وش القمر
بيطل على صفحة
سما
ديل شعره فيه
متشعبطين
بنت وولد
بيحبوا بعض
والارض ضد الحلم
لكن هما فين ؟
غادروا السنين
المفروضين
على حلمهم
نظرة قمر
بتبص ليه
متعجبه ؟
ماهو اصلها
متتعودتش
على الملاك
لما ابتسم
واللى اترسم
فى المكتوبين
حبة بشر
عاشوا بشر
وماتوا طين
هو انتوا ليه
مستكترين
على الملايكه
يعشقوا
دا الحب دين
والعشق رب اللى عرف
سيدنا قلبى
عاش ما بين ايد
الشقا
وقاسى عمر
عشان يكمل دعوته
ليه تكفروا
دا الفرض مش مستنى
حد
والعد نازل من زمان
ليه تدهنوا ايدكم
عذاب ؟
دا الرب بيحب الخلايق
كلها
مع انها اصلا تراب