
حاجز تذكرة المترو
ومابيركبش
انا اصلا كائن
وماكانش
حطتنى الدنيا
ف جسمى .
وسابتنى.
انفع ..
مانفعش..
تلك تدابير الاقدار..
الرب
الوحى
ونبى
هل تعلم شيئا
عن سر مرارات العشق
لذات دمشق
وجوع
هل يأتى يسوع
ليخلص ذاك العالم.
تنورة دم.
الغرفه
تمتلئ ايقاع وظلام
تلك الايام
وانا ما بين رباط السره
وبين رضاعة كوب اللبن
الامريكى الصنع
لا اعلم غير فطام العين
على ..
صقر
ونجوم..
القمح القمح
ورغيف العيش
قف للتفتيش
فهناك السته اوالسبعه
يأتون (بخاطر ).
على خازوق الحلبى
مصرى الصنع
(يا ولدى قد مات شهيدا
من مات فداء رجولته)
شكرا للقمع.
كنت عارف انه جاى اليوم
وبذر البرتقان تكملته قشر
وضلوع...
( اياك نعبد)
ظاهرا
والقلب يبغى مشتهاه
من الأرف
كل يغنى ليله
فرحا بكمية عجف..
..
علمنى اصطاد الحقايق
بس ماتسبنيش وتمشى
افتح الفكين ل لقط البايت
علمنى افضل ساكت
بس سمعنى غنا الطواحين
علمنى زين
وساعتها هابكيلك فرح
علمنى يوم لما انطرح
جسمى مايتألمش شوك
قولى انى ابوك
بس خلينى اصدق.
صدقنى هافرق
خطوتين على خطوتى
وبغير رجعه
حلم بطعم الطيف
زارنى
وقام هجرنى
للحيطان
الوان طيف قد اتت
اما انا صرت
الكفيف.....
......

قل اللهم
لا كتابه ولا شعر
ولا دياوله
قل اللهم لا حول
ولا قوه
ف ايد العبد..
قل اللهم سبت وحد
وايام لما تشبه بعض
بس احنا اللى بنعجز...
..
وادى اخرة ميلاد
بنى ادم اتكحول
على بوزه
ف دى زنقه
يقولون انها الدنيا..
جبرنا غير مسبوقين
بدون وعى ..
على عجل النزول
من رحميات الرب
ف البطن البتول
فا إذ بالأرض طرحت
فول على شوربة
عرق نابت
سنين الضلمه
مالقيتش النهار
تابت عن التسويد...
..
انا اول عدد احلف
على اللقمه ف بطن
الطين
انا اول من اتقال له
يقول آمين.
انا من شلة الصابرين
على التلاتين وع الباقى
يلف الساقى بالحنظل
وينستنظر هجوم
(وترى الناس سكارى
وما هم بسكارى)
نطوف سقاره بالتدريج
يا ميت تعاريج لحد ان
وصلوا ف الاخر
ل لاشئ
ولا حول ولا قوه
ولا استنتاج
قل اللهم ف الصوره
عدد ياما..
يبان هايج
قل اللهم فيه نتايج..
على رسومات..
ف شعب ومات
مابين الله
وبين اللات
وبين الوفات على زحمه
قل اللهم الرحمه
على الغفران
على العزه
على نكسه
على تبعات
على ولد اتولد ساعه
ف فجر ومات
قل اللهم باقى
سكااااااات
............

قالت لى
ذات يوم
انها تئن..
لكن مقدورى
العجز..
اعلم سيدى اننا
الى القدم ذاهبون..
خمسة من الايام
بعد العقدين
وكفايتها ثلاثة عقود.
أهذا كان؟
حقا لما تبكون..؟
شهوة الدمع برائحة
الغاز
هل تشبعك؟
.....
اسير بلا مأوى
ولا هدمه
ولا حتي كفن للجاى
مفيش ملكى غير
التقصيبه مليانه خروم
انفخ ..
ازوم .
الام ستين شقا سينيما
وضحكات
هى كده ولا احنا
مش متأكدين..
ان السلف بيقابله
دين..
ملعون بكل يقين
خلف ..
تلف تلف ..
فا المستحب بيختلف
حسب الشريعه
القدس مش محتاجه
ميه
الدمع كفى ..
تعالى نتدفى على
الجدران.
دكر الحمام طالل
من الشبابيك مخاوى
ع السطوح.
كلمت قمر الليل
وعدنى يبصلى
وخاوى النجوم..
ولامتى طين الارض
هايكلم مطر اطرش
ولامتى قطرات الندى
مع اللى بيدفع اكتر
ولامتى امناينا العليق
(عشرون.......... عاما
وانا ابحث
عن وطن وعن هويه)
عن فومها وعدسها
..
هى دى دماغ اللى
عاوز ضحكته راحه
منذ بدايات الخليقه
الشيطان كان عارف
ان اقرب طريق
لجل اما يتذل البشر
تفاحه..
ليه العتب لما البشر
يتأبلسوا ؟
علشان نسوا ان
الذنب جوع؟