وأقف .....
الخطوه .
نقطه .
ومن اول ......
اكمل بدينك مايلى
كم مره كنت المبتلى
وامنت بالله العظيم.
سا عتين ومروا كانهم
ثانيه .
ضحكه وكانت من قديم
العهود.
فاكره اما كنت
باشم ريحة الفجر
انا بس صليت الضحى
وقت العصارى
وما كنتش اعرف
ان بينهم ضهر
ساند ع الشروق.
وتعدى قدامنا السواقى
والواو تفيد التتابع .
ندى..
وقطرات الدموع
تجرى لمستقر لها
وخدودى تنده ع الطربق
سا عدنى يا عمى
اعمى القلوب
لا يعي
(دقيت على الابواب
قالوا كفايه
دا مفيش حد.)
ارجع .
فكرت ادبل .
بس الافول بالمزاج
كفر
عفر غبارك عن تيابك
واستتر
انت النقى
ف بدون قدر الله
تهيم.
الضلع خلف الضلع
واقف ف الطابور
وسع انا دافع ومستعجل
طنشت يابن الايه
باليه
وقلبى اخد روحى على الدكه
لو تسمحيلى ..
وافقت واحلى موسيقى
تعزف وقت جسدى
ما افترش ع الارض
اصل الوطن والفرض
عرض وذات.
يا منتهى اللذات
وقت الرصاصه ماتخرم الجته
شايف بنات الحته
(حور مقصورات ف الخيام)
يا اخواننا انا عاجز
ومين يسمع؟
لامح بعينى
عينها مغمضه
مالك؟
جميله زى ماتعودت ترضى
بالقليل..
وهزت النخلات بايد واحده
نزل تفاح ..
انا المرادى مش هاقبل
ولا هى .
ولا ابليس
حايغوينا
....
تقول الشعر
يخرج مسك من فيها
وتستقصدنى
ابكيها.
انا الارض التى سالت
شرايينى
بفعلة من يراقبنى
ولا يدرى
...
( احن الى خبز امى
وقهوة امى)
(واسمع فى رنين صوتك
نغم مالى لياليكى)
وتمشى ..
وأقف...
لقد عم المساء
ف لاربع حيطان
ومرايه.
متقرفص
خايف ...
ماتحافش
بكره الجاى ..
هه
مانعرفهوش......................
.......................
............
........
....
..
.