كمين والعتمه منصوبه
إيدين ف العجز مكتوبه
امل زايف بطعم الشوق
بيستخسر اهات فيا
أيا بكره الغياب بِيجِن
وكتر القُرب بيعجِّز
ياسلسال الجسد بيحِن
للتباريح
أسير الريح مع الطيبه
عيدان الفَجر مغصوبه
تنول العِفه
مع إن الغرام
للصعب بيعَلم
وطول الأُمنيات تِكرَه
خطى قلبى وتستَعظَم
بإسم الواحد الأعظم
انا مَجدُوب
ورب العَشرَه
واتنين ع الرصيف باتوا
بلا ضِحكه
ماعَكش البارحه الفَكَه
أبعتَرها على بُكره
تلَوِن إيه؟
تلات الوان وتوب اخضر
ماتستكفى الله يِسمَحلَك
ماتتكلمش
غَمَضت الرِمش وحزنت
اما يومها اتبعترت جنبى
ولا قدرتش أداويها
حبيبتى ليه وحشتينى
يابنت البركه وحِفَان الحنان
يخونك طيبين بيننا
على حَلِت ضفايِرنا
وكام برواز قضيناهم على
الترحال
بلغتُ الثالثه الكبرى
فَكَمِّ الفائتات أحزننى
واتمكن
وان أمكن
ياريت شعرِة سواد
فاتت ف تسريحه
تجيب عيل على الريحه
وفارق عَشْرِتِين منه
انا ماشبهش لون بُكره
ولا امبارح
غريب والعَجَبَه ع الراوى
مسكت الحِنه ونقشت العيون
سالت
وبَالت منى على خدى
سؤال ممكن
قليلُ الماء يطَهِرُنِى
أم المِنديل يجفِفُها
بِجِمْلة يالله ولا حاجه
فامِش محتاجه تتعذر
ولا تنظر
بمَسح الكَف من أعلى
على أسفل
على مُستفعلٌ خالص
يدوم الحال
ايا ترحال تاخدنى ولا
تتركنى ماتخدعنيش
انا ماعْييش
غير الدعوات
فأسالك الاله الحى
تتركهم
لعل الكون
 هايتغير