كمالة حب
على اصلا
حبيب تانى..
كمالة قلب
ايه يعنى ؟
بيستكمل ف دقاته
هنا عنوان
وكان واحد
ومات ف الزحمه
م الحيره
هدوم العيد بتستغرب
على حاله
ومالبسهاش
ما كنا اتنين على الاخر
وبينا حب كان فايت
على ذكرى وكام تجاعيد
و خد وكان حزين نايم
على الدكه
هنا السكه ف اولها
ممرمطنا الزمن فيها
على الشمعه
خلاص قصعة ضفايرها
بتملى الذكرى
وقت وفات
هنا امى على شالها
وجاها موت
هنا العفريت مخوفنى
من ال بكره اللى لسه
مجاش
هنا الاوباش
هنا البكاش
هنا من عاش
على ماتفرج
اسير القبر ف المخرج
ملاك طالع ملاك نازل
والف حساب
ومفتوح من رصيد العمر
يا ايوب الدفا والتمر
والتصابير
ماشوفتش بير
اخد يوسف لحد السجن
لجل يعلم التسابيح
ف صوت داود
كما يخشع له الملكوت
ف بطن الحوت
ويلفظ تفاحات ادم
على الميه
انا استتشق القدره
الالهيه
اكون صابر
على الوحده
يا طوب الارض صبرنى
وبزياده
وكالعاده
ف صوره وكله يتبروز
حفان الدمع بتبوز
ولسه ماجاش
#هانى السويفى#