كل اللى حيلتى
حَبتين الصبر
على حبة كلام
على بنت لسه
صغيره
مَوؤُده ف الحلم
القديم
الطعم لسه بيتولد
مع كل طلعه
شَق بيت
وسط الحيطان الطيبه
المعذوره
ليه محتاجين برواز
ويُحضنَّا؟....
....
فكيت إيديا وقولتلَك
يالله
وماساعِدتنيش
مسكين يا كف ولَف
على بعضه وتعب
ايه ذنب سهر الليل
بدون آخر؟
والصبح تَقْضيِّة فراغ
..
قُل للحزينةِ تغتسل
ف على الوضوء
الاعتذار
ماءٌ ومِلحٌ والقمر
مدٌ وجذرٌ واحتضار..
إياك و ضوء الشمس
ف بداية ميلاد
كتر العيال بيطمنوا
الواحد يعيش
قل للحبيب فانه
قلب احتياطى
صلى على الناس
اللى ماتوا كلهم
واذرف دموعك
ف الدعا
وصلى من اجل
 الملاك
مشتاق قوى
للممنوعات
والجسم رافض..
معقوله يوصل سجنى
بين قضبان ضلوعى
للمشيب
ماقدرش اقولك حبتينى
واسألك
من حقى دمعات الفراق
أخَّرتَها.
حوِّش دموعك يافتى
يوم العيون ما تجِف
عمرٌ بكَى
بتاريخ ميلاد العين
أمى وابويا وجدى
ف شهادة ميلاد
سيلفى
شايلينى شيل
الله يجازى مكتب القيد
الذى
جَمَّعنا يومها ع الورق
حد الممات

##هانى_السويفى#