الشتا 
ومن قد ايه
مليت
حزين يا حضن 
البيت 
هاتفارق
الجته
وحدك حزين 
ف الصيف
من غير سكن
ولا ضل
وف الطريق 
ضليت
تكبر 
تعيط
من فراق 
الصغر
مانا كنت 
مع جيب 
غيرى 
مابتفرقش
دلوقتى جيبى 
رفيق الحاجه
للمليم
ولا عادش بيت 
النمل 
بيلمنا
الشاشه رابطه 
ف جرح 
جيلى 
قطر 
زاحف بنت 
بفيونكات
وطلبت انا ايدك 
زمان
سيبتينى متعلق 
لحد ماشيبت
دلوقتى ميت 
بس باتنفس
على اللى فات
حلمى اما كنت
كبير وانا عيل
الله على توب
القماش 
دوب فلنات
فى الغسيل 
الحى 
من عرقى
حنية الكستور 
تلاحقنى 
اغرق يابوز 
الاخص 
ف اللذات
ابليس حضن
الوفات كتير 
غيرى
واما حضنى 
الشوك فلق 
جسمى
ف جهنم
 اللى لونها
ماشوفتوش
غير ع اللسان
واهو كل شئ 
احمر
فى الشفه 
خفه 
بس مش مالكه
ولا حتى بوسه 
ف الهوا طايره
بايره يا ست 
الحسن 
من يومك
رغم ان قمصان
الجواز 
عملت بدالك 
دور 
ع الشماعات 
وانتى لحد الوقت 
تستنى
انا قديم 
والمبتلى جسمى
اسمى الثلاثى 
من 
الشقا والمر 
مسكين ياحلم
التمر 
ماكملشى
هامشي وابيع 
الفرح بالوقه
وانا فرحى
بالزق
اما بيعلم
................
هاسكت
.......