تشبهيهم ف البراءه
يشبهولك ف السجون
يفتحولك الف طاقه
تقفليلهم الف كون
قلبى عندك يا حبيبتى
انما قلبك اصم
افرد الاحضان الاقى
كل حضن ينز دم
ترجع الاشواق بخيبه
تنطوى الاركان دموع
ملو ايدنا كل همك
ملو كل ايديكى جوع
علمونا من الميلاد
انك انتى احن ام
فا تفطمنا ع البعاد
وارتوينا الفرح غم
انتظرت دعاكى يامه
ف التقيت الهم كم
بس برضه الروح تعانق
وانتى ناصبه لنا المشانق
نعشقك جوه المزانق
يتعصر عضم الولاد
احنا ف عينيكى البعاد
وانتى ف عنينا القريبه
صدقينا احنا اللى ليكى
وش يضحك حضن طيبه
قلب يحلم وسط غيبه
لو بعدنا تبقى عيبه
يشتهى رجوعنا رجوع
مدنه حاضنه ف ايد
يسوع