وغلبت اشقشق
خطوتى
بس النهار
مليان غيوم
الشمس فاتت
حيينا
عدت جراحى
ماكملتش
الضحكه لون
على كل وش
والحزن متغطى
بقلوب
عايشه يدوب
من كام الم
حط صباعينك
ع القلم
واعوج سنان
المسطره
اصل الثوانى
ممطره
 ع الارض بركه
من الساعات
تلقى الربيع
انتيم خريف
مستنى صيف
ساب الشتا
فاكر زمان المعيله
خليك هنا
ونفض يالا
وقت اما شككنا
النهار
علشان نصبح
 ع البنات
الحلم كان ف
 الكرسات
واخرنا كان
رسم القلوب
وصايبهم السهم
العزيز
انا كنت واحد
من اللى كانوا
مفكرين الدنيا
بيس
اتاريها حبة
وقت
سقط
وتلقى واحد داس
زرار
المعجنه
ولاقيت دراعى
ف كف تانى
ورجل تانيه ف
جسمى انا
لخابيط كتيره
وبالعبيط
والجرح داخل
ف الغويط
متالمين لكن
نزيط
ماهى امور
الابلسه
بسبست على
 حلمى
ماجاش
اه يابن بنت .....
لقيته باش
مظلوم وظالمه
ومظلومين
لاتنين وظالمنا
الهاويس
الحمد لله
الذى
انقذنى م الليل
التعيس
انا بس نايم
واما هاصحى
هارقع الحلمين
ف حلم
يطلع نتاج
كابسوين
وتدبيسه
وتلبيسه ف عامود
طافى بقاله كتير
تابوت
للعصفورات
الطيبين المحتاجين
طعم الدفا
طيب يا صبر
واخرتك
انا خدت منك
بالقفا
شوفت الشفا
وقت العفا
واخدله جنب
ماكلموش
قفلى على كل
الرموش
شم النسيم
قرب وجاى
وماحيلتى غير
بيضتين
يدوب يتلونوا
وهاقضى عمرى
فى الشكك
حتى الدموع
بالاستلاف