قسمت ال حيلتى
شوارع
ولجان شعبيه
الاشتغالات صلب
الموضوع
م الخوف والحزن
باختار الزخنق
ف الحيطه
وباتقرفص
يحضنى خيالى
ف حجره
اطمن
فاكر الجمعه
٢٨
٢٠١١
طب فاكر يوم
كدبة ابريل
فاكر حمدين
طب ايمن نور
طب كل الناس
فاكر الاحساس
وانا والبنوته
وبينا جيفارا
الحلم
طب فاكر الظلم
ياااه قلبك مش ناسى
البنى ادمين
كان نفسى
اشوف الحريه
اركب تاكسي
تلقاها عماير
بتطل على رغيف
مرشوش بالرسم
على البانارات
طلقت سياسه
شد الحبل
من الطرفين.
وثقافة مين بيركب
مين
جربت الدين
سدتته على العمر
اللى اتغرب
وما جابش
العيش
اخرتها نصوم رمضان
ونقرص كحك العيد
ديفوهاتك
ف الاوقات
خرق
التركى
وياريت تلاقيه
خليها عمار
افهم يا حمار
واقرا المشهد