شوف الشبه
ف المبتدا
حكايات حياتك
تنتهى
ف المنتهى
عيل صغير
كل مره بيتولد
وسط العيال...
تنشف دموعها
ع الورق
وتغطى عين
 العميانين
سلف ودين
بين الاساور
والصدف
قلبى اتخطف
والاوده متر ف متر
بس براح
جسدى النحيل
اصله جذور
تفاح
وتوت
القطر عدى
بس كله بالمشاوره
بينتهى
يابنى خاف ع البت
اكتر من عينيك
والبنات مش محتاجين
غير الامان
مع مين
استغربتنى
الهدمه يوم ماغسلتها
ف الحوض
وانا رجلى ورمت
من حفاها
دفينى يامه
امى مش فاضيالى
وادخل اقول
يا دار قوم مؤمنين
منكم حزين
اقرى السبع ايات
واسلم باليمين
الخوص ينادينى
تمهل
ف القرايه
يارب سهل ع العبيد
صلى على طه الحبيب
قلبك يطيب
طيبه الملاك
دائك دواك
بس،انت اصبر
ع الانين
ماتخافش م الموجه
البحور هبله
ماتحن وتطبطب عليها
وروحلها
مستنياك