جواك مطر
قلبك حزين
روحك بتتغطى
بجسد من طين
عمرك سنين
وشريط حياتك
سف
فا بدال ماتنفخ
م الزهق
قضيتها تف
كتفك تخاف تبعده
عن حيطه ماتت فيها
احلامك
حتى ف كلامك
نصه جد ونصه إسقاط
فا طبيعى تحت الباط
تخبى شعرتين
كل ما تيجى تنام
تشد
وتلعن العين اللى
غفلت وانت حى
كان نفسك المحدوده
تبقى حد تانى بيندهك
كل اما بتشيخ ف المرايه
فا تندفن جوه الملايه
وتنحنى قدام دموع
الانكسار
قوم تفتكر قلمك
تقول أنا لسه حى
فا تدعكه يطرطش
سواد ع الأرض
تبكى
تنوح
تشخر بصوت
مبحوح
وتسكت
تعتذر للدنيا
انك جيت
ومت
#حقيقه طازه#
