مولد قزاز
وخلق دايره فى الفضا
والمنشدين لسه ماسكتوش م الكلام
شى الله يا ست الحسن
خضرا منوره
على كسوة الكعبه اللى دهبى
هيادى مصر اللى اتولد فيها
البنات
والصبى اللى بسيفه رقص مية فرس
مغرم صبابه والنبى
دستة شموع
لا دستين
على قبر سيدنا الحسين
والذاكرين الحامدين الشاكرين العابدين
ومكبرين وموحدين ومصلين
يامؤمنين
قامت قيامة فجر
زقزق فيه طيور
هيادى مصر تمد ايدها للبشر
هيادى مصر اللى وطن للانبيا
والاوليا
والفقرا ويا الاثريا
واللى ماليهم صبر
واللى ماعندهومش
هيادى مصر اللى حكم فيها
وداق من شهدها
اصله غريب
مش عيب على انى اقولك
كلمتين تاهوا فى حبك
مانا يا مه منك
معجنى لونك فى الفرح وفى القسى
مع انى مش فاكر قسى
الا اتمحى من نظرتين
منك يامصر

اشتقت اليك فعلمنى الا اشتاق

علمنى كيف اقص جذور هواك من الاعماق)

وكانك واقف وسط الزحمه

مستنى المطره تلامس خدك

وكانك واقف وسط طابور

مافيهوش ولا حد الا حجاره

يمكن تكون واقف بتتحامى فيهم

لاكنك رافض تبقى من الجنس اللى اتحجر يوم

(اشتقت اليك وياما اشتقت

لنسيم عابر للاركان

وعطور تمحى زمان الوعى )

من على ضهر حصان العيد

والمرجيحه والبكاش

وسط

البلالين المنفوخه نفس مسموم

ولا هدومى اللى انا حسيت انها مش لى

وعلى الرغم ان فرحان

لاكن حاسس انه حلاوة روح

imiss u

وقالتها وهى مسافره بعيد

مع انى ماشوفتش يوم

صوره منها

وماكلمتهاش

ilove u

وسط الدباديب الحمرا ف عيد الحب

ونسيم الصبح المتعفر قبلات

وباقوم وبا بات

على حضنك لما بيدفى على

ويزق الكون

يوسع

لما عشقت باريس

(نسينى الدنيا
)
وبكلمتين منك كانت حروف اسمى
لما عشقت باريس طفله فى نوم حضنك
ورسمت من قلبك كل القلوب فى السما
ILOVE U
هى الحقيقه اتنين
ولااحنا متواعدين
من غير معادكنا
احنا ومش احنا
فوق الجبين مكتوب
رسموا الهوى دبدوب
احمر فى عيد الحب
IMISS U
كلمه لها معنى
بس مع غيرى
لانى طير واقف
على طرف شباكك
هاتوحشينى ليه
وانتى اللى جوايا
راسمه الشجر بى
معجونه حنيه
هى ومش هى
دا اصله كان مكتوب