لما ييجى
الكون يشقشق
نحضن الاحزان
نخاف
حد شاف الحزن
قد ماحد شاف
ضمتين لامى
ف عز الحلم
اصحى
لجل اكمل
 ضمتينها
ف المفيش
حد يعرف
يعمل البسبور ؟
غربتى زادت ترابى
بور
بورسعيد اجمل
ماشافت
حلمى من وانا
لسه اخضر
مين يقدر
؟
غيرها هيه
هيه من شافت
بدايات التمنى
لسه فاضل
خطوتين
من الف خطوه
يرسموا المشواير
ب جير
او بلاستيك
جسمى م الشتويه
تك تك
مش ب لك لك
انما باكتب
حواديت البشاره
والاماره ف سر
تدوين الايات
السنبلات
موسم الحج اللى
جى
زى موسم حج
فات
كام شتات
على رسمة
 البلاطات
ف اولى
لسه سنه اولى
اللى جايه
مش هاتيجى
واما تيجى
نستلفها
واحنا معناش
الردود
كام ولد ولدين
ولاد
ماتوا  مات
او ميتين
واحنا مملكناش
دموع
 الاى حاجه
ف اى ليله
ف اى مولود
عجوز
قدرة الرب التى
تخرج الاحياء
من الليل العبوس
ف الكابوس
 المذبهل
موسم الاحزان
يهل
تلقى كل الكل
مش عارفين
حنان
دوس بقى على
كل
من خانى وخانك
ماتلقيش
نفسي اعيش
او نفسى اموت
مره تمر
ومره توت
بس ايه معنى
التابوت
حد فتش ف
الحروف ؟
دوده قز
تنز صوف
ولا اشوف وابدأ
واعافر
مين يقول ع الحلم
كافر
غيرش كافر
بالمعانى
حبتى طرحت
وكبرت
بس بعد الطرح
مين
ياكل ويشبع
واما يرجع
مين يبلع
بالسقايه
وسط شق الطين
جفاف
حد هايقرب ساعتها
ولا تلقى الكل
خاف