حدود..
اطراف اصابعى
تتوخى الخطوات
شنطة سفر
عند اخر نظرتين
سيبت الوطن..
لا تدمعى يا حبيبتى
فانتحر على خدك...
كلك مستنى لاخر
شهقة عمر
شبابيك بتمد ايديها
وتستقبل
روحك
...
صعبان عليا اسئلة
بكره
انا ذنبى ايه
يا خلفة امبارح؟
ولا ذنبى.....
ابتر سيقان المرمطه
ف بدون قدر الله
لا ترتزق...
(ما أهون الدمع الجسور
اذا جرى
من عين كاذبة )...
حبينا بعض
مافيش جديد
(الاسامى هى هى
والنفوس اتغيرت)
وبقينا اشبه بالخريف
صاحبى وكانت بيننا
بنوته بضفاير
تكتب شويه ليه
وشويه ليا بحبك
علشان مانفضل
مبسوطين
سلف ودين
انا باكتب القلب
اللى يعرف انتى
فين
لكن خلاص
...
اتقطعت سبل الرجاء
فالرب لا يعرف
حكاية كدبه بيضه
والدعاء على الحزينه
حرام...
(قد قام شمر للصلاة ثيابه)
الله اكبر
قد داسونا بالجذم
وسابونا نهتف
بكره منا بالشلم
....
طفل بكى
والباقيات الصالحات
لف ومديح
.....
انا كنت واقف
ف الاوله
والتانيه
حدة ما شيبت
والثالثه تأتى
تصيح
لساك بتسأل يافتى
القبله فين؟
(اينما تولوا وجوهكم فثم وجه الله)
والتشبه بالرجال
حياه
......
ولسه ملبوخه الكحيله
ف فكة الديل العزيز
اصحى بقى
يا أيها التلميذ
امسك سلاحك
واغتسل
ف بدون قدر الله
لا ترتزق
وبدون قدر الله
تباع.....