مظلوم
وانا عارف ان الشر
قصير طول عمره
مابيدوم..
الظلم بيجرح فينا
بيجيبنا وبيودينا
ونروح للناس بايدينا
اتاري الناس مستنيين
بالغدر بيلعبوا بينا
ولا حد يشد ايدينا
يازمان تختار لينا الغدار
علشان يسود ماضينا
...
مظلوم..
والظالم زي الفل
وداس الكل
مادوقنا الذل
مافيش فيها حل
غير النسيان
مظلوم..
الغدر منشف دمي
مذود همي
وناري وسمي
اعيش ف امان
....
عيني علي اللي انظلم
مات في الحياه واتحرم
احنا اللي اهل الكرم
وطينا للي خان
ياروح مابعدك روح
ايه اللي تاني يروح
آخر حلاوة روح
خلصت مع اللي كان
....
مظلوم
وانا عارف الشر
قصير طول عمره
مابيدوم

دلوقتي بعد دا
كله
جاي هاتقولي ايه
جاي بعد ماصدقت
انسي حرام عليك
انسى أن يوم مابعدت
عنى كنت وحدي
اتاريني كنت بحب
وماصعبتش عليك
..
طب ليه بترجع
وانت اول حد ساب
وسيبت جرح مابين
مشاعري
زي ما قال الكتاب
مش عايز اسمع
 اي كلمه
ولو بحبك
مابقيتش عايز اشوف
معاك الاكتئاب
..
صدقني كنت ابو قلب
طيب من زمان
باندم على وقتي
اللى كنت فيه برئ
حرام تكون المستفيد
م الناحيتين
انا الوحيد وغدرت فيا
ومش برئ
..
طب ليه بترجع
وانت اول حد ساب
وسيبت جرح مابين
مشاعري
زي ما قال الكتاب
مش عايز اسمع
 اي كلمه
ولو بحبك
مابقيتش عايز اشوف
معاك الاكتئاب
.....

الجرح نازل كالمطر
ف عز الصيف
والحزن فكرته هايمشي
زي ضيف
مكسوره خطوة سكتي
وباقول جريح من دنيتي
.
حتي الصحاب زي البيبان
من غير بيوت
والقلب من جواه الفرح
مليان سكوت
عجبي عليك وعجبتني
يازمان معلمني انحني
ياروح مابعدك روح
منا كنت ساكت جوه
مني يمكن ترد الروح
كتر القسى بالشكل ده
ويا الخيانه المدرسه
خلتني مني ابوح
...
الشياطين انواع
فيه للكلام بياع
وفيه علينا يجور
والخلق وطى خلاص
راسه مابين الناس
بقي زي ارض البور
.
البحر كان استاذ
يرمي لحياتنا أساس
عمره لبناه مايهد
الطيبه صبحت عيب
يتبرى منها الناس
يازمان مافيه احساس
الحلو فيك يتعد
..
عيني يا كل اللي اتغدر
وحمل همومه ع القدر
فيه رب ليه بيشوف
اهي دي الحياه من ده
 وده
فيها الجراح بالشكل ده
للفرح مش بنشوف
..
عجبي عليك وعجبتني
يازمان معلمني انحني
ياروح مابعدك روح
منا كنت ساكت جوه
مني يمكن ترد الروح
كتر القسى بالشكل ده
ويا الخيانه المدرسه
خلتني مني ابوح

قالوا مش راجعين
قالوا بينا فراق
قالوا عيشها حزين
واحضن الاشواق

واتخدعنا من كلام
له الف معنى
كل يوم بيعدي
نكتب فيه وداعنا

النهارده وكل وقت
يعدى بينا
نفتكر لحظة رجوعنا.
واللي فات مات
 من زمان
....
شكرا يا ٣٠٠شكرا
درس اتعلمنا فيه جدا
إن إحنا الحب لينا وبس
دايما مع بعضنا دايما
قلبين علي بعضنا قلبا
واحد آمن وواحد حس
ايام الغربه معدوده
نتلاقى الكلمه معدوده
حرفين ومن الحروف تلمس