لسه العيال الطيبين
والحلم لسه ماستواش
يعجبنى فيك طعم الندى
لما بنهرب
ساعتين وجايز حلم
بس بيتحكى بينا
وباحس ان الكون
عينيك..
.الكون
وكم الاسئله
وبراح بيطرح نفسه
بين الكلمتين
واتنين مابينهم طعم
 راحه
وبخاف اسيب الوقت
ياخد منها
نظرة عنيا
انا نفسي اعيش
وكفاية غربة ....
..
عجبى عليك وقت
الطفوله المفرطه
ما أخدتهاش
ومرايتك الانتيم
حزينه
وانت حواليك
المشيب
طيب مافيش آخر
غير البعاد عنى
مستخسرين عايشين
مستخسرين أموات
والحضن غمضة عين
مع لحظتين تسكين
نفسي ونفسك
واحنا لاتنين طيبين
لاكن مابينا
سكوت
😕😕😕

............
هانى السويفى