العدل ف الاثبات
سلسال صحيح الكون
طول ما العَجَز مضمون
بطول الدنيا وزياده
والحق ع المعتاد
و الفبركه تأسيس
طول ما الغياب بيطول
والعهده على إبليس
إبليس أيا مظلوم
مواليد على كتفك
عِتَم القلوب مَكْلوم
لفك على كفين
شماعة الدنيا
مقسومه ع النصين
حادق على حرَّاق
دقِّت قلوب الدواقين
حرقه وفرقه للبشر
والملموسات
لله فى خلق القلوب
آيات على عِبره
فلنعتبر ذكرى
لمن يأتى..
ف لله أقوام أبت
ان تصتلى
وقلةٌ م المصتلين اكتَوَت
يانفسُ يا من هوَت
هوى ف الأثر زايف
سبحانه من يَعرِف قوام
الشاكرين.
الحمد لله الذى
رفع القلوب بلا عمد
فى جِيدِها حبل الحقائق
ينسدل ع الموبقات
 فتنحنى..
الشيخ أعطى سره
حار المريد لعلمه
طعم الحقيقه مذاقه
عسلٌ مصفى
ويلتى
آه من الآهات اواه أنا
فالباقيات الصالحات
خيرٌ وأبقى
......
##هانى السويفى#