عن العمر
اللى عيشته
كتير
ضمير غايب
هو
يتكلم الفصحى
بلا وعى
ويهزى من فرط
المه
هى
الدنيا تزيد
همه
كتاف ع الكتف
زاد اللف
بين عمره اللى
متبعتر
ما طال له
كف
حنيه
يا ناس تحويجة
الدنيا
خلاصة علقمين
توأم ولاتفارقوش
مابتحسوش خلاصة الصبر ؟
يا مين منا ما داقش
القبر ف النومه
وقال كوابيس
ومين منا ماخدش الصاحب
الابليس
رفيق الدرب والعشره
ومين ما حطش العشره
ف قلب الشق
هنا العمرين على عمر
يدوبوا ف تجعيدات
ع الوش
والدمعات قصاد ضحكه
سنين فكه
ف تحويشه زمن
ولى
صدف قله
بتقلب موزونات
الكون
على المكنون
وع الطافح
يفوت العمر
واهو رايح
ومابيرجعش
غير
ذكرى