ابليس دمع دمعته
على الشهيد يا خلق
واتدارى من قهرته
بين الحيطان والشق
حاول يشد البنت من ايدهم
داس الخسيس بطنه
لفظ الشيطان شهقته
وهو بيحاول يمسك ايدين البنت
حتى الابالسه كمان
بيدوسها الف جبان
زى ماداسوا زمان
على الملايكه امر؟
اهتين على اللى صبر
والاهه من عندى
ياما قولنا على اللى حصل
دى سحابه وتعدى
رغم ان لون القمر اسود ع الاخر
والنوه صبحت قمر اه يا مطر ادى
يمكن يكون فى ميتك رحمه
ترحم سجين م الجلد على ضهره
وتعوضه حرمان سنين قهره
وتشد ايد المحتاجين
للمه فى الميدان
ومهما صوت الصمت يلحقها
تمد ايدها تكسر القضبان
قبل ماييجى الموت يفرقها
ماخلاص كلامى خلص
ولا عادش لى مكان
متشكرين يا زمن
على حبسة الاخلاق
متشكرين يا زمن
على سنين الضيق
الصبر منك فرغ
ولاعادش لينا صديق
يرحمنا من قهرنا
موهوب و رائع
ردحذفمتشكرين يا زمن
ردحذفعلى سنين الضيق
الصبر منك فرغ
ولاعادش لينا صديق
ـــــــــــــــ
صدقت والله يا شاعر الأحزان
تحياتي لقلمك وحِسك الراقي
أختك
سيدة الشولي