انا الصبار بلا ميَّه
ونَابِتْ فوق خُطَى حلمى
سألت الارض حِنِيه
طَرَح شوكى على
جسمى
ينِز أﻵم
انا اﻹلهام
لكل المجروحين
يبكوا
انا المَشْكو
 من الأفراح
عشان قطَّعت ضحكتها
يا مكتوب ع الجبين
تَرْجِم
بلون تانى
عشان نعجب
ايا مُذنب بلا لَومَه
ولا ذَنبٍ
فلا عَجِبَ القلوب منى
ولاكنى عشان صابر
ياريت طامر
ياريت عاجبين
عناق الشين يِفَزَّر
 كل ضلعينى
وخُد راحتك وطمِّنى
حنين لﻷرض هَمِّلنى
لغاية أخرتى السامعه
تفَّوِت منها كام دمعه
جُداد يِشتَاك بهم خدى
يقولوا هاموت
أقول عارف
لاكين صعبان عليا الدود
لا يتشوِّك
وهو بياكل الجِتَه
ولا يشبعش