كل بن ادم
عابر سبيل
شايل بقايا
الخرج
كل بن ادم
درويش.
.....
يا صاحبى ليه
تمن الحقيقه
سنين....
...
من بين قوسين
وزعت تحويشة
شبابى
على البنات
وماشافش قلبى
غير تشاريخ
الخريف.
حبيت ف حضن
الريف
افرح
لقيت شقوق الطين
بكت.
كل بن ادم
كتب ديانته
ع الملأ
انسان
وطنى يا شبه
مكان
وركنه ف الحيطه..
..
على وش قهوة
صبح
ضحكت
حسيت.
ولا مايمهمش
اصل اللقا
مايسرنيش..
حبيبتى كانت
ملو عين القمر
ضحكات
وانا بالذات
كان نفسى
انضر لها
لاكن عينى من الدموع
باشت..
وغدوت اعزل
 جتتى
لجل ان
 ماتلحمنيش
قفلت شيش
الطلب
لما ايديها اطمنت
ف حضن كف
غريب
كل بن ادم
عيب
بيطل على سطح
الترب
اقفل قوسين
الزمن
وانتهى
وهات مابعدك
كاااام.
معرفش.
قل لليتامى
مدد
الجاى تنوره
تلف بين البشر
قلبا على احوال
على ترحال
على برزخ
على ياما
مستنسخ
ونعاود المشاوير