الناس  تاهت فى السكه.
وانا لسه دليلى ماجاش.
الحيره بترسم ضحكه.
على حزن قديم متعاش.
انا دايب اوى باتفرج على
 مشهد باهت م الفيلم.
متعود مش مستغرب كل
حياتى حلم ف حلم.
اهلا ببنات افكارى
بتاخد تارى من غير رد
غرقان من جوه ف بير
الجد
وبره حياتى هزار ف هزار.
الظاهر كل ما احاول اشق
طريقى بينهى ب سد.
زهقان من كتر العد دقايق
تنهى ف يوم جبار..
مخلوق من وسط الناس
التايهه ف نفس السكه رجوع..
ودليلى ف حاله مجاش
ومُصِر أنه ماينهيش موضوع..