(ايتهاالعير انهم ....)
والحلم يبات
من بين الناس
و جعان
طمعان
وانا نفسى ادوق
الدنيا بجد
جربت البرد على
الاسفلت؟
بالبدله الجينز
وبحبك بقى
ودموع
الفرحه بتحلم
بالتكوين
وبقايا الامس
ضوافرها تعض
ف مية بكره
وخروج بالدم
امى
والله مانزلتش
 عشانك
(صباح الخير على الورد
اللى فاتاح فى جناين مصر)
يقول العالم الجهبذ
ومن غيرى يموت
الوقت
بامر النائب الاعلى
هنا يحبس ويتكلبش
هنا يسجى ..
 على سريره
وكنا البعدا منبهرين
ابونا ينادى
ياولادى
وتحت الترابيزات
مخبر
يابخت الجوكر
المخفى
روليت ولف ف مكانه
هنا ثورة وطن عكا
و بوس الارض
واتمسح
يقول الشيخ
والقسيس
والابليس
دعونا نرجم الموتى
ونصلب كل من يدعو
على العفريت
ان الله لا يحمى
المغفلين
(سبع دبابيس استدبسناهم
من عند المستدبسين)
والف يمين ...
الوقت يمر بمراره
يمين ف شمال
وهب
ان اللى كانوا عيال
يموتوا فطيس
ياليل حلم الضلام
شمعات
وحلم البرد
دفايه
وحضن البنت
راح ببلاش
دعونا نسلك الطاقه
ونرسم بكره
بالطباشير
وبعده نكتبه
امشير
عشان نعجب
مغميانى وباعافر
مانيش كافر
ولا قادر على
 حبك
بحبك ..
بس ماتكملش
دى نهاية
صلاة العيد
ورحم الله من
عرف الحقيقه
وتدبر
على قلبى كتبت
البارحه . كنت
فطرحت سنبلات
خضر
فهل يسكنك ملك
الجان
فلا تدرى؟
اصباك مس
لا تجرى
عليك بالايه والرقوه
يموت جسدى
بلا تقوى
واموت م الخوف
ازف البشريات
للكائنات تمه
هنا القمه
عرفت الله
ولا تعجب .....
......