قادرين نعافر
فى الخطى
صابرين نجامل
دنيا مالهاش اى ذنب.
الاوله محبوب وفكت روحه
منه..
والتانيه طاير بدون الجسد.
والتالته عيل ف حلمه اتحسد.
باين علينا التعب من شق رجل
نداريه
العمر داير والتراب مداريه
سايق عليك النبى والأهل والخلان
احس بيك يازمن وانت بتسرقنى .
بقى هى دى الراحه ؟
احب فيكى وتسرقى
 ضحكى؟
وبالراحه.؟
عجبت لك على ايه؟.
نفس السيناريو صحيح
احنا مانتعلمش
وكل يوم واحد الموت
يقوله كش.
برضه مانتعلمش؟
ارزاق بفعل الفعل
مفعول به مفعول
فاعل وغير معقول
ينصب علينا الفخ
قادرين نعافر عليها
والروح تقولك بخ....
..............

كونك هاتحلم بالحجَر
ياخد ب تارك
تستنى لما الغراب
يطلع من التربه
ياخد عزاك
وتنسى انك غريب اصلا
وان الشمس للى عاش
على كتفك.
الليل قدر لما النهار
شافك طشاش
وغلبت اقطع وريدى
وانتحر
كافر بكل الطايعين
للنَفس
بكره اللى حاضن
عزله بين راسى وبين
الركبتين
وامبارح اللى انقضى
يحلم بكام تفرج
حاصل نتيجة نُص يأس
ف ضرب مولود اتولد
يبقى السؤال
وتموت معاه الاجابه
هل حان وقت الانتشاء
والصفا .؟
ام آن وقت الارتحال
والصمت؟
اجابات كتير مالهاش
علاقه ببعض.
الصبر ثم الصبر ثم القهر
ثم الجمر ..ثم الطهاره
الجنه مش محتاجه
فض للبكاره
ولا حد حاطط للحساب
معروف.
هايفيد بإيه أن الكفوف
تنقرا ع الخد والنفس
 اماره.
هايفيد بإيه الحلق
من غير صوت شهق
..
لسانى لما باحتلم
باستغفر الله العظيم
مع انى لا اختارت النسا
ولا قولت بم
يابختها تاخد وتجرى
من عدم
وانا اللى بينوبنى
حفان ميه على
الناشف
ومضغ صبرين
الحصى
مع لقمتين ناشفين
اسف يارب ماكنتش
اتمنى الزوال ..
ولا لسه قادر ع الكمال
انسان بفعل الحكمه .
والعقل العجين.
والخمر يِسْكِر منى
طين.
يادى العذاب الصعب
بيصدى الآلام.
ويفتفت الباقى من
 اللحم
المقدد ..
(قم فأنذر)
لسه منك كوم عضام
لسه باقيلك كلام.
لسه روحك رغم كل
الجرح عاوزه تلتئم.
وان لسه فى الحقيقه
شبه حلم
وشبه عنيوة
علام.

الفرح  كالقنطره
بيعدى للدمعات
والصوره لسه
ماخلّصِتش الالونات
زمنى وزمنك قنطره
للجاى ف جسم
ماجاش
انا عيشت زى ماعيشت
والموت علينا
 سقف للسموات
تحضنى شمس
احبها وتحب غيرى
وتنتهى ..
يا دايره لسه مكمله
دوران..
الفرن بارد.
أما الحنين ساكت
هنا
..
الدنيا مش متأكده
هاتفارق.
ولا هاتكمل .
عجبى عليك يا قلب
من غير الوصال
شغال.
عمرى كما البدال ف عجله
مكمله ل مفيش..
عقرب ساعاتى حن
للحضره.
وانا جوه صوره
مبروزه دراويش.
قادر ياليل تحضنى وتكمل
ولا اركب الصبح اللى لسه
ماجاش؟
تذكرتى فيا ذهاب
بلا عوده
على كتفى كومه صبر
ميزانها كان طابب.
دقيت على يدى وتد
طلع الوتد خايب .
ياااااااه قلة الجرح الملانه
عياط .. فرهده .. بكى مالوش
لازمه .وبكى عشان حسيت.
فاكر زمان حجيت وكام عُمره
وصليت بكام ركعه
والصوم علينا ستر.
صدق بإيه يا زمن.
انت البعيد غلبان.
عشمتنى بالأمل .
وبضحكه ملو السنان.
والوقتى شوفلك بق
يضحكلك .
وابقى التقينى ونتعاتب
كسبان وانا الخسران؟
ياعم طبطب عليا.
محتاجلك.
نقعد ف ساعة حساب ؟
مش جاى نتحاسب
أيش تعمل الاحزان ف الضهر
غير الحَز والتأنيب.
وفر دواك وحياة ابوك
انا جلدى مرر م الدهان.
وعضم جسمى  بقى
بودره.. شميته واتخدرت.
هنا كانت حبيبه بتعشق
الاوثان.. وفرد واقف ع الشجر
فارد جناحاته .
هاتوا بقى كم الحبايب اللى
منى وفكرونى اكمنى انا
بانسى.
البركه ف اللى جاى
عيل من امه تاه..
ودموعها كالقنطره بتعدى
كام عيل .
الصوره بهتت منى والواناتها
اترشرشت ع الأرض جدول
لامتحان.
رقم الجلوس منسي.
حتى السؤال
ناقص.
سن القلم
بايظ .
وملايكه ف اللجنه
رايحين ومش راجعين.
وقت المذاكره لم كام
كرسى وشطب
 ع الحساب.
انا ايه اللى جابنى
أفارق الاحباب
ضاحك على نفسي
من امتى كانوا
احباب .
مستنى كام بكره
وكام بعده .
وعيال مايتعدوا .
زى اللى قبلى هاسيب
كراسى لانتظار.
أما اللى بعدى يسيبوا
حبل الصره وينزلوا
للغير ..
زمنى كما القنطره
بيعدى كام جته
ياهلا ترى نلتقى
ولا البعيد عميان..؟

ليلي
و روايتي
وبعض الرشفات
من القهوه
لقد اُصِبت لتوي
من جراء القصف
الجوي لذاتي.
..
امسٌ
ولذاتيَ الصغار
لا يعرفون معنى
الرمق الاخير
..
عدت واتثاءب
فا حبيبتي النرجسيه
اعطتنى تذكرة الدخول
الى عالمها
شكرا
...
يراودنى صوت
تناقل قنوات المذياع
هل هذا مخدرٌ مخّىْ
ام انه نوع
 من الفصام
..
فى بلدتنا يمتاز
الحكام بالمجد
الشخصى
..
يامن تقرعون فتات
خبزي
لا تنتظروا
 من عصافير معدتى
ردا
..
أتُرى حين انزع
قلبك
واضع مكانه
عقيق شجرى
يصور تلك الأحداث
تباعا ؟
أترى؟
هي ايقاظٌ لا تشترى
.....
المجد للمجذوب
معبود الإله
من قال لا
فى وجه لذات
النعم.
.....
معذرة
شاعري المفضل
لا غير كلماتك
اتذوقها لذاتى
...
لو كنت زفيرٌ
فى فم نبى
لابتلعتنى
 الآفاق
علّى اتمطر
فى روح الصالحين
دعاء
..
لو كنت ملاك
لعلمت بأن
دعائى هواء
لاكن الرب
عليم بالطاقه

...

لازلت انعى
وَسَادتى
مهلا ايها الرفاق
اتتخذوننى هزوا
كذلك اتتكم انفاسي
فنسيتموها
وكذلك اليوم انساكم
..
الى قطعة بلاستيكيه
اتوسدها ..
وتخافون منى
..
لم يك لدى ابسط تفكير
فى الانتحار ..
فلماذا لا يؤذن فينا
من يستحق..
اضحكتنى عبارات
معلمتى
يوم شهدَت أن لا
أحيا كثيرا
هل كان ينقص بعض
العبارات حروف
ام نحن والخوف
اخلّاء..
سقطت دقاتى
وجلت انفاثى
اتذكر كأسات
من عسل
 وانهار من حور
وشوبا من لبن
مخفوق..
الضوء يجالسنى
والشوق يحرقنى
أقداح من شمعات
فأنا لا ذنب
لا ذنب
لا ذنب
لا .. لست أعانق
مسبحتى
واليوم اراها
تتسلق والكل يشاهد
مذبحتى  ..
الحمد ل رب اخرسها
فكثيرا نطق الأشهاد
يودى بالمرء إلى
الجُب
...