السما عينتين
والمطره بترسم
خد على  الارض
وتملاه دمعات
وانا فوق لاسفلت
اتبلت كل صوابع
ايدى .
الله يسامحك
وطلعت البيت
الدبله بتخدع مين
مرات ف شمال
ميات ف يمين
ومابين لاتنين
تختفى بنانيت
وولاد
عداد بيعد
ويرجع من اول
نقطه
ومافيش غلطه
لاء فيه نسيان
مالعمر خلاص
 مش مستحمل
ترقيع
انا كنت وكاين
وكانتلى
لما ابتسمتلى
وخدت الضحكه
وطيران
على
حب العمر....
شقيت التمر
يا بنى ادمين
وخلعت التوب
الرسمى
لمر الحزن
والاسم
كان واحد ضمن
اللى اتحطوا
ف البوم العيد
مش هابكى
دراما
ولا هاعمل اجزاء
من تانى
صدقت ان انا
صومت وصليت
وواربت الباب
تسقيفه لكل
اللى شافونى
ف اخر ركعه
وسابونى اكمل
تسابيحى
وهما مايدروش
ان انا اول ماسرحت
نسيت
بدال العجله
مابين رجلين البت
وعينى ف عينها
فغمزتلى
اه يابنت الايه
فاكرانى
اما عشانك
نطيت السور
ف الامتحانات
ساقط ثانويه
وكان نفسى
 اخش الكليه
 معاكى
اما الباكى
 اننا ع الدكه
بنرسم حلم
عروسه وعريس
تقرى الجرنان؟
بنك الاسكان
ووظايف خاليه
وكلمات
م ت ق ا ط ع ه
وحظى اليوم
متعان
من حلم قديم
كنت حلمته
ف حضن امى
وهى بتلعب بين
شعرى
ف حواديت
الكف
هانلف بجد؟
ونتشاقى
اوكيه
الدنيا بوكيه
ضحكتها طبيعى
بريحة الجد
صدق
حبيتها
ف اول يوم
انا قولتلها
وهى مافهمتش
طب ماتزعقش
هو انا زعقت؟
انا كنت باقولك
حبيتها من اول يوم
كتر خيرها
رسمتلى قلوب
وابتسملتى
امنت
 وانا
نمت

وبين ضحك البنات
شقاوات ساعات
بين السطور
تلقى حكايات
مع كل بنوته
وع النوته نشكك
ضحكتين
عمرى الحزين
ما أوجعه
الذكريات بترجعه
وسط النايات
تسكن اهات
واهات كتير
بتدمعه
العمر مابيتقاسش
بالكراميش
على الخد العجوز
يتقاس بضحكه
فارقها بوز
وسط الدراما
المؤلمه
طراطيف صوابع
مننا
بيطبطبوا ويقربوا
ضحكه وغايبه
عننا
كل الطرق بتودى
فين؟
شجره وفرعها
السنين
من بين عيون
 العطشانين
الخد بير مليان
دموع
واتخزنت من عمر فات
الساعه كام ؟
وقت المنام
والحلم طالع سلمه
وصل السطوح
عمال ينوح
والفجر نام من بدرى
بس معاده
 قرب للطلوع
الليل وصام
من غير سحور
ما المغربيه
اتقدمت
 شقلب عشانها
خطوته
من لخبطه
حاله اليتيم
انتيم انا
وحيطة الجيران
هى الوحيده اللى
شالتنى ضل
ايام ماكنت
ف وحدتى
عفر عفار
 الاتوبيسات
شبك ايدين كل
البنات
على حلمهم
من حزنهم
الكحل مالى
الكفتين
والدمعتين ناشفين
خطوط
وانا ايه من المتغربين
؟
بسبور وصاحبه مات
هنا
حلمه يسيب الامكنه
بس التراب
خطفه ومات
يا صاحبى
انا وانت
وهما الخسرانين
سلمتنى العهده
ف شوال
لجل اللى لسه
ماقربوش
لو قربوا يتعلموا
سيبنا من التفاسير
وكمل خطوتين
على كف
طفل
يمكن يكمل سكتك
وتموت سعيد

الفرحه
ايدين
والضحكه
حنان
الدمعه بشاير
طيبة قلب
الحاصل ناتج
ضرب الاحاسيس
ف اتنين
وانا حبك لما
عرفتى حياه
هاتى ايدك
يالا بجد
وباشاور الايام
بحنان
ارجوكى بلاش
نتكلم
نتنفس نفس الوقت
خدى روحى وهاتى
روحك
اطمئنان
ايه رايك ف
 العرافه
وكف العيد
بنحب بجد؟
اناإنتى.  اناتى
ماعادتش الا
بشاير  ما بعد
الحضن

على كرسى
الشيب
دراويش
حلقات
خلجات
والبؤجه على الاكتاف
الحاف
حدش كان
شاف
حلم  التكليف
تخاطيف النور
وف غمضة عين
سا محنى يارب
انا مش ذنبى
ولا ذنب الشمس
اللى نامتلى ف ايام
البرد
كان نفسى اجرب
 شفايفها
لا حد يشوفنا
مكسوفه اياكى
لا باحلم
وف بير السلم
دوقت القبلى
على فخادى
الله
اتدفيت
مش جنب الحيط
اللى عرفنا
ولا حارة كراكيب
الرحلات
السبحه اهات
ليه نعرف الله
ف وقت الخوف
الله بيشوف
صدقت خلاص
ان السجاده اتعكت
بوس
بس القبله بتحود
على طول
دراويش تانى
سيدنا الخضر
عاوز طياره
وعقب سيجاره
خخخخخه
اشمعنى الخضر
هايشرب فرط
يارب ماشوفتش
مجذوب
بيشوف
ببصيرته
الكل بعقله
اللى مسليه
على كرسى
الشيب

متنتور حلمى
على الحيطه
وشين دوكو
يرسموا
 احلامى الجرافيتى
ماسكه الشبابيك
......
كان نفسي اشوف
صوتى حقايق
الليل سايق
كاسر الاشارات
متداس القمر
المتغرب من غير
بسبور
ارجوك استني
ماتقتلنيش
مش سامع ليه؟
سكينة صمته
بتدبحنى
والتهمه
مافيش
شوفتينى
وانا مش عارف
اموت؟
الفرش الطيب
لسه على السريرين
مفروش
وامى بتصحى على
صوت الديك
اصحى
ماباصحاش
خلينى يومين
استنى
الحلم
على الدكه المنحوته
قلوب
اختك كبرت
جايلها عريس
الشمس بتشرق
من صندوق
التليفزيون
بتبوسنى بجد.

شوفت العفريت
عدى قصاد الترابيزه
وسرق الصبح
وروح.
طب حطى فطار
كله الا الاكل
البيت عمران.
السلم وحده
كفايه تحس
انك حبيت
 البنى ادمين
مواتير الزحمه
بتتشاقى
ف عب الاتوبيس
ولع احزانك
مابيغيرش
اصل انا متعود
على احزان الطلبه
ف قلب الكليات
اخرس
حاضر
اسمك سنك عنوانك
شغلك
ميت ميت
لسه باموت
كان نفسى احبك
زى ما قلبك صورلك
لكن ندمان
شوفت الشجره
ام العصافير
مورجحيتك لسه
هناك
وانت بتتشاقى
على امبارح
خلصت عليك
ارجوكى دموعى
مابتسيبنيش
قدر ماحصلش
بحبك ياض
وانا مش قادر
بطلت عياط
خاتم سليمان لعبه
قديمه
ف حارة المحاريم
الضهر عقيم
مش قادر انه يجيب
م الشمس العصريه
كان نفسها فينا
اغسل خلجاتك
قبل ماييجى الليل
وتنام
قوم اتشاهد
انا اصلى حلمت
لاكن ضهرى دايما
ناشف
صلى على الروح
اللى نامتلك
وانت ماوفيتش

فرشت سجادة
كلام الليل
ووضانى المطر
دينى ودين النسمه
ورفاق الحنان
نفس المكان
والنخلتين
يتشاقوا على
حسى
ماتطس وشك
بجناحات مريم
واغسل سنانك
وادعك التوبه
يوسف ندهنى
وفسر الرؤيا
فرآنى اعصر
خمر للبنانيت
ماهم سكارى
بس مخمورين
طعم الهوى
نعكش ضفايرهم
وحدى ووحدك
شقة الجيره
مكسوفه منى
ونفسى اطول
ايدك
ولحد امتى هانبقى
مكسوفين
تل العيال مستنظر
البوسه
ايوب داواه البحر
وانا جنبه
وصانى اودى الصبر
للجعانين
سيدنا الحسين
راجع يابنى ادمين
راكب حصان
والطيبين ياما
الفين سلامه
والف رحمه ونور
شايف ابا العينين
ف حضن الله
سيدى ابو العمران
يخط الورد
الجد وجد العاشقين
حضره
والسبحه دقات القلوب
حيه
وحدى انا وفارقت
كل الناس
لما اصطليت
بحراره الالهام
من غار لغار
مافارقتش الجنه
سيدى النبى
سيدى انا وحدى
مين اللى بيحبه
غير اللى داق
غنى كما داوود
ثبت طيره
يارب مش بادعى
انا باذكر
الله الحنون
عارف
ومدينى
خلى الدموع
زمزم ملت
عينى

بقالنا كتير
ماشوفناكشى
ولا ليله
تخونك بيننا
ضليله
وكام حدوته
من عندك
سؤال بيدور
على بالى
دامين اللى
خدك منا
وفين انت من
امبارح؟
ساعات بابقى
 ف هواك
جارح
ماتزعلشى
هاقوم وسايبلك
المطرح
على عينى

ينام الطير
على بيتنا
يغيظ الغير
يابايعين الفرح
بالكومه
لحدة عندى
خلصتوه
كده برضه؟
سؤال
مستنى انا رده
ومين هايرد
؟
يتيم الحال
بادرو عاللى
حوشته
خدوه منى
بلا قافيه
وبالعربى
كده واصل
ومتشكر على
الايام
خدت منى
 ورا وقدام
ماخلتليش
غير الرقوه ف حضن
امى
اللى نامت
دهر
انا بابكى
دموع ناشفه
يشوفها الناس
وانا لاءا
يقولوا الحلو
 بيغنى
وانا بانوح
ومن احزانى باتطوح
وامتى يا حزن
هاتروح
يقولى زهقت ؟
اقوله لاء
لاكن الزاد خلص
بدرى
وانا وانت وتالتنا
الزق ف الدنيا
نجوم الليل
تربى ف القمر
يكبر
وتدلعله ف الضلمه
عشان يحضن
طب استنى
دانا لسه ما مطرتش
على الفرشه
وانا باحلم
ماتيجي يا واد
على السلم
يقول مكسوف
جميل الخوف
لاكن كداب
ومين يفهم
دانا اللى الارض
لبستلى جوزين
خلاخيل
عشان تعجب
ولعبتلى ب لبانتها
لحد ما جسمى
حل تراب
يا ميت قبقاب
عليا
يوم ما حبيتك
دخلت القبر
كده برضه ؟
اعيش ف الدنيا
كالاغراب
واموت قنفد
ماتفرقش
ما كله شوك
على جسمى
وانا عايش
وانا مدفون

نقط القزاز
ف الليل
كما النجمات
يسبق سكاتنا
بخطوتين
دق الساعات
مر القديم بينا
يا ريته كان طول
نترجى فى الايام
رجوع
غداره م الاول
نقط الدموع
باقيه ومابتخلصش
تنزل على الخدين
تدفى الوش
ازعق بطول صوتى
هاااااااااموت
تيجى النهايه
اركع واكش
قرفصتنى يا حلم
كان حلمى
بس البراح
واسع لناس تانيين
وانا اخرى فى
 المطاحين
بودره امل
تتهف
يامبعترانى ايدين
على رجلين
لا شوفت لون كفى
ولا كتفى رمى حمله
قاسيت
مرا
على
صبرا
على
كلا
على كلين
وف كل كل الاقى
زاد الدين
وف عنبر المساجين
سجين
والله ماعرفت الحقيقه
فين
مظلوم وظالم
ظلمتين
وانا تهمتى
 مولود
مفطوم على
صبرى
فقران عدم
من حقى ماتالمش
من حقى بس
اللى بلاش
صلى وصوم
واركع وقوم
وارضى
ياااااااااارب
اشمعنى انا
ادعى واقول
محتاج
انا نفسى احبك
بس
مش نجده
ولا اسعاف

وبرضه الفجر
بيسبح
على نجومه
نشوف يومنا
كما امبارح
نعيد الكره
مابترجعش
نهار لابس
وشوش عيره
بيصبغ شعره
كام مره
لحد الضهر يتوضى
وتظهر شيبته
ف الملكوت
يغيب الصوت
ونتكلم كلام بالعين
وحبيتها وحبيتنى
حيطان بيتها
تثبتنى
اموت جرافيتى
على بابها
ياعم انت اللى
 خضيتنى
علاج القلب
خلصته
لاخر بق
تبات الحيه
جوه الشق
مايموتشى
فارقت الضحكه
من وشى
طناش الشى
لحس مشى
وسابلى المر
بيجزع
وانا اللى فرحى
متوزع
على الشرانى
والطيب
تلات تتلات
ماليا تلت
فتحت الراديو
وقفلته
سمعت الرعد
ف ودانى
مكان الست
انا الواد
اللى كان بيقش
وكل الكل منى يكش
طقش طاقش
ف ليل طايش
وخد منى غنا
وشخاشيخ
انا اللى الحزن
انتيمى
انا بن الحظ من يومى
تقول ازاى
اقول لخبط لخابيطك
وماتركزش ف الزحمه
بلا تفكر بلا دياولو
وكله حط على كله
وكام تكاميل
حمدت الرب
وانا راضى
وزادنى حياه
طويله السكه
من بدرى
بقالى كتير انا باجرى
وتنهيده ف تنهيده
تمرمطنى تهد الحيل
ايا كفى
 ماترحمنى
دا كف الدنيا لطمنى
خدودى تبات
على جراحها
تبردها دموع عينى
لحد ماقربت
 تنشف
قلوب البنوتات
 صافيه
بتضحك ضحكتين
م القلب
عجز طبى
غلب غلبى
وهما اللى مداويه
ربيع الدنيا ف العيل
جسد طاهر وبيكمل
مكاننا كتير
خلاص الحق خد حقه
وحضن العمر مين زقه
ف كومة طين

الليل عجوز
حب القمر
مع انه كاتب
ع النجوم
حكم الغلابه
فى اى كون
بله وقربع ميته
وحدى ومرمطنى
الزمان
خبطنى على
 كل البيبان
مانا كنت واقف
فى الكلام
علمنى رغى
وسفسطه
سديت ودانى
وقولت اعيش
قضيت حياتى
ف اى طيش
يالله وطنش
بس تهبش
قبل ما تغيب
او تتوه
معتوهه سكة
حلمنا
على اى جرح
تلمنا
مايهمهاش
ان كان محشش
ولا ضارب
ولا ايه
حزنى يا بنت الايه
شراع
ثابت على مركب
ورق
ماتكلبيشيش
حلمك
يا هبله
ف حلم عدى
 واتسرق
كل العزيز مات
من زمان
والقبر طول عمره
كنز
طعم الحنين
دايما مزز
يرعشنا لما يجليلنا
على سهوه
ونمسك فيه يفوت
حوشت قوتى
من السكوت
تحويشة العمر
اللى جاى
شايف عجوز لابس
عريس
متاريس تعانق
وحدته
بينى وبينك
كوم عيال
والقطر بطل
نركبه
عدى ف سنينك
طب ودينك
حسى بالعمر
اللى فات
مش فاكره غير
كلمه بحبك
طب لمين
ماتكمليش
قفلت شيشك
والقزاز
وقعدتى ليه
متقرفصه
وانا جنب منك
مش شيطان
كرمشتلك كل
الحيطان
ردى عليا
مارديتش
وانا مش
عجيب علشان
اطيش
باشت ايديا
من العرق
والعضم شكله
مش عنيف
الوانك المدهونه
طيف
روحى اعمليهم
دبلتين
هاتشوفى مين
يتحملك
العربده زى القمر
سكران وحلمى
 منتظر
بس اما افوق
هاطلع لفوق
هاشوفكوا
من بين
السحاب

زق زق
وشق شق
وزق الخلايق
تعافر تكابر
تصرخ
عنيد
تهيئ تنهق
وتزعق تبرق
تفوت ف الحديد
تطب ف اخرها
وتغرق ف شيرها
وخيرها ف غيرها
نهارك سعيد
حبيبتى اما نامت
وقامت
تجلت
تمنت تفشت
وزعقت
ماخلت
وشلت وعلت
عواطفى البريئه
وقلبى المداوى
جراحه ف ديقه
تتوه المعانى
ف نيرانها الصديقه
الامى كلامى
وشوفت ف منامى
حرامى بيسرق
وطنشت بدرى
وحمرى ف جمرى
ياواد هدى سرى
يشعلل زياده
وزايد يامرى
بتجرى بتجرى
وتلحق نصيبك
تكعبل تسرفل
وتلعب وتنفل
ف قهوه قديمه
عظيمه وسيما
يابنت اللئيمه
يتيمه الحقايق
تعيط تدايق
ولايق وعايق
ف دنيا الجريمه
وهات الكريمه
وخدها نواعم
ينام اللى قايم
يقوم اللى نايم
وفاهم وراقم
ونايم وهايم
تعيش الجرايم
تموت الف طيبه

اعلم ان
السكه طويله
اعلم ان السكه
بتطول
وانا ف الدنيا
عجيب متعافى
حضنك دافى
وانا مستغرب
حاصل ضرب حياتى
ف شوقها
يبقى الناتج
 شق طريقها
حلمت
فرحت
دبت كل صوابع
ايدها
ف قلبى
وسكتت
قول بتنكت؟
نكته سخيفه
دخلت فيا
زى الضيفه
وخرجت تانى
قول من تانى
اعلم ان السكه
طويله
اعلم ان السكه
بتطول
قول م الاول
عد صوابع ايد
السلم
انت بتحلم؟
لا باتعلم
سكن تسلم
قلبى شقق
مفروشه امانى
بس ثوانى
تاخدنى
وتهرب
حاصل جمع
الجسم
 مفاصل
شوفت ال حاصل
حضن بيضحك
بنت بتلعب
عين بتشاور
بكره منين
نن العين
 اتغرب
اضرب
اضرب
مش هاستسلم
كعبى الداير
قرفص
رفص
لما اتشنج
حلمى اتبنج
نام وارتاح
عشش شجرك
لوح تفاح
بس وراحت
قلعت توبها
وفتحت سكه
وانا محروم
كرمش واركب
طول اليوم
الاتوبيس فاضى
وشغال
شغل عيال
 طيب اخضر
لسه بشوكه
طب مستنى
يشق طريقه
اوبااااا
الحلم مالوش
رجلين
مين بيدارى
ع الحلوين
سين او صاد او ضاد
 او عين مش شايفه
حيطان البيت
نشفت عنبة بيتنا
وماتت
امى انا ماتت
وانا مدهون ع
السور جرافيتى
نفسى انط
السلك مانعنى
وفين يوجعنى
بس
نسيت
ارجع يابنى
وكرمش ورقك
صفحه جديده
اعلم ان السكه
طويله
اعلم ان السكه
مريره
وضلمه ويأس
وبتطول

ريحتك سجاير
وانا كنت قررت
انى ابطل
اخر نفس
دخانه ودعنى
ومشى
والله بعوده
تعالى ف الحضن
الذى حبك بجد
وخرجت من توب
الحضور والانصراف
اخر المطاف
ابيع حنانى ع الرصيف
مين يشترى قلبى
اللى ربيته
لقيت هدوم
من غير رغيف
الجوع ممرمط
جتتى
والبرد شاب
 ومفترى
ارحمنى
 مارحمنيش
خليك معايا
داحنا مالناش الا
بعض
وماتحسبيش انك
قفلتى السكه
طهر
وقعدتى تترجى
الاله
ماتمثليش
يارب سامحها
عشان ترتاح
اما انا حبيت
ودوقت الدروشه
حد المزاج
لفيت حجاره سبحتى
بفره ورا بفره
دخان وداخل ذكر
 خارج بوح
جسمى سفينة نوح
والدنيا حوت يونس
وعينيا شافت تفاحات
ادم
رفضت تطيع ابليس
حوا سابتنى عشان
ماحبتنيش
مانا شوفتها
وقت الشموع
واتنين عصير
فين الضمير اللى
 اختفى
وقت اللزوم
ولا احنا كنا بنبتدى
كوكب جديد
كان نفسى اضحك
من بكايا رجعت
الدمعه اقرب
 للجسد
مين يشترى قلبى
بقى؟
ربانى على حب
البشر
ورضيت

ريحتك سجاير
وانا كنت قررت
انى ابطل
اخر نفس
دخانه ودعنى
ومشى
والله بعوده
تعالى ف الحضن
الذى حبك بجد
وخرجت من توب
الحضور والانصراف
اخر المطاف
ابيع حنانى ع الرصيف
مين يشترى قلبى
اللى ربيته
لقيت هدوم
من غير رغيف
الجوع ممرمط
جتتى
والبرد شاب
 ومفترى
ارحمنى
 مارحمنيش
خليك معايا
داحنا مالناش الا
بعض
وماتحسبيش انك
قفلتى السكه
طهر
وقعدتى تترجى
الاله
ماتمثليش
يارب سامحها
عشان ترتاح
اما انا حبيت
ودوقت الدروشه
حد المزاج
لفيت حجاره سبحتى
بفره ورا بفره
دخان وداخل ذكر
 خارج بوح
جسمى سفينة نوح
والدنيا حوت يونس
وعينيا شافت تفاحات
ادم
رفضت تطيع ابليس
حوا سابتنى عشان
ماحبتنيش
مانا شوفتها
وقت الشموع
واتنين عصير
فين الضمير اللى
 اختفى
وقت اللزوم
ولا احنا كنا بنبتدى
كوكب جديد
كان نفسى اضحك
من بكايا رجعت
الدمعه اقرب
 للجسد
مين يشترى قلبى
بقى؟
ربانى على حب
البشر
ورضيت

كان نفسى احضن
كل انات الوجع
وماتختفيش
بس انتى
غاويه
اما انا
فخرجت بالقلب
المدان
استغفر الله العظيم
من كل ذنب
ماشفتهوش
وكتبته شات
فاكره اللى فات
من كام وسماعه
بمايك
على كام قصيده
كتبتهم.
متشكرين
يا حلم كان ملفوف
ف بفره
واتشرب
قلبى خرب
مش حمل انفاس
الوجع.
ولدين
وحاضنين امهم
والمتهم
ملحقش انه
يحب
زى الناس
ووهمت نفسى
ماتوهمش
لقيتنى موهوم
بالعبايه اللف
والغنج المتاح
صباحين وداقوا
ع الضلوع
كان نفسى الحقلى
صباح
او حتى ورده
اشمها
ف دنيا القرود
موعود ياقلبى
بالعذاب
هس انكتم
واخرس
ودارى خطوتك
مكتوب عليك
تنداس
لاسفلت دقنه
شوكتنى .
بوس وحضن
بلاعات
الارض
ماتكتفيش
الذنب مش ذنبك
بقى
عمرك ما عيشت
السفلقه
دانت ابن ناس.
امك
بقالها سنين
ف بيتها
روحلها وحطلها
خوص.
ولا انت
مستغنى
غنى بقى غنى
اصل السمع
ببلاش
مانتاش حزين
افرح لوحدك
مانت مين
واحد وضمن
فراق
وداق
لحمك
وتفه
بالذمه ليك نفس
ف دموع
وانت بخدود
متكسرين
طنش ومش
 هاتموت
اصل العذاب
قفل
محلات الشقا
وروح
قوم بينا نتطوح
ع الذكريات
ونحبها

اصل السكات
يعمى الكلام
والمرمطه اصلا
حرام
يبقى السكوت
حلو الكلام
كل اللى جاى
 زى اللى راح
تفتكره ديق
 تلقاه براح
شمعت فتلة
خطوتى
وعجنت شوق
ف محبتى
جريت عليه
كل العيال.
الفرحه
 وياهم
وقت القمر
 ماينور اخضر
للنجوم
هما ثوانى ويتقفل
اشارات مرور الكون
تبوظ
قضيتها ف الدنيا
حظوظ
مانا جاى فلته
فى الزمان
اللى ارتشى
طعم الحياه
حطيت على
كل الحيطان
تاتش السنين
واهو كله ف الدنيا
مجرد لاستلاف
والاختلاف
شكل العطا
والرد يبقى مرمطه
على شكل ريش
بلياتشو كان حلمه
يضحك بنت ليل
مالقاش معاها
غير  فخاد
تحت الشجر
نفضلها وكمل
طريقه نكتتين
مع ضحكتين
ضحكت عليه.
..........
تحويشة العمر
الشقى
مالهاش لزوم
والصبر خيط
لو تغزله
مايكفى
 عمرك
حتى
خرق هدوم
هاتصوم عن المزه
التى فرشيتلك
الارضيه خيش
ولا تعيش
حد اما ضهرك
ينحنى.
او تتنى وتندم
وتدروش....
مشمش وعيشت
حياتى خدامه
وفرطت خرزات
 سبحتى
زهر وقواشيط
 ع القهاوى
 السرس
والعمر ترس يلف
ترس
اما اتهرست
 تراب
لعبة عذاب
يلعبها ناس خايفه
مابتحبش
طنش وسيبك
دى الحكم
ماتت
والمحسوبين
 ع المصمصه
ياما
يامه الهوى يلطش
يابنى وايه وداك
دى السكه محسوبه
ابيضها ضيه بلاك
اغسل وشوش الناس
وانا مين يوضينى
استنى ع الشباك
يطلع ف ميتينى
والشمس ماتزورنيش
يامه انا درويش
يابنى ملاك الريش
طاير على عشى
تحتى براح زايف
والله مانا خايف
وان جيت ف يوم
امشى
راح اسيب لكم
حواديت

زعابيب امشير
بتقولك فوق
وانت ماتدراش
على عينك شاش
حاضن وش البنوته
ف اخر منظر
لما استنظرت
 تفك
زرارك وتعريك
كنت بتحلم
ولا بتستهبل
على روحك
كان كل طموحك
تعدل شفايفها
بريقك
ياهبل
غمض عينك
واسرقها
خليك استاذ
دى البنت بنوت
حلمها تدفى بحضن
وبس
التوته مضت وياك
عقد السلويت
مشروط ببنات الليل
وانت اتخضيت ف الاول
بس استسلمت
حبلت حيطتك
(اه يابن الكلب
اتمرمغ شرف العيله
بدون تنفيذ)
اتوبيسك وانت صغير
كان محروج
يلحس لاسفلت
هههه
كان حد عبيط
هاتصلى كتير
ياخى ام غبائك
هى الجنه تعوز
 شهادات
دا التعلب عمر
انما مكار
والله
 عارف انك
محتاج.
يديك شباك
ومعاه مفاتيح
صحصح يا فصيح
ربنا بيحب البنى ادمين
والبنى ادمين بيحبوا
ف بعض
شوف ام الرد
لكن على مين
ربنا عارف انك
انسان حيوان
ابليس وملاك
وبيستناك
تضحك ف مراية
ارضك
لو تخاطيف
ودعت الصيف
ولبست الكم؟
وداريت شعرات
 دراعاتك
رحمه ونور
طول عمرك
 وارث
رد الفعل
خليك ف السهل
ومستعبط
وافشخ
فتحاتك للاباليس
واتزغزغ واضحك
دقنك تحضن سدرك
تتحسر
وتفوق
تبكى وتتمنى
ان الفرض
يكون تراويح
تتبرى سجاده
ف سجاده
من خبط دماغك
يلعن ابو داغك
كل الارض ملتها
زبيب
وبتستنى
تنام مش عارف
لساك خايف
اطمن
حب
وهو قريب ليك

انا كنت واقف
ع الطريق
واتنين حجر
حاضنين قلوب
القطر يزعق
ع القضيب
وابن العمومه
ما همهوش
جرنالى محدوف
ف الهوا
صفحه ورا صفحه
ويا مين هايقرا صفحتى
والبنط هايعلم
ورق العنب سلم
من نظره للحبتين
مع ان جسم المره
صفصافه على جميز
ع السطح منشأنا
وسط الغسيل ع الصبح
يابت هاتى من الكبار
وتعالى فى الدروه
حلوه البنات ف الصبا
والسدر لموناته
وانا كنت عيل
شقى
والبلحه بين الفخدتين
نابته
وقت المدارس وجب
شوف الصيام من رجب
مخلايق وليها العجب
وسط الكتب تقرا
يا راكب البقره
مادريتش بالفاعل
الحلب على ودنك
والفعل بين رجليك
حنى الايدين والنبى
بالفكه ف المصروف
اعمل بقى معروف
انا نفسى اجيب الحرف
دى البت ف الشباك
هبله ومادريتش
ان الصحاب اتبروا
من كتر ما حكيتها
خمس سنين والنظر
دمع على حالى
يامه روحى لامها
وهاتيها على بوزها
يابنى القدر باعك
وراماها ف العتمه
كلمه ف روح كلمه
انا قولت اسيب
نفسى
دمعت على نفسى
وانا ياللى كان نفسى
ف توب الحلال
ولا جاش
ف العشق انا اتعريت
وشافتنى بنت الايه
صرخت بعلو الصوت
احيه على احيه
بليت كيزان الهوى
مرا على حادق
كانوا كلهم صبيان
ماتوا من السرقه
ماهى مش كتير
فارقه
ولا حتى حصوة رمل
ياللى خلقت النمل
ف الصحرا
ارزقنا زى النمل

بين الف اااه
والف اااه تانين
بنتولد بين الاهات
عايشين
والليل ف كتف الليل
بيتدفى
محلى اللقا ساعة
سكوت الحزن
وكلام الشقا
فيه ايه بقى؟
هو انت ميت ولا فين؟
انا بين شفايف غنوتى
مش عاوز اطلع
مش عاوز انك تعرفى
انى دموع
ملعون ابو الكسره
ف مراية حبنا
زى الضنا ف اليتم
مستنى الحنان
اقسم بذات الله
بحب بجد
وساعات باحس بانى
قلب وبس
ارجوكى لا
ماتصدقيش
خلينى اعيش ف الدنيا
دى مفرد
اصلى اما خضت
التجربه
مت بصحيح

انا كنت ماسك
قلبى بالايد
الشمال
والقوس يلملم
ف العيال
مستني دمعات البنات
يتجمعوا
لحظة ماكنت ف صوت
الامى باسمعه
حضنين من الذكرى
وعزفوا احلى نوته
ف الحياه
بين قلب كان بيغنى
يوم
وقلب كان بيسمعه
الله عليهم .
كان نفسى تانى
يرجعوا
من غير سبب
يقف ما بينهم الف
ضلع