الباقى م العِشرَه
قلبين على ماتُفرَج
على قفلة المُخرج
والحزن فِ الكواليس
الباقى م الروايات
حلم اتملى حكايات
صوت أنِّتُه نايات
حشرج على حزنه
الجاى مع إنه
جرحين وحبة قهر
منقوشه ك الحنه
ف ايدين تمَامها القبر
احنا اللى عيشنا سنين
جبر الخواطر صبر
مش مُغرمه دنيتى
ولا فيها مصلحتى
الباقى من الحواديت
قشر اترمى تحتى
عجل على أجل مش فارقه
غير مدَّه
جسم الوجع تراحيل
عضم القلوب صدَّى
دمع الخدود قابضه
من نن عين ماعهوش
الباقى منه رموش
ياعم عيشها رتوش
وهاتلى م الاخر