مش قادره اصدق
كل عمرى عيشته ليك
من غير ماشوفك
كنت ياما باحس بيك
والمس كفوفك وانت بين ايدى
خيال
واحس خوفك من عينيك
وانسى المحال
على قد عمرى
عمرى كله قضيته ليك
حسيته وانت معايا
وايديه ف ايديك
كنت اما اشوفك باتولد
وباقول ياريت
تلمس خدودى ايديك
واعيشك فى الخيال
____________________
يادى الزمان اللى جمعنى
بيك وليك
متشكره على انى فيك
لقيت مكان
ولو الزمان يرجع ولوحتى
يومين
كنت تلاقينى باحلمك
كل الحنان
متشكره واكتر من المتشكره
احساس كتير
ياحلم عمرى ياللى شوفته
دا مش كتير
على كل صبرى اللى كان
واللى نهيته من زمان
حبك كبير