لا تقترب
م المقصله
انتى اللى كنتى
محضنه ع الحلم
واتاكى وغد
الصوت رصاص
وف قلب ترنيمه
خلاص
طبت مساجد تنحنى
مش لاقى غير جرافيتك
الباقى
دنيا التلاقى قصيره
والبقايات الصالحات
فرطت من الكف
وتلاشت
سلملى على كل الهوامش
كل باش كاتب حنين
وانت طيب
غمض عينيك
بدأ العذاب مقدما
يامن هواه ملثما
ماقدرش يتكلم
و عيط
وقت الجنازه انا كنت
بادعى
على اللى كانوا السبب
مش بدعى لك
تقيلة ركعات الوقوف
سلمت بدرى
النعش اسرع من خطا
الرجلين
(ادعوا له فهو الآن يسأل)
ودعيت عليهم بالقوى
جسدك قوى
لساه بينزف غرق التربه
الكفن حضن اللونين
والتراب كتر من المقادير
والتربى يشهق
كام جسد جوه
وانا لسه بادعى على اللى
كانوا السبب
وقت الحساب
الله يكون ف العون
استنى هاتروح معانا
خدهم معاك هايكملواالقصه
ويموتوا ف وقتهم
انا خدتهم
وفضلت صابر
والسؤال بيهزنى
يا هل ترى لما هاموت
هانكون كتير ؟