شفيتم من دواعى
الشهقه
سامحونى.
نويت استنسخ الموته
مادمت باعيش
لو الدنيا هاتستكرنى
ع الفرحه
يا اهلا بيها جنب
امى
ماباستعجلش حضن
القبر
بس الصبر
جاب اخره
وضحكات من هنا
اتاخروا
ف كام ماضى
على اشباه شقاوة
عيل اتفهم انه
كان غلوس
ماتستخيروش
على انى اموت
او اعيش
كفانى غربتين
تهميش
على تغريبة
الضيقه
يا كل الناس
هنا بكره
اذاعة صوت صدى
امبارح
فلا تعجب
ولا استفهام
عيشوها بكام
يكون اريح
ماتستغبوش
وسامحونى
نويت استنظر
امبارح
ف كام بكره
على قدى
بدون تكاليف